main ne dekha hai baharon men chaman ko jalte hai koi khvab ki tabir batane vaala

ai dil-e-be-qarar chup ho ja ja chuki hai bahar chup ho ja

bahar aae to mera salam kah dena mujhe to aaj talab kar liya hai sahra ne

miri zindagi pe na muskura mujhe zindagi ka alam nahin jise tere ghham se ho vasta vo khizan bahar se kam nahin

afsurdagi bhi husn hai tabindagi bhi husn ham ko khizan ne tum ko sanvara bahar ne

tuk dekh len chaman ko chalo lala-zar tak kya jaane phir jien na jien ham bahar tak

na sair-e-baghh na milna na mithi baten hain ye din bahar ke ai jaan muft jaate hain

lutf-e-bahar kuchh nahin go hai vahi bahar dil hi ujad gaya ki zamana ujad gaya

is taraf se guzre the qafile baharon ke aaj tak sulagte hain zakhm rahguzaron ke

khushi ke phuul khile the tumhare saath kabhi phir is ke baa'd na aaya bahar ka mausam

tere qurban 'qamar' munh sar-e-gulzar na khol sadqe us chand si surat pe na ho jaae bahar

ye sochte hi rahe aur bahar khatm hui kahan chaman men nasheman bane kahan na bane

i kept contemplating, spring came and went away where in the garden should i make my nest today

ajab bahar dikhai lahu ke chhinton ne khizan ka rang bhi rang-e-bahar jaisa tha

khizan ka bhes bana kar bahar ne maara mujhe do-rangi-e-lail-o-nahar ne maara

tadap ke rah gai bulbul qafas men ai sayyad ye kya kaha ki abhi tak bahar baaqi hai

shakhon se barg-e-gul nahin jhadte hain baaghh men zevar utar raha hai urus-e-bahar ka

shaguftagi-e-dil-e-karvan ko kya samjhe vo ik nigah jo uljhi hui bahar men hai

bahar aai ki din holi ke aae gulon men rang khela ja raha hai

aaj hai vo bahar ka mausam phuul todun to haath jaam aae

udhar bhi khaak udi hai idhar bhi khaak udi jahan jahan se baharon ke karvan nikle

main ne dekha hai baharon men chaman ko jalte hai koi khvab ki tabir batane vaala

ai dil-e-be-qarar chup ho ja ja chuki hai bahar chup ho ja

bahar aae to mera salam kah dena mujhe to aaj talab kar liya hai sahra ne

miri zindagi pe na muskura mujhe zindagi ka alam nahin jise tere ghham se ho vasta vo khizan bahar se kam nahin

afsurdagi bhi husn hai tabindagi bhi husn ham ko khizan ne tum ko sanvara bahar ne

shaguftagi-e-dil-e-karvan ko kya samjhe vo ik nigah jo uljhi hui bahar men hai

us ko khizan ke aane ka kya ranj kya qalaq rote kata ho jis ko zamana bahar ka

na sair-e-baghh na milna na mithi baten hain ye din bahar ke ai jaan muft jaate hain

mujh ko ehsas-e-rang-o-bu na hua yuun bhi aksar bahar aai hai

is taraf se guzre the qafile baharon ke aaj tak sulagte hain zakhm rahguzaron ke

jab se chhuta hai gulistan ham se roz sunte hain bahar aai hai

tere qurban 'qamar' munh sar-e-gulzar na khol sadqe us chand si surat pe na ho jaae bahar

kahiyo saba salam hamara bahar se ham to chaman ko chhod ke su-e-qafas chale

bahar aai ki din holi ke aae gulon men rang khela ja raha hai

khizan ka bhes bana kar bahar ne maara mujhe do-rangi-e-lail-o-nahar ne maara

tinkon se khelte hi rahe ashiyan men ham aaya bhi aur gaya bhi zamana bahar ka

miri bahar men aalam khizan ka rahta hai hua jo vasl to khatka raha judai ka

aaj hai vo bahar ka mausam phuul todun to haath jaam aae

udhar bhi khaak udi hai idhar bhi khaak udi jahan jahan se baharon ke karvan nikle

ai khizan bhaag ja chaman se shitab varna fauj-e-bahar aave hai