yaad hai pahle roz kaha tha yaad hai pahle roz kaha tha phir na kehna ghalti dil ki pyaar samajh ke karna ladki pyaar nibh aanaa hota hai phir paar lagana hota hai yaad hai pahle roz kaha tha saath chalo to poore safar tak mar jaane ki agli khabar tak samjho yaar KHuda tak hogaa saara pyaar vafaa tak hogaa phir ye bandhan tod na j aanaa chhod ga.e to phir na aanaa chhod diya jo teraa nahin hai chala gaya jo meraa nahin hai yaad hai pahle roz kaha tha ya to toot ke pyaar na karna ya phir peeth pe vaar na karna jab nadaani ho jaati hai nayi kahaanii ho jaati hai nayi kahaanii likh laaunga agle roz main bik jaaunga tere gul jab khil jaayenge mujh...ko paise mil jaayenge yaad hai pahle roz kaha tha bichhad ga.e to mauj udh aanaa waapas mere paas na aanaa jab koi jaakar waapas aa.e roye tadpe ya pachht aa.e main phir us..ko milta nahin hooñ saath dobara chaltaa nahin hooñ gum jaata hooñ kho jaata hooñ main patthar ka ho jaata hooñ

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

raaygaani main kamre men pichhle ikattees dinon se faqat is haqeeqat ka nuksaan ginne ki koshish men uljha hua hooñ ki tu ja chuki hai tujhe raaygaani ka ratti barabar andaaza nahin hai tujhe yaad hai vo zamaana jo campus ki pagdandiyon pe tahalte hue kat gaya tha tujhe yaad hai ki jab qadam chal rahe the ki ek pair teraa tha aur ek meraa qadam vo jo dharti pe aawaaz dete ki jaise ho raaga koi mutriboon ka qadam jaise ke sa pa ga ma pa ga sa re vo table ki tirakhat pe tak dhin dhinka dhin tink dhin dhana dhin bahm chal rahe the qadam chal rahe the qadam jo musalsal agar chal rahe the to kitne gavaiyon ke ghar chal rahe the magar jis gha dii tu ne us raah ko mere tanha qadam ke hawaale kiya un suron ki kahaanii wahin ruk gaii kitnii fankaariyaan kitnii baarikiyaan kitnii kaliyaan bilaaval gavaiyon ke honthon pe aane se pahle fana ho gaye kitne nusrat fateh kitne mehn dii hasan muntazir rah gaye ki hamaare qadam phir se uthne lagen tujhko maaloom hai jis gha dii meri awaaz sun ke tu ik zaaviye pe palat ke mu dii thii wahaan se relativity ka janaaza utha tha ki us zaaviye ki kashish men hi yoonan ke falsafe sab zamaanon ki tarteeb barbaad kar ke tujhe dekhne aa gaye the ki tere jhukaav ki tamsil pe apni seedhi lakeeron ko kham de saken apni ak dii hui gardanon ko liye apne vaqton men palten geometry ko janam de saken ab bhi kuchh falsafi apne feke zamaanon se bhaage hue hain mere raaston pe aañkhen bichhaaye hue apni daanisht men yuñ khade hain ki jaise vo daanish ka mamba yahiin pe kahii hai magar mud ke takne ko tu hi nahin hai to kaise florence ki tang galiyon se koi davinci uthe kaise hispania men picasso bane unki aankhoñ ko tu jo muyassar nahin hai ye sab tere mere ikatthe na hone ki qeemat ada kar rahe hain ki tere na hone se har ik zama men har ek fan men har ek dastaan men koi ek chehra bhi taza nahin hai tujhe raaygaani ka ratti barabar andaaza nahin hai

bahut KHoob-soorat ho tum bahut KHoob-soorat ho tum kabhi main jo kah doon mohabbat hai tum se to mujh ko khuda raa galat mat samajhna ki meri zaroorat ho tum bahut KHoob-soorat ho tum hain phoolon ki daali pe baanhe tumhaari hain KHaamosh jaadu nigaahen tumhaari jo kaañte hooñ sab apne daaman men rakh luun sajaun main kaliyon se raahen tumhaari nazar se zamaane ki KHud ko bachaana kisi aur se dekho dil mat lagana ki meri amaanat ho tum bahut KHoob-soorat ho tum kabhi jugnuon ki qataaron men dhoondha chamakte hue chaand-taaron men dhoondha khajaon men dhoondha bahaaron men dhoondha machalte hue aabsaaron men dhoondha haqeeqat men dekha fansaane men dekhana tum sa hañsi is zamaane dekhana duniya ki rangeen mehfil men paaya jo paaya tumhein apna hi dil men paaya ek aisi masarrat ho tum bahut KHoob-soorat ho tum hai chehra tumhaara ki din hai sunhara hai chehra tumhaara ki din hai sunhara aur is par ye kaali ghataon ka pahra gulaabon se naazuk mahakta badan hai ye lab hain tumhaare ki khilta chaman hai bikhero jo zulfen to sharmaae baadal farishte bhi dekhen to ho jaayen paagal vo paakizaa moorat ho tum bahut KHoob-soorat ho tum jo ban ke kali muskuraati hai akshar shab hijr men jo rulaati hai akshar jo lamhon hi lamhon men duniya badal de jo sha'ir ko de jaa.e pahluu ghazal ke chhupaana jo chahein chhupaai na jaa.e bhulaana jo chahein bhulaai na jaa.e vo pahli mohabbat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum

