Safar

main akela hi chala tha jaanib-e-manzil magar log sath aate gae aur karwan banta gaya

kisi ko ghar se nikalte hi mil gai manzil koi hamari tarah umr bhar safar mein raha

zindagi yun hui basar tanha qafila sath aur safar tanha translation the life was thus spent, alone, despite the caravan, journey, alone. sagar akbarabadi

is safar mein nind aisi kho gai hum na soe raat thak kar so gai

mujhe khabar thi mera intizar ghar mein raha ye hadsa tha ki main umr bhar safar mein raha

main lautne ke irade se ja raha hun magar safar safar hai mera intizar mat karna intent on returning a journey is a journey so do not wait for me

dar hum ko bhi lagta hai raste ke sannate se lekin ek safar par ai dil ab jaana to hoga

na manzilon ko na hum rahguzar ko dekhte hain ajab safar hai ki bas ham-safar ko dekhte hain

safar mein dhup to hogi jo chal sako to chalo sabhi hain bhid mein tum bhi nikal sako to chalo

safar mein aise kai marhale bhi aate hain har ek mod pe kuchh log chhut jate hain

ek safar wo hai jis mein panw nahin dil thakta hai

kis ki talash hai hamein kis ke asar mein hain jab se chale hain ghar se musalsal safar mein hain

hai koi jo batae shab ke musafiron ko kitna safar hua hai kitna safar raha hai

safar hai shart musafir-nawaz bahutere hazar-ha shajar-e-saya-dar rah mein hai

safar mein koi kisi ke liye thaharta nahin na mud ke dekha kabhi sahilon ko dariya ne

aae thahre aur rawana ho gae zindagi kya hai, safar ki baat hai

go aable hain panw mein phir bhi ai rahrawo manzil ki justuju hai to jari rahe safar

nahin hoti hai rah-e-ishq mein aasan manzil safar mein bhi to sadiyon ki masafat chahiye hai

abhi safar mein koi mod hi nahin aaya nikal gaya hai ye chup-chap dastan se kaun

chale the jis ki taraf wo nishan khatm hua safar adhura raha aasman khatm hua

tilism-e-khwab-e-zulekha o dam-e-barda-farosh hazar tarah ke qisse safar mein hote hain

meri taqdir mein manzil nahin hai ghubar-e-karwan hai aur main hun

main apne aap mein gahra utar gaya shayad mere safar se alag ho gai rawani meri

kabhi meri talab kachche ghade par par utarti hai kabhi mahfuz kashti mein safar karne se darta hun

ye baat yaad rakhenge talashne wale jo us safar pe gae laut kar nahin aae

main safar mein hun magar samt-e-safar koi nahin kya main khud apna hi naqsh-e-kaf-e-pa hun kya hun

wo lutf uthaega safar ka aap-apne mein jo safar karega

rah-e-talab mein kise aarzu-e-manzil hai shuur ho to safar khud safar ka hasil hai

apni si khak uda ke baith rahe apna sa qafila banate hue

musafirat ka walwala siyahaton ka mashghala jo tum mein kuchh ziyaada hai safar karo safar karo