ye ilm ka sauda ye risaale ye kitaaben ik shaKHs ki yaadon ko bhulaane ke li.e hain

main so raha hooñ tere KHvaab dekhne ke li.e ye aarzoo hai ki aankhoñ men raat rah jaa.e

ham hain na ye jo mujhse kahte hain KHud kisi aur ke bharose hain zindagi ke li.e batao kuchh khudkushi ke to sau tariqe hain

ek dam us ke hont choom li.e ye mujhe baithe baithe kya soojhi

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

jaisa dikhaai dene kii karte ho koshishein main khoob jaanta hooñ ki aise nahin ho tum

mohabbat ke gharo ke kacche-pan ko ye kahaan samjhen in aankhoñ ko to bas aata hai barsaatein badi karna

nazarandaaz karne kii saza deni thii tujh ko tere dil men utar jaana zaroori ho gaya tha

na paane se kisi ke hai na kuchh khone se matlab hai ye duniya hai ise to kuchh na kuchh hone se matlab hai

is daur-e-munsifi men zaroori nahin 'waseem' jis shaKHs ki KHataa ho usii ko sazaa mile