Azal

main bistar-e-khayal pe leta hun us ke pas subh-e-azal se koi taqaza kiye baghair

azal se qaem hain donon apni zidon pe 'mohsin' chalega pani magar kinara nahin chalega

azal se ta-ba-abad ek hi kahani hai isi se hum ko nai dastan banani hai translation from the beginning till the end, it is the same story, we have to make a narrative from the same story. sagar akbarabadi

kitne mah-o-anjum hain ziya-pash azal se lekin na hui kam dil-e-insan ki siyahi

main ruh-e-alam-e-imkan mein sharh-e-azmat-e-yazdan azal hai meri bedari abad khwab-e-giran mera

adaen ta-abad bikhri padi hain azal mein phat pada joban kisi ka

dast-e-junun ne phad ke phenka idhar-udhar daman abad mein hai to gareban azal mein hai

wapas palat rahe hain azal ki talash mein mansukh aap apna likha kar rahe hain hum

azal se meri hifazat ka farz hai un par sabhi dukhon ko mere aas-pas hona hai

rok leta hai abad waqt ke us par ki rah dusri samt se jaun to azal padta hai

meri zamin pe phaila hai aasman-e-adam azal se mere zamane pe ek zamana hai

azal se ham-nafasi hai jo jaan-e-jaan se hamein payam dam-ba-dam aata hai la-makan se hamein

khatt-e-peshani mein saffak azal ke din se teri talwar se likkhi hai shahadat meri

azal se sokhta-saman hun fikr-e-ashiyan kya ho na girti barq to ye soz-e-dil se jal gaya hota

main azal se subh-e-mahshar tak farozan hi raha husn samjha tha charagh-e-kushta-e-mahfil mujhe