Top 20 Sher by Muzaffar Hanfi

roti hui ek bhid mere gird khadi thi shayad ye tamasha mere hansne ke liye tha

shukriya reshmi dilase ka tir to aap ne bhi mara tha

hazaron mushkilen hain doston se dur rahne mein magar ek faeda hai pith par khanjar nahin lagta

sunaiye wo latifa har ek jam ke sath ki ek bund se iman tut jata hai

ugal dete hain jo kuchh pet mein ho ghar mein aate hi parinde apne bachchon se adakari nahin karte

kanton mein rakh ke phul hawa mein uda ke khak karta hai sau tarah se ishaare mujhe koi

yun palak par jagmagana do ghadi ka aish hai raushni ban kar mere andar hi andar phail ja

dekhna kaise humakne lage sare patthar meri wahshat ko tumhaari gali pahchanti hai

shikast kha chuke hain hum magar aziz fateho hamare qad se kam na ho faraaz-e-dar dekhna

khud hi na dub jaun ki fursat mile mujhe neki ladi hai pusht pe dariya hai samne

ab 'umr ka ehsas dilane lage jugnu daman se meri aankh mein aane lage jugnu

darwaze pe tahrir yahan koi nahin hai andar koi zanjir hilata hai ki main hun

yahan 'adu ke siwa kaun puchhta hai hamein lahuluhan sahi kuchh nahin hua hai hamein

fakhta kahti rahi faslen jala di jaengi jhum kar aage badhe baadal ki hum to jaenge

khafif rahte hain aksar zamir ke aage ye tu ne kaise taraazu pe rakh diya hai hamein

abhi to main do qadam chala hun zamin kyon tang ho rahi hai mujhi pe kyon aasman tute abhi to main par nikalta tha

suraj ko tod-mod ke jab din kiya tamam taron ke tutne se shab-e-tar hil gai

wahan bhi 'aql hi masnad-nashin mili ki jahan mata'-e-fikr-o-nazar ka koi sawal na tha

us waqt jab tilism-e-falak tutne ko tha aisa hua ki mujh ko bulane lagi zamin

dyodhi mein aa gaya tha ki barish zara thame zanjir-e-dar to yun hi mere yar hil gai