yaad hai ek din meri mez pe baithe-baithe cigarette ki dibiyaa par tumne ek sketch banaya tha aakar dekhous paudhe par phool aaya hai

imarat aur shaaukat aur armaaye ki tasveerein ye aivaanaat sab hain haal hi ki taaza taamirein idhar kuchh faasle par chand ghar the kaasht-kaaron ke jahaan ab kaar-khaane ban ga.e sarmaaya-daaron ke maweshi ho ga.e neelaam kyun ye koi kya jaane kachehri jaane saahookaar jaane ya KHuda jaane zameen-daaron ko ja kar dekh le jo bhi koi chahe naye bhatoon men eenten thaapte firte hain halwahe yahaañ apne purane gaav ka ab kya raha baaki yahii takiya yahii ik main yahii ik jhonpadaa baaki azeemushshaan bastii hai ye nau-aabaad veeraana yahaañ ham ajnabi dono hain main aur meraa kaashaana

aaj baadal khoob barsa aur baras kar khul gaya gulsitaan ki daali daali patta patta dhul gaya dekhna kya dhul gaya saare ka saara aasmaañ udaa udaa neela neela pyaara pyaara aasmaañ hat gaya baadal ka parda mil gaii kirnon ko raah saltanat par apni phir khurshid ne daali nigaah dhoop men hai ghaas par paani ke qatron ki chamak maat hai is vaqt moti aur heere ki damak de rahi hai lutf kya sarsabz pedon ki qataar aur hari shaakhon pe hai rangeen phoolon ki bahaar kya parinde phir rahe hain chahchahaate har taraf raagini barsaat ki KHush ho ke gaate har taraf dekhna vo kya achambha hai are vo dekhna aasmaañ par in darakhton se pare vo dekhna ye koi jaadu hai ya sach-much hai ik rangeen kamaan waah vaa kaisa bhala lagta hai ye pyaara samaan kis musavvir ne bhare hain rang aise khushnuma is ka har ik rang hai aankhoñ men jaise khub gaya ik jagah kaise ikatthe kar diye hain saath rang shokh hain saaton ke saaton ik nahin hai maat rang hai ye qudrat ka nazaara aur kya kahiye ise bas yahii jee chahta hai dekhte rahiye ise nanhe nanhe jama the paani ke kuchh qatre vahaañ un pe daala aks suraj ne banaa dii ye kamaan dekho dekho ab mitti jaati hai vo pyaari dhanak dekhte hi dekhte gum ho gaii saari dhanak phir hawa men mil gaii vo sab ki sab kuchh bhi nahin aañkhen mal mal kar na dekho aao ab kuchh bhi nahin

fitna-e-khuftaa jagaae us gha dii kis ki majaal qaid hain shehzaadiyaan koi nahin pursaan-e-haal in ghareebon ki madad par koi aamada nahin ek shaayar hai yahaañ lekin vo shehzaada nahin aahoon ki surmageen palken fazaa par hukmraan chhaai hain arz o samaa par aahneen si jaaliyaan door se kohsaar o waa dii par ye hota hai gumaan oont hain baithe hue utara hua hai kaarwaan ya asar hain aasmaan-e-peer par barsaat ke khema-e-bosida men paivand hain baanaat ke aur is khe men ke andar zindagi soi hui teergii soi hui taabindagi soi hui ai hafiz in neend ke maaton ki manzil se nikal kaam hai darpaish daam-e-deeda-o-dil se nikal deeda-o-dil ko bhi ghaflat ke shabistaan se nikaal ye jo khaamoshi ki zanjeeren hain in ko tod daal subh karne ke li.e phir haav-hoo darkaar hai shukr kar soti hui duniya men tu bedaar hai

