tamam raat nahaya tha shahr barish men vo rang utar hi gae jo utarne vaale the

kisi kali kisi gul men kisi chaman men nahin vo rang hai hi nahin jo tire badan men nahin

lab-e-nazuk ke bose luun to missi munh banati hai kaf-e-pa ko agar chumun to mehndi rang laati hai

ghhair se kheli hai holi yaar ne daale mujh par dida-e-khun-bar rang

tumhare rang phike pad gae naan miri ankhon ki virani ke aage

mujh ko ehsas-e-rang-o-bu na hua yuun bhi aksar bahar aai hai

ajab bahar dikhai lahu ke chhinton ne khizan ka rang bhi rang-e-bahar jaisa tha

rang hi se fareb khate rahen khushbuen azmana bhuul gae

saans leta hua har rang nazar aaega tum kisi roz mire rang men aao to sahi

vo rang rang ke chhinte pade ki us ke baad kabhi na phir nae kapde pahan ke nikla main

main duur tha to apne hi chehre pe mal liya is zindagi ke haath men jitna gulal tha

tu bhi dekhega zara rang utar len tere ham hi rakhte hain tujhe yaad ki sab rakhte hain

vo kudte uchhalte rangin pairahan the maasum qahqahon men udta gulal dekha

dasht-e-vafa men jal ke na rah jaaen apne dil vo dhuup hai ki rang hain kaale pade hue

idhar bhi ik nazar ai jalva-e-rangin-o-begana tulu-e-mah ka hai muntazir mera siyah-khana

lab-e-dariya pe dekh aa kar tamasha aaj holi ka bhanvar kaale ke daf baaje hai mauj ai yaar paani men

main jinhen dil pe khaae phirta huun tire hisse ke ranj the maula

ab ki holi men raha be-kar rang aur hi laaya firaq-e-yar rang

ujalon men chhupi thi ek ladki falak ka rang-roghhan kar gai hai

saikdon rangon ki barish ho chukegi us ke baad itr men bhigi hui shamon ka manzar aaega

tamam raat nahaya tha shahr barish men vo rang utar hi gae jo utarne vaale the

kisi kali kisi gul men kisi chaman men nahin vo rang hai hi nahin jo tire badan men nahin

lab-e-nazuk ke bose luun to missi munh banati hai kaf-e-pa ko agar chumun to mehndi rang laati hai

ghhair se kheli hai holi yaar ne daale mujh par dida-e-khun-bar rang

tumhare rang phike pad gae naan miri ankhon ki virani ke aage

mujh ko ehsas-e-rang-o-bu na hua yuun bhi aksar bahar aai hai

bahar aai ki din holi ke aae gulon men rang khela ja raha hai

ajab bahar dikhai lahu ke chhinton ne khizan ka rang bhi rang-e-bahar jaisa tha

vo aae to rang sanvarne lagte hain jaise bichhda yaar bhi koi mausam hai

saans leta hua har rang nazar aaega tum kisi roz mire rang men aao to sahi

hazar rang-ba-daman sahi magar duniya bas ek silsila-e-etibar hai, kya hai

kis ki holi jashn-e-nau-rozi hai aaj surkh mai se saqiya dastar rang

main duur tha to apne hi chehre pe mal liya is zindagi ke haath men jitna gulal tha

saikdon rangon ki barish ho chukegi us ke baad itr men bhigi hui shamon ka manzar aaega

shab jo holi ki hai milne ko tire mukhde se jaan chand aur taare liye phirte hain afshan haath men

vo kudte uchhalte rangin pairahan the maasum qahqahon men udta gulal dekha

main ne kuchh rang uchhale the havaon men 'nabil' aur tasvir tiri dhyan se bahar aai

kitni ranginiyon men teri yaad kis qadar sadgi se aati hai

lab-e-dariya pe dekh aa kar tamasha aaj holi ka bhanvar kaale ke daf baaje hai mauj ai yaar paani men

maslahat ka ye kafan rakhta hai be-daghh hamen ahl-e-iman hain ham-rang se dar lagta hai