Top 20 Sher by Meer Hasan

sada aish dauran dikhata nahin gaya waqt phir hath aata nahin

dosti kis se na thi kis se mujhe pyar na tha jab bure waqt pe dekha to koi yar na tha

jo koi aawe hai nazdik hi baithe hai tere hum kahan tak tere pahlu se sarakte jawen whoever comes takes his place here right by your side how long with this displacement from you shall i abide

aasan na samajhiyo tum nakhwat se pak hona ek umr kho ke hum ne sikha hai khak hona

aashna bewafa nahin hota bewafa aashna nahin hota

aur kuchh tohfa na tha jo late hum tere niyaz ek do aansu the aankhon mein so bhar lae hain hum

ghair ko tum na aankh bhar dekho kya ghazab karte ho idhar dekho

jaan-o-dil hain udas se mere uth gaya kaun pas se mere

itne aansu to na the dida-e-tar ke aage ab to pani hi bhara rahta hai ghar ke aage

izhaar-e-khamoshi mein hai sau tarah ki fariyaad zahir ka ye parda hai ki main kuchh nahin kahta

qismat ne dur aisa hi phenka hamein ki hum phir jite-ji pahunch na sake apne yar tak

go bhale sab hain aur main hun bura kya bhalon mein bura nahin hota

wasl hota hai jin ko duniya mein yarab aise bhi log hote hain

hum ko bhi dushmani se tere kaam kuchh nahin tujh ko agar hamare nahin pyar se gharaz

kyun in dinon 'hasan' tu itna jhatak gaya hai zalim kahin tera dil kya phir atak gaya hai

tuk dekh len chaman ko chalo lala-zar tak kya jaane phir jien na jien hum bahaar tak

main ne jo kaha mujh pe kya kya na sitam guzra bola ki abe tera rote hi janam guzra

furqat ki shab mein aaj ki phir kya jalawenge dil ka diya tha ek so kal hi jala diya

na gharaz mujh ko hai kafir se na din-dar se kaam roz-o-shab hai mujhe us kakul-e-khamdar se kaam

is ko ummid nahin hai kabhi phir basne ke aur viranon se is dil ka hai virana juda