siyaahi ban ke chaaya shahar par shaitaan ka fitna gunaahon se lipt kar so gaya insaan ka fitna panaahen husn ne paai siyahkaari ke daaman men wafadari hui roo-posh naadaari ke daaman men muyassar hain zari ke shaamiyaane khush-naseebi ko odha dii saaya-e-deewar ne chadar ghareebi ko mashqat ko sikha kar khoobiyaan khidmat-guzaari ki hui be-KHauf be-imaaniyaan sarmaaya-daari ki liya aaghosh men phoolon ki seejon ne ameeri ko muhayya KHaak hi ne kar diye aasan faqiri ko tadapna chhod kar chup ho ga.e jee haarne waale maze ki neend soye taaziyaane maarnay waale vo roohani vo jismaani uqoobat kam hui aaKHir ghulaami bediyo ke bojh se be-dam hui aaKHir hue fariyaadiyon par band aivaanon ke darwaaze ki KHud muhtaaj-e-darbaan hain jahaan-baano ke darwaaze isee andaaz se ja soi ghaflat baadshaahon ki suroor o kaif ban kar chha gaiin neenden gunaahon ki sharaaben khatm kar ke ho ga.e KHaamosh hangaa men bil-aakhir neend aayi so ga.e pur-josh hangaa men thama jab zindagi ka josh parakhash-e-ajal jaagi amal ko dekh kar madhosh paadaash-e-amal jaagi uthaya maut ne patthar jahannam ke dahaane se jahaan aatish ka dariyaa kholta tha ik zamaane se bulan dii se tabaahi ke samundar ne kiya dhaava chataanon ke jigar se phoot niklaa aatishin-laava dikha dii aag aivaanon ko mazloomi ki aahon ne uthaaye shola-ha-e-aatishin bekas nigaahon ne unhen mukhtar ban kar bekasi ke KHoon ki maujen hisaar-e-marg ne mahsoor kar leen jang jo faujen na husn o ishq ne paai amaan qahar-e-ilaahi se dabii paadaash ameeri se faqiri se na shaahi se sitaaron ki nigaahon ne dhuaan uthata hua dekha magar khurshid ne kuchh bhi na miTTi ke siva dekha

ut thii hai maghrib se ghatta peene ka mausam aa gaya hai raqs men ik mahlaqa naazuk ada naaz-aafreen haan naachti ja gaaye ja nazaron se dil barmaaye ja tad paa.e ja tad paa.e ja o dushman-e-duniya-o-deen teraa thirkana khoob hai teri adaayein dil-nasheen lekin thehar tu kaun hai o neem-uryaan naazneen kya mashriqi aurat hai tu hargiz nahin hargiz nahin teri hañsi bebaak hai teri nazar chaalaak hai uf kis qadar dil-soz hai taqreer baazaari tiri kitnii hawas-aamoz hai ye saada purkaari tiri sharm aur izzat waaliyaan hoti hain iffat waaliyaan vo husn ki shehzaadiyaan parde ki hain aabaadiyaan chashm-e-falak ne aaj tak dekhi nahin un ki jhalak sarmaaya-e-sharm-o-haya zevar hai un ke husn ka shauhar ke dukh sahti hain vo munh se nahin kahti hain vo kab saamne aati hain vo ghairat se kat jaati hain vo ezaaz-e-millat un se hai naam-e-sharaafat un se hai eimaan par qaaim hain vo paakizaa-o-saaem hain vo tujh men nahin sharm-o-haya tujh men nahin mehr-o-wafa sach sach bataa tu kaun hai o be-haya tu kaun hai ehsaas-e-izzat kyun nahin sharm aur ghairat kyun nahin ye pur-fusoon ghamze tire naa-mehramon ke saamne hat saamne se door ho mardood ho maqhoor ho taqdeer ki heti hai tu shaitaan ki beti hai tu jis qaum ki aurat hai tuus qaum par la'anat hai tu lekin thehar jaana zaraa teri nahin koi KHataa mardon men ghairat hi nahin qaumi hamiyat hi nahin vo millat-e-baiza ki thii saare jahaan ki raushni jama'iyat-e-islamiyaan shaahnashah-e-hindostaan ab is men dam kuchh bhi nahin ham kya hain ham kuchh bhi nahin milli siyaasat uth gaii baazu ki taqat uth gaii shaan-e-hijaazi ab kahaan vo turktaazi ab kahaan ab ghaznavi himmat gaii ab babri shaaukat gaii eimaan aalamgeer ka muslim ke dil se uth gaya qaum ab jafa-pesha hui izzat gada-pesha hui ab rang hi kuchh aur hai be-ghairati ka daur hai ye qaum ab mitne ko hai ye nard ab pitne ko hai afsos ye hindostaan ye gulshan-e-jannat-nishaan eemaan-daaron ka watan taa't-guzaaron ka watan rah jaayega veeraana phir ban jaayega but-khaana phir lekin mujhe kya khubt hai taqreer kyun be-rabt hai aisa bahak jaata hooñ main munh aayi bak jaata hooñ main itnaa sharaabi ho gaya aql-o-khird ko kho gaya mujh ko zamaane se garz mitne mitaane se garz hindostaan se kaam kya andesha-e-anjaam kya jeene do jeene do mujhe peene do peene do mujhe jab hashr ka din aayegaus vaqt dekha jaayega haan naachti ja gaaye ja nazaron se dil barmaaye ja tad paa.e ja tad paa.e ja o dushman-e-duniya-o-deen