Nigaah

faqat nigah se hota hai faisla dil ka na ho nigah mein shokhi to dilbari kya hai the couplet says that the first and deepest judgment of love is made through a glance. the eye becomes a language that reveals attraction, confidence, and intent without words. “shokhi” (playful boldness) in the gaze is presented as the very essence of allure; without it, beauty feels lifeless and persuasion fails.

kuchh tumhaari nigah kafir thi kuchh mujhe bhi kharab hona tha

karne gae the us se taghaful ka hum gila ki ek hi nigah ki bas khak ho gae the poet describes the overwhelming power of the beloved's presence. he approaches with the intent to voice his grievance about being ignored, but a single look from the beloved—whether of beauty or wrath—is so intense that his resolve shatters. this glance annihilates his ego and existence, rendering the complaint forgotten and impossible to express.

nigahen is qadar qatil ki uff uff adaen is qadar pyari ki tauba

khuda bachae teri mast mast aankhon se farishta ho to bahak jae aadmi kya hai

ada se dekh lo jata rahe gila dil ka bas ek nigah pe thahra hai faisla dil ka

sab kuchh to hai kya dhundti rahti hain nigahen kya baat hai main waqt pe ghar kyun nahin jata

saqi mujhe sharab ki tohmat nahin pasand mujh ko teri nigah ka ilzam chahiye the charge of being affected by wine, i do despise i want to be accused of feasting from your eyes

ye kin nazron se tu ne aaj dekha ki tera dekhna dekha na jae

aankhen jo uthae to mohabbat ka guman ho nazron ko jhukae to shikayat si lage hai

nigah barq nahin chehra aaftab nahin wo aadmi hai magar dekhne ki tab nahin

tujhe danista mahfil mein jo dekha ho to mujrim hun nazar aakhir nazar hai be-irada uth gai hogi

pahli nazar bhi aap ki uff kis bala ki thi hum aaj tak wo chot hain dil par liye hue

mohabbat ka tum se asar kya kahun nazar mil gai dil dhadakne laga

main umr bhar jawab nahin de saka 'adam' wo ek nazar mein itne sawalat kar gae

dhoka tha nigahon ka magar khub tha dhoka mujh ko teri nazron mein mohabbat nazar aai

didar ki talab ke tariqon se be-khabar didar ki talab hai to pahle nigah mang ignorant of mores when seeking visions bright if you want the vision, you first need the sight

log nazron ko bhi padh lete hain apni aankhon ko jhukae rakhna

un ras bhari aankhon mein haya khel rahi hai do zahr ke pyalon mein qaza khel rahi hai

aankhen na jine dengi teri be-wafa mujhe kyun khidkiyon se jhank rahi hai qaza mujhe

saqi zara nigah mila kar to dekhna kambakht hosh mein to nahin aa gaya hun main

ab aaen ya na aaen idhar puchhte chalo kya chahti hai un ki nazar puchhte chalo

jis taraf uth gai hain aahen hain chashm-e-bad-dur kya nigahen hain

dekhi hain bade ghaur se main ne wo nigahen aankhon mein murawwat ka kahin nam nahin hai

idhar udhar meri aankhen tujhe pukarti hain meri nigah nahin hai zaban hai goya

dekha hai kis nigah se tu ne sitam-zarif mahsus ho raha hai main gharq-e-sharab hun

nigah-e-naz ki pahli si barhami bhi gai main dosti ko hi rota tha dushmani bhi gai

be-khud bhi hain hoshiyar bhi hain dekhne wale in mast nigahon ki ada aur hi kuchh hai

nigah-e-naz ki masumiyat are tauba jo hum fareb na khate to aur kya karte

barson rahe hain aap hamari nigah mein ye kya kaha ki hum tumhein pahchante nahin