Zulm

kahin suraj nazar aata nahin hai hukumat shahr mein ab dhund ki hai

qahr dhaegi asiron ki tadap aur bhi uljhenge halqe dam ke

hum parindon se hunar chhinega kaun jal gaya ek ghar to sau ghar ban gae

aap mazlum ke ashkon se na khilwad karen ye wo dariya hain jo shahron ko nigal sakte hain

mar jaenge jab hum to bahut yaad karegi ji bhar ke sata le shab-e-hijran koi din aur

unhi pe ho kabhi nazil azab aag ajal wahi nagar kabhi thahren payambaron wale

kiya ishq-e-majazi ne haqiqat aashna mujh ko buton ne zulm wo dhaya ki yaad aaya khuda mujh ko

suni na ek bhi zalim ne aarzu dil ki ye kis ke samne hum arz-e-haal kar baithe

guzra tha apne shahr se rawan fasad ka zalim mohabbaton ki kathaen bhi le gaya

zulm sah ke bhi main ne hont si liye 'ghazi' ek zarf un ka hai ek zarf mera hai

zulm se gar zabh bhi kar do mujhe parwa nahin lutf se darta hun ye meri qaza ho jaega

main mulk-badar sabr bhi kar sakti thi lekin ye dekhna tha zulm ki sarhad hai kahan tak

khud-farebi mein mubtala rakh kar zulm ki tum ne intiha ki hai

dar aur zulm ka yaro koi ant nahin khud ko dhund rahe hain log ab rawan mein

usi ko saunp di hum ne hifazat apne khemon ki wo aadam-khor jo lashon ka byopari raha barson

us sitam pesha ka eajaz-e-sitam hi hoga dast-e-qatil ko agar dast-e-masiha likkhun