tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

mujhe to qaid-e-mohabbat azeez thii lekin kisi ne mujh ko giriftaar. kar ke chhod diya

be-qaraar karke ha men yuñ na jaaie aapko hamaari qasam laut aaiye

door hoon lekin bataa saka hoon un ki bazm men kya hua kya ho raha hai aur kya hone ko hai

vo ham se KHafaa hain ham un se KHafaa hain magar baat karne ko jee chahta hai jahaan ishq men doob kar rah ga.e hain wahin phir ubharne ko jee chahta hai

kabhi yak-b-yak tavajjoh kabhi dafatan taghaaful mujhe aazma raha hai koi rukh badal badal kar