chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

itni milti hai mirii ghazalon se soorat teri log tujh ko mira mahboob samjhte honge

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi haseen badan jin ki dastaras men nahin yahii kaheinge ki kuchh faaeda havas men nahin

sab ke chehre pe jo tanqeed kiya karte hain aaina un ko dikha do to mazaa aa jaa.e

mohabbat ke gharo ke kacche-pan ko ye kahaan samjhen in aankhoñ ko to bas aata hai barsaatein badi karna

kuchh to kar aadaab-e-mahfil ka lihaaz yaar ye pahluu badalna chhod de

jhooth waale kahii se kahii badh ga.e aur main tha ki sach bolta rah gaya

tumhaara pyaar to saanson men saans leta hai jo hota nashsha to ik din utar nahin jaata