Tanz-o-Mizah

coat aur patlun jab pahna to mister ban gaya jab koi taqrir ki jalse mein leader ban gaya donning fancy clothes beame a gentlean avowed and turned into a leader on speaking to a crowd,

aur to kuchh bhi nahin hazrat-e-'machis' lekin aap mein aag lagane ka kamal achchha hai

chae bhi achchhi banati hain meri begam magar munh banane mein to un ka koi sani hi nahin

wo un ka zamana tha jahan aql badi thi ye mera zamana hai yahan bhains badi hai

professor ye urdu ke jo urdu se kamate hain isi paise se bachchon ko ye angrezi padhate hain

khud tis ka hai aur dulhan sath baras ki girti hui diwar ke sae mein khada hai

nurse ko dekh ke aa jati hai munh pe raunaq wo samajhte hain ki bimar ka haal achchha hai

ilm hasil kar ke bhi milti nahin hai naukri rahm ke qabil hai bas haalat hamari in dinon

jute ke intikhab ko masjid mein jab gae wo jutiyan padin ki khuda yaad aa gaya

pahle hum ko bahan kaha ab fikr hamin se shadi ki ye bhi na socha bahan se shadi kar ke kya kahlaenge

chehre to jhurriyon se bhare dil jawan hain din mein hain shaikh raat mein salman-khan hain

aa ke bazm-e-sher mein shart-e-wafa puri to kar jitna khana kha gaya hai utni mazduri to kar

kalam-e-mir samjhe aur zaban-e-mirza samjhe magar un ka kaha ya aap samjhen ya khuda samjhe

wahan jo log anadi hain waqt katte hain yahan bhi kuchh mutashaer dimagh chatte hain

das bachchon ke abba hain magar hai yahi khwahish har waqt hi baithi rahe laila mere aage

jo chahta hai ki ban jae wo bada shaer wo ja ke dosti ganthe kisi mudir ke sath

durgat bane hai chae mein biscuit ki jis tarah shadi ke ba'd logo wahi mera haal hai

pareshani se sar ke baal tak sab jhad gae lekin purani jeb mein kanghi jo pahle thi so ab bhi hai

hum mante hain aap bade gham-gusar hain lekin ye aastin mein kya hai dikhaiye

pata hota to na karta kabhi koi neki tumhin jannat mein milogi mujhe malum na tha

puri duniya mein hukumat jo zanani hoti aalami jang jo hoti to zabani hoti

ek qaidi subh ko phansi laga kar mar gaya raat bhar ghazlen sunain us ko thanedar ne

dadhi ka nam le ke hamein kyon ho tokti dadhi koi break hai jo cycle ko rokti

un ke gunah kya kahen kis kis ke sar gae tum ko khabar nahin kai ustad mar gae

waiz ne mujh mein dekhi hai iman ki kami waiz mein sirf dum ki kasar dekhta hun main

hamare lal ko darkar hai wahi ladki ki jis ka bap police mein ho kam se kam deputy

yahan tak silsila pahuncha hai us ki kam-bayani ka wo nau bachchon ki man hai phir bhi da'wa hai jawani ka

abhi to hazrat-e-waiz mazammat mai ki karte hain agar mai-khane mein un ka guzar hoga to kya hoga

nam ke sath ek do alfaz ki dum chahiye sher phika hi sahi lekin tarannum chahiye

be-waqufi ke anokhe karname dekh kar achchhe-khase leaderon ko bhi gadha kahna pada