Tajraba

rabte bhi rakhta hun raste bhi rakhta hun

rabte bhi rakhta huun raste bhi rakhta huun har kisi se milta huun fasle bhi rakhta huun ghham kahan manata huun chhod jaane valon ka tod kar ta'alluq main dar khule bhi rakhta huun mausamon ki gardish se main nikal to aaya huun yaad par khizaon ke hadse bhi rakhta huun vaqt ke mutabiq ab khud ko hai agar badla vaqt ko badalne ke hausle bhi rakhta huun bhar ke ek din ghaav saare bhuul jaate hain zakhm so purane kuchh an-sile bhi rakhta huun go kisi bhi manzil ki ab nahin talab mujh ko har ghadi main pairon men aable bhi rakhta huun manta huun 'abrak' main baat yaar logon ki soch ke magar apne zaviye bhi rakhta huun rabte bhi rakhta hun raste bhi rakhta hun har kisi se milta hun fasle bhi rakhta hun gham kahan manata hun chhod jaane walon ka tod kar ta'alluq main dar khule bhi rakhta hun mausamon ki gardish se main nikal to aaya hun yaad par khizaon ke hadse bhi rakhta hun waqt ke mutabiq ab khud ko hai agar badla waqt ko badalne ke hausle bhi rakhta hun bhar ke ek din ghaw sare bhul jate hain zakhm so purane kuchh an-sile bhi rakhta hun go kisi bhi manzil ki ab nahin talab mujh ko har ghadi main pairon mein aable bhi rakhta hun manta hun 'abrak' main baat yar logon ki soch ke magar apne zawiye bhi rakhta hun

zakhm laga kar us ka bhi kuchh hath khula main bhi dhoka kha kar kuchh chaalak hua

ajab ek parda hael hai jo sarkaya nahin jata

'ajab ik parda haael hai jo sarkaya nahin jaata bahut sidhi si baton ko bhi samjhaya nahin jaata kabhi ye naaz tha khud par ki mir-e-karvan ham hain lute phir qafile aise ki itraya nahin jaata bahut va'de hue ham se mudava lazmi hoga magar hai vaqt aisa qarz lautaya nahin jaata baharen jab nahin apni to phir kya aarzu rakhna ye gulshan mange ki khushbu se mahkaya nahin jaata na-jane kyuun sabhi rishte hue jaate hain ab laghhar ki duuri do qadam ki ho magar aaya nahin jaata kisi se mashvara kaisa kisi se puchhna kya ab mohabbat hai hunar aisa jo batlaya nahin jaata mire sayyad se keh do nahin ab lautna mumkin samundar men gire qatre ko phir paaya nahin jaata ab aage dhundte ho kya mujhe tum is kahani men main huun kirdar jo anjam tak laaya nahin jaata kahenge kya mujhe apne kahega ye zamana kya ho 'abrak' sach agar likhna to ghabraya nahin jaata 'ajab ek parda hael hai jo sarkaya nahin jata bahut sidhi si baaton ko bhi samjhaya nahin jata kabhi ye naz tha khud par ki mir-e-karwan hum hain lute phir qafile aise ki itraya nahin jata bahut wa'de hue hum se mudawa lazmi hoga magar hai waqt aisa qarz lautaya nahin jata bahaaren jab nahin apni to phir kya aarzu rakhna ye gulshan mange ki khushbu se mahkaya nahin jata na-jaane kyun sabhi rishte hue jate hain ab laghar ki duri do qadam ki ho magar aaya nahin jata kisi se mashwara kaisa kisi se puchhna kya ab mohabbat hai hunar aisa jo batlaya nahin jata mere sayyaad se keh do nahin ab lautna mumkin samundar mein gire qatre ko phir paya nahin jata ab aage dhundte ho kya mujhe tum is kahani mein main hun kirdar jo anjam tak laya nahin jata kahenge kya mujhe apne kahega ye zamana kya ho 'abrak' sach agar likhna to ghabraya nahin jata

hamari rah se patthar utha kar phenk mat dena lagi hain thokaren tab ja ke chalna sikh pae hain

jo bujh rahe hain diye un ko ye khabar karna

jo bujh rahe hain diye un ko ye khabar karna unhi ke dam se hai mumkin hua sahar karna jo qafilon men na the manzilon ko ja pahunche koi sikhae hamen is tarah safar karna bharose dil ke jo kiin hijraten to ye jaana hai is ka mashghhala basti ko dar-ba-dar karna ganva di zindagi manzil ki chaah men ham ne magar na chaha kabhi raston ko ghar karna dilon ke faisle hote nahin dimaghhon se so ham ne chhod diya hai agar magar karna gar apne sham-o-sahar dekh len to ham janen du'a ne chhod diya ab hai kyuun asar karna bas apne aap ki baton men aae rahte hain kisi ke bas men kahan khun-e-dil jigar karna qusur vaqt bhala kab mu'af karta hai khamir men hi nahin is ke darguzar karna rahe vo shaad zamane men sab ki hasrat hai magar ye khvab hai aaya kise basar karna jo bujh rahe hain diye un ko ye khabar karna unhi ke dam se hai mumkin hua sahar karna jo qafilon mein na the manzilon ko ja pahunche koi sikhae hamein is tarah safar karna bharose dil ke jo kin hijraten to ye jaana hai is ka mashghala basti ko dar-ba-dar karna ganwa di zindagi manzil ki chah mein hum ne magar na chaha kabhi raston ko ghar karna dilon ke faisle hote nahin dimaghon se so hum ne chhod diya hai agar magar karna gar apne sham-o-sahar dekh len to hum jaanen du'a ne chhod diya ab hai kyun asar karna bas apne aap ki baaton mein aae rahte hain kisi ke bas mein kahan khun-e-dil jigar karna qusur waqt bhala kab mu'af karta hai khamir mein hi nahin is ke darguzar karna rahe wo shad zamane mein sab ki hasrat hai magar ye khwab hai aaya kise basar karna

