chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

zehan par zor dene se bhi yaad nahin aata ki ham kya dekhte the sirf itnaa pata hai ki ham aam logon se bilkul juda dekhte the tab ha men apne purkhon se virse men aayi hui baddua yaad aayi jab kabhi apni aankhoñ ke aage tujhe shahar jaata hua dekhte the sach bataayen to teri mohabbat ne KHud par tavajjoh dilaai hamaari tu ha men choomta tha to ghar ja ke ham der tak aaina dekhte the saara din ret ke ghar banaate hue aur girte hue beet jaata shaam hote hi ham doorbeeno men apni chhato se KHuda dekhte the us ladai men dono taraf kuchh sipaahi the jo neend men bolte the jang taltee nahin thii siroon se magar KHvaab men faakhta dekhte the dost kisko pata hai ki waqt uski aankhoñ se phir kis tarah pesh aaya ham ikatthe the hanste the rote the ik doosre ko badaa dekhte the

ham aise ishq ke maaron ko tanhaa maar deti hai mohabbat jaan ki pyaasi hai banda maar deti hai alag andaaz hain dono ke apni baat kehne ke main uspe she'r kahtaa hoon vo taana maar deti hai ham uske dil men rahte hain so achchhe hain wagarana dost adaaon se to 'aashiq ko vo zinda maar deti hai kisi rassi kisi pankhe pe ye ilzaam aaya par koi KHud se nahin marta ye duniya maar deti hai ham aise log ghalti se kabhi jo KHvaab dekhen to ghareebi KHvaab ke munh pe tamaacha maar deti hai

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

kharaabi kuchh na poochho mulakat-e-dil ki imarat ki ghamon ne aaj-kal suniyo vo aabaa dii hi gharaat ki nigah-e-mast se jab chashm ne is ki ishaarat ki halaavat may ki aur buniyaad maykhaane ki gharaat ki sahar-gah main ne poocha gul se haal-e-zaar bulbul ka pade the baagh men yak-musht par udhar ishaarat ki jalaya jis tajallii-e-jalwa-gar ne toor ko ham-dam usii aatish ke par kaale ne ham se bhi sharaarat ki nazaakat kya kahooñ khursheed-roo ki kal shab-e-mah men gaya tha saa.e saa.e baagh tak tis par hararat ki nazar se jis ki yusuf sa gaya phir us ko kya sujhe haqeeqat kuchh na poochho peer-e-kan'aan ki basaarat ki tire kooche ke shauq-e-tauf men jaise bagoola tha biyaabaan main ghubaar meer ki ham ne ziyaarat ki

mehr ki tujh se tavakko thii sitamgar niklaa mom samjhe the tire dil ko so patthar niklaa daagh hooñ rask-e-mohabbat se ki itnaa betaab kis ki taskin ke li.e ghar se tu baahar niklaa jeete jee aah tire kooche se koi na fira jo sitam-deeda raha ja ke so mar kar niklaa dil ki aabaa dii ki is had hai kharaabi ki na pooch jaana jaata hai ki us raah se lashkar niklaa ashk-e-tar qatra-e-khoon lakht-e-jigar paara-e-dil ek se ek addad aankh se bah kar niklaa kunj-kaavi jo ki seene ki gham-e-hijraan ne is dafneene men se aqsaam-e-jawaahar niklaa ham ne jaana tha likhega tu koi harf ai meer par tira naama to ik shauq ka daftar niklaa

khat likh ke koi saada na us ko malool ho ham to hooñ bad-gumaan jo qaasid-e-rasool ho chaahoon to bhar ke kaulee utha luun abhii tumhein kaise hi bhari ho mire aage to phool ho surma jo noor bakshe hai aankhoñ ko khalk ki shaayad ki raah-e-yaar ki hi KHaak dhool ho jaaven nisaar hone ko ham kis bisaat par ik neem jaañ rakhen hain so vo jab qubool ho ham in dinon men lag nahin padte hain subh-o-shaam warna dua karen to jo chahein husool ho dil le ke launde dilli ke kab ka pacha ga.e ab un se khaai pee hui shay kiya vasool ho naakaam is li.e ho ki chaaho ho sab kuchh aaj tum bhi to meer saahib-o-qibla ajuul ho

nahin waswaas jee ganwaane ke haaye re zauq dil lagaane ke mere taghaeer-e-haal par mat ja ittifaqaat hain zamaane ke dam-e-aakhir hi kya na aanaa tha aur bhi vaqt the bahaane ke is kudoorat ko ham samjhte hain dhab hain ye KHaak men milaane ke bas hain do burg-e-gul qafas men saba nahin bhooke ham aab-o-daane ke marne par baithe hain suno sahab bande hain apne jee chalaane ke ab garebaan kahaan ki ai naaseh chadh gaya haath us deewane ke chashm-e-najm sipahr jhapke hai sadqe us ankhdhiyaan ladaane ke dil-o-deen hosh-o-sabr sab hi ga.e aage aage tumhaare aane ke kab tu sota tha ghar mare aa kar jaage taalaa ghareeb-khaane ke miza-e-abroo-nigah se is ki meer kushta hain apne dil lagaane ke teer-o-talwaar-o-sail yakjaa hain saare asbaab maar jaane ke

tang aa.e hain dil us jee se utha baithege bhookhon marte hain kuchh ab yaar bhi kha baithege ab ke bigdegi agar un se to is shahar se ja kaso veeraane men takiya hi banaa baithege ma'arka garm to tak hone do khuun-rezi ka pahle talwaar ke neeche humeen ja baithege hogaa aisa bhi koi roz ki majlis se kabhu ham to ek-aadh ghadi uth ke juda baithege ja na izhaar-e-mohabbat pe havasnaakon ki vaqt ke vaqt ye sab munh ko chhupa baithege dekhen vo ghairat-e-khursheed kahaan jaata hai ab sar-e-raah dam-e-subh se aa baithege bheed taltee hi nahin aage se us zalim ke gardanen yaar kisi roz kata baithege kab talak galiyon men saudaai se firte rahiye dil ko us zulf-e-musalsal se laga baithege shola-afshaan agar aisi hi rahi aah to meer ghar ko ham apne kaso raat jala baithege