aaj ik aur baras biit gaya us ke baghhair jis ke hote hue hote the zamane mere

dekhiye paate hain ushshaq buton se kya faiz ik barahman ne kaha hai ki ye saal achchha hai

ghalib juxtaposes the general optimism of an astrological prediction with the specific pessimism of a lover. while the brahmin predicts a 'good year' based on stars, the speaker remains skeptical, wondering if this cosmic good fortune will translate into any actual kindness from the notoriously indifferent beloveds (referred to as idols). it highlights that for a lover, luck is defined solely by the beloved's attitude.

tu naya hai to dikha subh nai shaam nai varna in ankhon ne dekhe hain nae saal kai

kuchh khushiyan kuchh aansu de kar taal gaya jivan ka ik aur sunahra saal gaya

na koi ranj ka lamha kisi ke paas aae khuda kare ki naya saal sab ko raas aae

kisi ko sal-e-nau ki kya mubarakbad di jaae calender ke badalne se muqaddar kab badalta hai

phir nae saal ki sarhad pe khade hain ham log raakh ho jaega ye saal bhi hairat kaisi

ek baras aur biit gaya kab tak khaak udani hai

ik ajnabi ke haath men de kar hamara haath lo saath chhodne laga akhir ye saal bhi

jis barahman ne kaha hai ki ye saal achchha hai us ko dafnao mire haath ki rekhaon men

chehre se jhaad pichhle baras ki kuduraten divar se purana calender utaar de

dulhan bani hui hain rahen jashn manao sal-e-nau ke

pichhla baras to khuun rula kar guzar gaya kya gul khilaega ye naya saal dosto

ik pal ka qurb ek baras ka phir intizar aai hai january to december chala gaya

sal-e-nau aata hai to mahfuz kar leta huun main kuchh purane se calender zehn ki divar par

mubarak mubarak naya saal aaya khushi ka saman saari duniya pe chhaya

ek patta shajar-e-umr se lo aur gira log kahte hain mubarak ho naya saal tumhen

ye kis ne phone pe di sal-e-nau ki tahniyat mujh ko tamanna raqs karti hai takhayyul gungunata hai

khuda kare ki ye din baar baar aata rahe aur apne saath khushi ka khazana laata rahe

ab ke baar mil ke yuun sal-e-nau manaenge ranjishen bhula kar ham nafraten mitaenge

aaj ik aur baras biit gaya us ke baghhair jis ke hote hue hote the zamane mere

dekhiye paate hain ushshaq buton se kya faiz ik barahman ne kaha hai ki ye saal achchha hai

ghalib juxtaposes the general optimism of an astrological prediction with the specific pessimism of a lover. while the brahmin predicts a 'good year' based on stars, the speaker remains skeptical, wondering if this cosmic good fortune will translate into any actual kindness from the notoriously indifferent beloveds (referred to as idols). it highlights that for a lover, luck is defined solely by the beloved's attitude.

tu naya hai to dikha subh nai shaam nai varna in ankhon ne dekhe hain nae saal kai

na shab o roz hi badle hain na haal achchha hai kis barhaman ne kaha tha ki ye saal achchha hai

yakum january hai naya saal hai december men puchhunga kya haal hai

na koi ranj ka lamha kisi ke paas aae khuda kare ki naya saal sab ko raas aae

umr ka ek aur saal gaya vaqt phir ham pe khaak daal gaya

phir nae saal ki sarhad pe khade hain ham log raakh ho jaega ye saal bhi hairat kaisi

purane saal ki thithuri hui parchhaiyan simtin nae din ka naya suraj ufuq par uthta aata hai

ik ajnabi ke haath men de kar hamara haath lo saath chhodne laga akhir ye saal bhi

ek patta shajar-e-umr se lo aur gira log kahte hain mubarak ho naya saal tumhen

ye kis ne phone pe di sal-e-nau ki tahniyat mujh ko tamanna raqs karti hai takhayyul gungunata hai

guzishta saal koi maslahat rahi hogi guzishta saal ke sukh ab ke saal de maula

chehre se jhaad pichhle baras ki kuduraten divar se purana calender utaar de

dulhan bani hui hain rahen jashn manao sal-e-nau ke

naya saal divar par taang de purane baras ka calendar gira

ab ke baar mil ke yuun sal-e-nau manaenge ranjishen bhula kar ham nafraten mitaenge

naya saal aaya hai khushiyan manao nae asmanon se ankhen milao

is gae saal bade zulm hue hain mujh par ai nae saal masiha ki tarah mil mujh se

sal-e-nau aata hai to mahfuz kar leta huun main kuchh purane se calender zehn ki divar par