Top 20 Sher by Josh Malihabadi

dil ki choton ne kabhi chain se rahne na diya jab chali sard hawa main ne tujhe yaad kiya

mujh ko to hosh nahin tum ko khabar ho shayad log kahte hain ki tum ne mujhe barbaad kiya

mere rone ka jis mein qissa hai umr ka behtarin hissa hai

is ka rona nahin kyun tum ne kiya dil barbaad is ka gham hai ki bahut der mein barbaad kiya

had hai apni taraf nahin main bhi aur un ki taraf khudai hai

kisi ka ahd-e-jawani mein parsa hona qasam khuda ki ye tauhin hai jawani ki

kaam hai mera taghayyur nam hai mera shabab mera nara inqilab o inqilab o inqilab

tabassum ki saza kitni kadi hai gulon ko khil ke murjhana pada hai

insan ke lahu ko piyo izn-e-am hai angur ki sharab ka pina haram hai

hum aise ahl-e-nazar ko subut-e-haq ke liye agar rasul na hote to subh kafi thi

wahan se hai meri himmat ki ibtida wallah jo intiha hai tere sabr aazmane ki

subut hai ye mohabbat ki sada-lauhi ka jab us ne wada kiya hum ne e'tibar kiya

is dil mein tere husn ki wo jalwagari hai jo dekhe hai kahta hai ki shishe mein pari hai

aade aaya na koi mushkil mein mashware de ke hat gae ahbab

wo karen bhi to kin alfaz mein tera shikwa jin ko teri nigah-e-lutf ne barbaad kiya

soz-e-gham de ke mujhe us ne ye irshad kiya ja tujhe kashmakash-e-dahr se aazad kiya

ab tak na khabar thi mujhe ujde hue ghar ki wo aae to ghar be-sar-o-saman nazar aaya

itna manus hun fitrat se kali jab chatki jhuk ke main ne ye kaha mujh se kuchh irshad kiya?

jitne gada-nawaz the kab ke guzar chuke ab kyun bichhae baithe hain hum boriya na puchh

ek na ek zulmat se jab wabasta rahna hai to 'josh' zindagi par saya-e-zulf-e-pareshan kyun na ho