mere li.e to ishq ka vaa'da hai shayari aadha suroor tum ho to aadha hai shayari rudraaksh haath men hai to seene men om hai krishna hai meraa dil meri radha hai shayari apna to mel jol hi bas aashikon se hai darvesh ka bas ek labaada hai shayari ho aashna koi to dikhaati hai apna rang be ramziyon ke vaaste saada hai shayari tum saamne ho aur meri dastaras men ho is waqt mere dil ka iraada hai shayari bhagwaan ho KHuda ho muhabbat ho ya badan jis samt bhi chalo yahii jaada hai shayari is li.e bhi ishq hi likhta hooñ main ali meraa kisi se aakhri vaa'da hai shayari

ye saath aath padosi kahaan se aa.e mere tumhaare dil men to koi na tha sivaae mere kisi ne paas bithaaya bas aage yaad nahin mujhe to dost vahaañ se utha ke l aa.e mere ye soch kar na ki.e apne dard uske supurd vo laalchi hai asaase na bech kh aa.e mere idhar kidhar tu naya hai yahaañ ki paagal hai kisi ne kya tujhe qisse nahin sun aa.e mere vo aazm aa.e mere dost ko zaroor magar use kaho ki tarike na aazm aa.e mere

chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

shor karunga aur na kuchh bhi boloonunga khaamoshi se apna rona ro loonga saari umr isee KHvaahish men guzri hai dastak hogii aur darwaaza khooloonunga tanhaaii men KHud se baatein karne hain mere munh men jo aayega boloonunga raat bahut hai tum chaaho to so jaao meraa kya hai main din men bhi so loonga tum ko dil ki baat bataani hai lekin aañkhen band karo to mutthi khooloonunga

vo jo roothein yuñ manana chahiye zindagi se rooth jaana chahiye himmat-e-qaatil badhaana chahiye zer-e-khanjar muskurana chahiye zindagi hai naam zohd o jang ka maut kya hai bhool jaana chahiye hai inheen dhokon se dil ki zindagi jo haseen dhoka ho khaana chahiye lazzaaten hain dushman-e-auj-e-kamaal kulfaton se jee lagana chahiye un se milne ko to kya kahiye jigar KHud se milne ko zamaana chahiye

kiya ta'ajjub ki mirii rooh-e-ravaan tak pahunchen pahle koi mire nagmon ki zabaan tak pahunchen jab har ik shorish-e-gham zabt-e-fughaan tak pahunchen phir KHuda jaane ye hangaama kahaan tak pahunchen aankh tak dil se na aa.e na zabaan tak pahunchen baat jis ki hai usii aafat-e-jaan tak pahunchen tu jahaan par tha bahut pahle wahin aaj bhi hai dekh rindaan-e-khush-anfaas kahaan tak pahunchen jo zamaane ko bura kahte hain KHud hain vo bure kaash ye baat tire gosh-e-giraan tak pahunchen badh ke rindon ne qadam hazrat-e-waaiz ke li.e girte padte jo dar-e-peer-e-mugaan tak pahunchen tu mire haal-e-pareshaan pe bahut tanj na kar apne gesu bhi zaraa dekh kahaan tak pahunchen un ka jo farz hai vo ahl-e-siyaasat jaanen meraa paighaam mohabbat hai jahaan tak pahunchen ishq ki chot dikhaane men kahii aati hai kuchh ishaare the ki jo lafz-o-bayaan tak pahunchen jalwe betaab the jo parda-e-fitrat men jigar KHud tadap kar mirii chashm-e-nigaraan tak pahunchen

