Top 20 Sher by Jaleel Manikpuri

tasadduq is karam ke main kabhi tanha nahin rahta ki jis din tum nahin aate tumhaari yaad aati hai

aap pahlu mein jo baithen to sambhal kar baithen dil-e-betab ko aadat hai machal jaane ki when you come into my arms you should be aware my restless heart is wont to leap, it may give you a scare

mohabbat rang de jati hai jab dil dil se milta hai magar mushkil to ye hai dil badi mushkil se milta hai

shab ko mai khub si pi subh ko tauba kar li rind ke rind rahe hath se jannat na gai

aap ne taswir bheji main ne dekhi ghaur se har ada achchhi khamoshi ki ada achchhi nahin

baat ulti wo samajhte hain jo kuchh kahta hun ab ki puchha to ye kah dunga ki haal achchha hai

jab main chalun to saya bhi apna na sath de jab tum chalo zamin chale aasman chale

nigah barq nahin chehra aaftab nahin wo aadmi hai magar dekhne ki tab nahin

sab kuchh hum un se kah gae lekin ye ittifaq kahne ki thi jo baat wahi dil mein rah gai

kuchh is ada se aap ne puchha mera mizaj kahna pada ki shukr hai parwardigar ka you inquired how i was in such an artful way except for 'god is kind' there is little i could say

qasid payam-e-shauq ko dena bahut na tul kahna faqat ye un se ki aankhen taras gain

baat saqi ki na tali jaegi kar ke tauba tod dali jaegi the wishes of my saaqii i will not ignore the vow of abstinence i take, will forthwith abjure

raat ko sona na sona sab barabar ho gaya tum na aae khwab mein aankhon mein khwab aaya to kya

hoti kahan hai dil se juda dil ki aarzu jata kahan hai shama ko parwana chhod kar

sach hai ehsan ka bhi bojh bahut hota hai chaar phulon se dabi jati hai turbat meri

zindagi kya jo basar ho chain se dil mein thodi si tamanna chahiye

aise chhupne se na chhupna hi tha behtar tera tu hai parde mein magar zikr hai ghar ghar tera

aate aate aaega un ko khayal jate jate be-khayali jaegi

sab hue mahw use dekh jidhar se nikla the tajjub mein ki ye chand kidhar se nikla

chhupa na raaz mohabbat ka bu-e-gul ki tarah jo baat dil mein thi wo darmiyan nikal aai