Badan

uf wo marmar se tarasha hua shaffaf badan dekhne wale use taj-mahal kahte hain

badan ke donon kinaron se jal raha hun main ki chhu raha hun tujhe aur pighal raha hun main

kisi kali kisi gul mein kisi chaman mein nahin wo rang hai hi nahin jo tere badan mein nahin

tujh sa koi jahan mein nazuk-badan kahan ye pankhudi se hont ye gul sa badan kahan

kaun badan se aage dekhe aurat ko sab ki aankhen girwi hain is nagri mein

wo saf-go hai magar baat ka hunar sikhe badan hasin hai to kya be-libas aaega

ek bund zahr ke liye phaila rahe ho hath dekho kabhi khud apne badan ko nichod ke

gundh ke goya patti gul ki wo tarkib banai hai rang badan ka tab dekho jab choli bhige pasine mein meer taqi meer paints the beloved as something delicately crafted from rose petals, an image of softness and flawless beauty. the second line turns sensual: sweat makes the thin blouse cling, revealing the skin’s true hue and intensity. the rose-petal metaphor and the sweat-soaked garment together heighten desire through vivid, tactile imagery. the emotional core is awed attraction, where beauty becomes most striking in an unguarded, natural moment.

rasta de ki mohabbat mein badan shamil hai main faqat ruh nahin hun mujhe halka na samajh

yaad aate hain moajaze apne aur us ke badan ka jadu bhi

khuda ke waste gul ko na mere hath se lo mujhe bu aati hai is mein kisi badan ki si

ruh ko ruh se milne nahin deta hai badan khair ye bich ki diwar gira chahti hai

main us ke badan ki muqaddas kitab nihayat aqidat se padhta raha

hae wo us ka mauj-khez badan main to pyasa raha lab-e-ju bhi

nur-e-badan se phaili andhere mein chandni kapde jo us ne shab ko utare palang par

magar giraft mein aata nahin badan us ka khayal dhundhta rahta hai istiara koi

sharm bhi ek tarah ki chori hai wo badan ko churae baithe hain

kya badan hai ki thaharta hi nahin aankhon mein bas yahi dekhta rahta hun ki ab kya hoga

wo apne husn ki khairaat dene wale hain tamam jism ko kasa bana ke chalna hai

ab dekhta hun main to wo asbab hi nahin lagta hai raste mein kahin khul gaya badan

rakh di hai us ne khol ke khud jism ki kitab sada waraq pe le koi manzar utar de

ji chahta hai hath laga kar bhi dekh len us ka badan qaba hai ki us ki qaba badan

dhundta hun main zamin achchhi si ye badan jis mein utara jae

main teri manzil-e-jaan tak pahunch to sakta hun magar ye rah badan ki taraf se aati hai

kya sabab tere badan ke garm hone ka sajan aashiqon mein kaun jalta tha gale kis ke laga

andheri raaton mein dekh lena dikhai degi badan ki khushbu

tere badan ki khalaon mein aankh khulti hai hawa ke jism se jab jab lipat ke sota hun

kya badan hoga ki jis ke kholte jame ka band barg-e-gul ki tarah har nakhun moattar ho gaya

lagte hi hath ke jo khinche hai ruh tan se kya jaanen kya wo shai hai us ke badan ke andar

chaman wahi ki jahan par labon ke phul khilen badan wahi ki jahan raat ho gawara bhi