Top 20 Sher by Amjad Islam Amjad

jis taraf tu hai udhar hongi sabhi ki nazren id ke chand ka didar bahana hi sahi

chehre pe mere zulf ko phailao kisi din kya roz garajte ho baras jao kisi din

kya ho jata hai in hanste jite jagte logon ko baithe baithe kyun ye khud se baaten karne lagte hain

bade sukun se dube the dubne wale jo sahilon pe khade the bahut pukare bhi

likha tha ek takhti par koi bhi phul mat tode magar aandhi to an-padh thi so jab wo bagh se guzri koi ukhda koi tuta khizan ke aakhiri din the

jaise barish se dhule sehn-e-gulistan 'amjad' aankh jab khushk hui aur bhi chehra chamka

kis qadar yaaden ubhar aai hain tere nam se ek patthar phenkne se pad gae kitne bhanwar

har samundar ka ek sahil hai hijr ki raat ka kinara nahin

guzren jo mere ghar se to ruk jaen sitare is tarah meri raat ko chamkao kisi din

ek nazar dekha tha us ne aage yaad nahin khul jati hai dariya ki auqat samundar mein

hadisa bhi hone mein waqt kuchh to leta hai bakht ke bigadne mein der kuchh to lagti hai

kuchh aisi be-yaqini thi faza mein jo apne the wo begane lage hain

be-samar pedon ko chumenge saba ke sabz lab dekh lena ye khizan be-dast-o-pa rah jaegi

kamal-e-husn hai husn-e-kamal se bahar azal ka rang hai jaise misal se bahar

yun to har raat chamakte hain sitare lekin wasl ki raat bahut subh ka tara chamka

ye jo sae se bhatakte hain hamare ird-gird chhu ke un ko dekhiye to wahima koi nahin

aankh bhi apni sarab-alud hai aur is dariya mein pani bhi nahin

dard ka rasta hai ya hai saat-e-roz-e-hisab saikadon logon ko roka ek bhi thahra nahin

faza mein tairte rahte hain naqsh se kya kya mujhe talash na karti hon ye balaen kahin

na us ka ant hai koi na istiara hai ye dastan hai hijr-o-visal se bahar