agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

hazaaron saal nargis apni be-noori pe roti hai badi mushkil se hota hai chaman men deeda-war paida

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

tasalli de rahe hain chaaragar ko samajh lo haal hai kaisa hamaara

use le kar jo gaadi ja chuki hai main shaayad us ke neeche aa raha hooñ

aap tashreef laaye the ik roz doosre roz e'tibaar hua

aaj paivand ki zaroorat hai ye saza hai rafu na karne ki

khun pila kar jo she'r paala thaus ne circus men naukri kar li