agar na zohra-jabeenon ke darmiyaañ guzre to phir ye kaise kate zindagi kahaan guzre jo tere aariz o gesu ke darmiyaañ guzre k abhii k abhii vahii lamhe bala-e-jaan guzre mujhe ye vaham raha muddaton ki jurat-e-shauq kahii na khaatir-e-maasoom par giran guzre har ik maqaam-e-mohabbat bahut hi dilkash tha magar ham ahl-e-mohabbat kashaan kashaan guzre junoon ke sakht maraahil bhi teri yaad ke saath haseen haseen nazar aa.e jawaan jawaan guzre mirii nazar se tiri justuju ke sadqe men ye ik jahaan hi nahin saikdon jahaan guzre hujoom-e-jalwa men parwaaz-e-shauq kya kehna ki jaise rooh sitaaron ke darmiyaañ guzre khatamuaaf zamaane se bad-gumaan ho kar tiri vafaa pe bhi kya kya ha men gumaan guzre mujhe tha shikwa-e-hijraan ki ye hua mehsoos mire qareeb se ho kar vo na-gahaan guzre rah-e-wafa men ik aisa maqaam bhi aaya ki ham KHud apni taraf se bhi bad-gumaan guzre khuloos jis men ho shaamil vo daur-e-ishq-o-hawasna raayegaan k abhii guzra na raayegaan guzre usii ko kahte hain jannat usii ko dozakh bhi vo zindagi jo haseenon ke darmiyaañ guzre bahut haseen manaazir bhi husn-e-fitrat kena jaane aaj tabeeyat pe kyun giran guzre vo jin ke s aa.e se bhi bijliyaan larzatee theen mirii nazar se kuchh aise bhi aashiyaan guzre mira to farz chaman-bandee-e-jahaan hai faqat mirii bala se bahaar aa.e ya khizaan guzre kahaan ka husn ki KHud ishq ko khabar na hui rah-e-talab men kuchh aise bhi imtihaan guzre bharii bahaar men taaraaji-e-chaman mat pooch KHuda kare na phir aankhoñ se vo samaan guzre koi na dekh sakaa jin ko vo dilon ke siva muaamlaat kuchh aise bhi darmiyaañ guzre k abhii k abhii to isee ek musht-e-khaak ke gird tawaaf karte hue haft aasmaañ guzre bahut haseen sahi sohbaten gulon ki magar vo zindagi hai jo kaanton ke darmiyaañ guzre abhii se tujh ko bahut naagawaar hain hamdam vo haadsaat jo ab tak ravaan-davaan guzre jinhen ki deeda-e-shaair hi dekh sakaa hai vo inqilaab tire saamne kahaan guzre bahut aziz hai mujh ko unhen kya yaad jigar vo haadsaat-e-mohabbat jo na-gahaan guzre

ishq ko be-naqaab hona tha aap apna javaab hona tha mast-e-jaam-e-sharaab hona tha be-khud-e-iztiraab hona tha teri aankhoñ ka kuchh qusoor nahin haan mujhi ko KHaraab hona tha aao mil jaao muskuraa ke gale ho chuka jo itaab hona tha koocha-e-ishq men nikal aaya jis ko khaana-kharaab hona tha mast-e-jaam-e-sharaab KHaak hote ghark-e-jaam-e-sharaab hona tha dil ki jis par hain naqsh-e-ranga-rangus ko saada kitaab hona tha ham ne naakaamiyon ko dhundh liya aakhirsh kaamyaab hona tha haaye vo lamha-e-sukoon ki jise mahshar-e-iztiraab hona tha nigah-e-yaar KHud tadap uthatii shart-e-avval KHaraab hona tha kyun na hota sitam bhi be-paayaan karam-e-be-hisaab hona tha kyun nazar hairaton men doob gaii mauj-e-sad-iztiraab hona tha ho chuka roz-e-awwaleen hi jigar jis ko jitna KHaraab hona tha

aankhoñ ka tha qusoor na dil ka qusoor tha aaya jo mere saamne meraa ghuroor tha tareek misl-e-aah jo aankhoñ ka noor tha kya subh hi se shaam-e-bala ka zuhoor tha vo the na mujh se door na main un se door tha aata na tha nazar to nazar ka qusoor tha har vaqt ik khumaar tha har dam suroor tha bottle baghal men thii ki dil-e-na-suboor tha koi to dardmand-e-dil-e-na-suboor tha maana ki tum na the koi tum sa zaroor tha lagte hi thes toot gaya saaz-e-aarzoo milte hi aankh sheesha-e-dil choor choor tha aisa kahaan bahaar men rangeeniyon ka josh shaamil kisi ka khoon-e-tamanna zaroor tha saaqi ki chashm-e-mast ka kya keejie bayaan itnaa suroor tha ki mujhe bhi suroor tha paltee jo raaste hi se ai aah-e-na-muraad ye to bataa ki baab-e-asar kitnii door tha jis dil ko tum ne lutf se apna banaa liyaus dil men ik chhupa hua nashtar zaroor tha us chashm-e-may-farosh se koi na bach sakaa sab ko ba-qadar-e-hausla-e-dil suroor tha dekha tha kal jigar ko sar-e-raah-e-may-kada is darja pee gaya tha ki nashshe men choor tha