bhale hi lakh hawalon ke sath kahte hain magar wo sirf kitabon ki baat kahte hain

isi liye to safar mukhtasar nahin hote

isi liye to safar mukhtasar nahin hote ham aise khana-ba-doshon ke ghar nahin hote tamam 'umr vo chahkar ko taraste hain jin 'alishan gharon men shajar nahin hote nai dalil do is baar jitne ke liye purane harbe sada kargar nahin hote hamen khayal kahan aata zor-e-bazu ka hamare naale agar be-asar nahin hote main ziist se unhen minha shumar karta huun tumhare saath jo lamhe basar nahin hote jahan jahan bhi zaruri ho un ka hona vahin mire rafiq mire charagar nahin hote hava ke haath pe bai'at ka sochne lage hain kuchh is liye bhi diye baam par nahin hote bahut si nisbaten hoti hain sharm ka ba'is havale saare kabhi mo'tabar nahin hote kabhi kabhi jinhen ham apna maan lete hain dikhai dete hain apne magar nahin hote jo bachpane hi men jazbon ko thes lag jaae to marne lagte hain phir jan-bar nahin hote muqable ke liye saaf khuun lazim hai munafiqin to sina-sipar nahin hote janab chahne valon se duur hote nahin jo ho bhi jaaen agar is qadar nahin hote dikhai dena kahan hota hai 'umuq-nazari jo dekh sakte hain sab dida-var nahin hote isi liye to safar mukhtasar nahin hote hum aise khana-ba-doshon ke ghar nahin hote tamam 'umr wo chahkar ko taraste hain jin 'alishan gharon mein shajar nahin hote nai dalil do is bar jitne ke liye purane harbe sada kargar nahin hote hamein khayal kahan aata zor-e-bazu ka hamare nale agar be-asar nahin hote main zist se unhen minha shumar karta hun tumhaare sath jo lamhe basar nahin hote jahan jahan bhi zaruri ho un ka hona wahin mere rafiq mere chaaragar nahin hote hawa ke hath pe bai'at ka sochne lage hain kuchh is liye bhi diye baam par nahin hote bahut si nisbaten hoti hain sharm ka ba'is hawale sare kabhi mo'tabar nahin hote kabhi kabhi jinhen hum apna man lete hain dikhai dete hain apne magar nahin hote jo bachpane hi mein jazbon ko thes lag jae to marne lagte hain phir jaan-bar nahin hote muqable ke liye saf khun lazim hai munafiqin to sina-sipar nahin hote janab chahne walon se dur hote nahin jo ho bhi jaen agar is qadar nahin hote dikhai dena kahan hota hai 'umuq-nazari jo dekh sakte hain sab dida-war nahin hote

pahad sar kiye tab ja ke itna kaam hua

pahad sar kiye tab ja ke itna kaam hua zara si der main fitrat se ham-kalam hua baghhair is ke bata kya hua hai duniya men hamari baat hui ya tumhara naam hua hamen to ranj uthane ki yuun bhi 'adat thi hamare saath khajil ek khush-khiram hua ye fath-e-sina-e-yaran tumhen mubarak ho ye dil jo mera nahin tha tira ghhulam hua ham ek phuul ki sangat men ye bhi bhuul gae kahan safar tha hamara kahan qayam hua hazar koshish-e-paiham ke ba-vajud kabhi ghhanim-e-shahr ka mujh se na ehtiram hua pahad sar kiye tab ja ke itna kaam hua zara si der main fitrat se ham-kalam hua baghair is ke bata kya hua hai duniya mein hamari baat hui ya tumhaara nam hua hamein to ranj uthane ki yun bhi 'adat thi hamare sath khajil ek khush-khiram hua ye fath-e-sina-e-yaran tumhein mubarak ho ye dil jo mera nahin tha tera ghulam hua hum ek phul ki sangat mein ye bhi bhul gae kahan safar tha hamara kahan qayam hua hazar koshish-e-paiham ke ba-wajud kabhi ghanim-e-shahr ka mujh se na ehtiram hua

kahe jate hain wo aisa nahin hai

kahe jaate hain vo aisa nahin hai sukun dil ko magar hota nahin hai nahin aisa na tha vaisa nahin hai bahana par koi achchha nahin hai har ik ke masale hain is jahan men tumhara masala anqa nahin hai ba-juz tifli javani aur piiri yahan rasta koi chautha nahin hai tire chehre ki ye jo tamkanat hai pareshan dil hai ye gahna nahin hai ghata ankhon ke niche ghul rahi hai thakan se husn bhi bachta nahin hai na hairan ho jo paani ghar men utre ba-juz pasti ke ye bahta nahin hai kahe jate hain wo aisa nahin hai sukun dil ko magar hota nahin hai nahin aisa na tha waisa nahin hai bahana par koi achchha nahin hai har ek ke masale hain is jahan mein tumhaara masala anqa nahin hai ba-juz tifli jawani aur piri yahan rasta koi chautha nahin hai tere chehre ki ye jo tamkanat hai pareshan dil hai ye gahna nahin hai ghata aankhon ke niche ghul rahi hai thakan se husn bhi bachta nahin hai na hairan ho jo pani ghar mein utre ba-juz pasti ke ye bahta nahin hai