Top 20 Sher by Hafeez Jalandhari

irade bandhta hun sochta hun tod deta hun kahin aisa na ho jae kahin aisa na ho jae

dekha jo kha ke tir kamin-gah ki taraf apne hi doston se mulaqat ho gai

wafa jis se ki bewafa ho gaya jise but banaya khuda ho gaya i was constant but she eschewed fidelity the one i idolized, alas, claimed divinity

hum hi mein thi na koi baat yaad na tum ko aa sake tum ne hamein bhula diya hum na tumhein bhula sake

'hafiz' apni boli mohabbat ki boli na urdu na hindi na hindostani

o dil tod ke jaane wale dil ki baat batata ja ab main dil ko kya samjhaun mujh ko bhi samjhata ja

jis ne is daur ke insan kiye hain paida wahi mera bhi khuda ho mujhe manzur nahin

mujh se kya ho saka wafa ke siwa mujh ko milta bhi kya saza ke siwa

aane wale jaane wale har zamane ke liye aadmi mazdur hai rahen banane ke liye

mujhe to is khabar ne kho diya hai suna hai main kahin paya gaya hun

kis munh se kah rahe ho hamein kuchh gharaz nahin kis munh se tum ne wada kiya tha nibah ka

rang badla yar ne wo pyar ki baaten gain wo mulaqaten gain wo chandni raaten gain

ahbab ka shikwa kya kijiye khud zahir o baatin ek nahin lab upar upar hanste hain dil andar andar rota hai

tasawwur mein bhi ab wo be-naqab aate nahin mujh tak qayamat aa chuki hai log kahte hain shabab aaya

nahin itab-e-zamana khitab ke qabil tera jawab yahi hai ki muskurae ja

zindagi firdaus-e-gum-gashta ko pa sakti nahin maut hi aati hai ye manzil dikhane ke liye

but-kade se chale ho kabe ko kya milega tumhein khuda ke siwa

hae koi dawa karo hae koi dua karo hae jigar mein dard hai hae jigar ko kya karun

han main to liye phirta hun ek sajda-e-betab un se bhi to puchho wo khuda hain ki nahin hain

ahl-e-zaban to hain bahut koi nahin hai ahl-e-dil kaun teri tarah 'hafiz' dard ke git ga sake