Zulm

kahin suraj nazar aata nahin hai hukumat shahr mein ab dhund ki hai

khushi banate hue log mare jate hain

khushi banate hue log maare jaate hain gharon ko jaate hue log maare jaate hain kisi ne sach hi kaha imtihan hai duniya najat paate hue log maare jaate hain amiir un ko zamana ye kyon nahin kahta jo ghham kamate hue log maare jaate hain khudaya bhuuk se bachche unhin ke marte hain jo hal chalate hue log maare jaate hain khushi banate hue log mare jate hain gharon ko jate hue log mare jate hain kisi ne sach hi kaha imtihan hai duniya najat pate hue log mare jate hain amir un ko zamana ye kyon nahin kahta jo gham kamate hue log mare jate hain khudaya bhuk se bachche unhin ke marte hain jo hal chalate hue log mare jate hain

qahr dhaegi asiron ki tadap aur bhi uljhenge halqe dam ke

zindagi hai nam jis ka kis qadar dushwar hai

zindagi hai naam jis ka kis qadar dushvar hai phir bhi duniya hai ki jiine ke liye tayyar hai ek se qatil hain har su ek se munsif yahan sab ke chehre ek se hain ek sa kirdar hai kal jahan ham tum banate the gharaunde pyaar ke aaj us angan men nafrat ki khinchi divar hai hai zarurat mulk ko to kyuun na ham bhi saunp den vo lahu jis ka yahan par aaj kar-o-bar hai zindagi hai nam jis ka kis qadar dushwar hai phir bhi duniya hai ki jine ke liye tayyar hai ek se qatil hain har su ek se munsif yahan sab ke chehre ek se hain ek sa kirdar hai kal jahan hum tum banate the gharaunde pyar ke aaj us aangan mein nafrat ki khinchi diwar hai hai zarurat mulk ko to kyun na hum bhi saunp den wo lahu jis ka yahan par aaj kar-o-bar hai

hum parindon se hunar chhinega kaun jal gaya ek ghar to sau ghar ban gae

jis din bhi zulm apni hadon se guzar gaya

jis din bhi zulm apni hadon se guzar gaya mazlum ka nasib usi din sanvar gaya tu khush tha mujh ko zulm ki bhatti men jhonk kar sona tha main to aur bhi tap kar nikhar gaya ham hain hamari aankh abhi tak nahin khuli ab to hamare sar se bhi paani guzar gaya zalim ko mere sabr pe kuchh sochna pada khamosh rahna mera bada kaam kar gaya qatil ne ankhon ankhon men munsif se baat ki ilzam mere qatl ka mere hi sar gaya is ke shikasta-hal pe rab ka karam tha ye duniya navazti gai 'mahir' jidhar gaya jis din bhi zulm apni hadon se guzar gaya mazlum ka nasib usi din sanwar gaya tu khush tha mujh ko zulm ki bhatti mein jhonk kar sona tha main to aur bhi tap kar nikhar gaya hum hain hamari aankh abhi tak nahin khuli ab to hamare sar se bhi pani guzar gaya zalim ko mere sabr pe kuchh sochna pada khamosh rahna mera bada kaam kar gaya qatil ne aankhon aankhon mein munsif se baat ki ilzam mere qatl ka mere hi sar gaya is ke shikasta-haal pe rab ka karam tha ye duniya nawazti gai 'mahir' jidhar gaya

aap mazlum ke ashkon se na khilwad karen ye wo dariya hain jo shahron ko nigal sakte hain

mar jaenge jab hum to bahut yaad karegi ji bhar ke sata le shab-e-hijran koi din aur

unhi pe ho kabhi nazil azab aag ajal wahi nagar kabhi thahren payambaron wale

kiya ishq-e-majazi ne haqiqat aashna mujh ko buton ne zulm wo dhaya ki yaad aaya khuda mujh ko

suni na ek bhi zalim ne aarzu dil ki ye kis ke samne hum arz-e-haal kar baithe

guzra tha apne shahr se rawan fasad ka zalim mohabbaton ki kathaen bhi le gaya

zulm sah ke bhi main ne hont si liye 'ghazi' ek zarf un ka hai ek zarf mera hai

zulm se gar zabh bhi kar do mujhe parwa nahin lutf se darta hun ye meri qaza ho jaega

main mulk-badar sabr bhi kar sakti thi lekin ye dekhna tha zulm ki sarhad hai kahan tak

khud-farebi mein mubtala rakh kar zulm ki tum ne intiha ki hai

dar aur zulm ka yaro koi ant nahin khud ko dhund rahe hain log ab rawan mein

usi ko saunp di hum ne hifazat apne khemon ki wo aadam-khor jo lashon ka byopari raha barson

us sitam pesha ka eajaz-e-sitam hi hoga dast-e-qatil ko agar dast-e-masiha likkhun