paron ko khol zamaana udaan dekhta hai zameen pe baith ke kya aasmaan dekhta hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

dil na-umeed to nahin naakaam hi to hai lambi hai gham ki shaam magar shaam hi to hai

ham vo hain jo KHuda ko bhool ga.e tum meri jaan kis gumaan men ho

har ik maqaam se aage maqaam hai teraa hayaat zauq-e-safar ke siva kuchh aur nahin

dil se jo baat nikalti hai asar rakhti hai par nahin taqat-e-parwaaz magar rakhti hai

dhoondhta firta hooñ main iqbaal apne aap ko aap hi goya musaafir aap hi manzil hooñ main

watan kii fikr kar naadaan museebat aane waali hai teri barbaadiyon ke mashware hain aasmaanon men

phir uthi aaKHir sadaa tauheed ki punjab se hind ko ik mard-e-kaamil ne jagaaya KHvaab se