Sexual Desire

aap shahar mein khubsurat aur nafees gadiyaan dekhte hain... ye khubsurat aur nafees gadiyaan kooda-karkat uthane ke kaam nahi aa saktin. gandagi aur ghalaazat utha kar bahar phenkne ke liye aur gadiyaan maujood hain jinhein aap kam dekhte hain aur agar dekhte hain to fauran apni naak par rumaal rakh lete hain... in gadiyon ka wujood zaroori hai aur un aurton ka wujood bhi zaroori hai jo ghalaazat uthaati hain. agar ye aurtein na hotin to hamaare sab gali-kooche mardon ki ghaleez harakaat se bhare hote.

bade hi ghusse mein ye kah ke us ne wasl kiya mujhe to tum se koi baat hi nahin karni

gadaa-gari qaanoonan band kar di jaati hai, magar woh asbaab-o-elal door karne ki koshish nahi ki jati jo insaan ko is fe'al par majboor karte hain. aurton ko sar-e-baazaar jism-faroshi ke kaarobaar se roka jaata hai magar uske muharrekaat ke isteesaal ki taraf koi tawajjoh nahi deta.

visal-e-yar gar haram hai to sun haram ko halal kar visal kar

ismat-farosh aurat eik zamaane se duniya ki sabse zaleel hasti samjhi jati hai. magar kya humne ghaur kiya hai ki hum mein se aksar aisi zaleel-o-khwaar hastiyon ke dar par thokarein khaate hain, kya hamaare dil mein ye khayaal paida nahi hota ki hum bhi zaleel hain?