Water

kis ne bhige hue baalon se ye jhatka pani jhum ke aai ghata tut ke barsa pani

agar fursat mile pani ki tahriron ko padh lena har ek dariya hazaron sal ka afsana likhta hai

tum us ke pas ho jis ko tumhaari chah na thi kahan pe pyas thi dariya kahan banaya gaya

ye pani khamushi se bah raha hai ise dekhen ki is mein dub jaen

main ne apni khushk aankhon se lahu chhalka diya ek samundar kah raha tha mujh ko pani chahiye

wo jo pyasa lagta tha sailab-zada tha pani pani kahte kahte dub gaya hai

hum intizar karen hum ko itni tab nahin pila do tum hamein pani agar sharab nahin

ubalte waqt pani sochta hoga zarur agar bartan na hota to batata aag ko

dur tak phaila hua pani hi pani har taraf ab ke baadal ne bahut ki mehrbani har taraf

aisi pyas aur aisa sabr dariya pani pani hai

andar andar khokhle ho jate hain ghar jab diwaron mein pani bhar jata hai

hairan mat ho tairti machhli ko dekh kar pani mein raushni ko utarte hue bhi dekh

agar ai nakhuda tufan se ladne ka dam-kham hai idhar kashti na le aana yahan pani bahut kam hai

wo majburi maut hai jis mein kase ko buniyaad mile pyas ki shiddat jab badhti hai dar lagta hai pani se

us se kahna ki dhuan dekhne laeq hoga aag pahne hue jaunga main pani ki taraf

harf apne hi maani ki tarah hota hai pyas ka zaiqa pani ki tarah hota hai

hansta pani rota pani mujh ko aawazen deta tha

dosto dhund ke hum sa koi pyasa lao hum to aansu bhi jo pite hain to pani ki tarah

wo dhup thi ki zamin jal ke rakh ho jati baras ke ab ke bada kaam kar gaya pani

qisse se tere meri kahani se ziyaada pani mein hai kya aur bhi pani se ziyaada

anginat safinon mein dip jagmagate hain raat ne lutaya hai rang-o-nur pani par

jinhen hum bulbula pani ka dikhte hain kaho un se nazar ho dekhne wali to bahr-e-be-karan hum hain

khak hun udta hun sach hai ki main aawara-mizaj pani hota bhi to sailab mein dekha jata

kaunsa nam den aisi barsat ko jis ke daman mein pani bhi hai aag bhi huk uthti rahi ruh jalti rahi dil pighalta raha ashk dhalte rahe

pani ne jise dhup ki mitti se banaya wo daera-e-rabt bigadne ke liye tha

jo tu aaina rakh kar samne zewar pahanta hai teri baali ki machhli tairti hai yar pani mein

kisi bhi pyas ke mare ki pyas bujh na saki samundaron mein to aate rahe uchhaal bahut

wo pani mein jab apni chhab dekhta hai to main bhi nadi chandni mein nahate hue dekhta hun