tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kisi ko ghar se nikalte hi mil gaii manzil koi hamaari tarah umr bhar safar men raha

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

dhoop ye athkheliyaan har roz karti hai ek chaaya seedhiyaan chadhti utarti hai yah diya chauraaste ka ot men le lo aaj aandhi gaav se ho kar guzarti hai

yahaañ darakhton ke saa.e men dhoop lagti hai chalo yahaañ se chalen aur umr bhar ke li.e

is nadi ki dhaar men thandi hawa aati to hai naav jarjar hi sahi lehron se takraati to hai

bhookh hai to sabr kar roti nahin to kya hua aajkal dilli men hai zer-e-bahs ye muddaa

ye sach hai ki paavon ne bahut kasht uth aa.e par paanv kisi tarah raahon pe to aa.e