Top 20 Sher by Khumar Barabankavi

bhule hain rafta rafta unhen muddaton mein hum qiston mein khud-kushi ka maza hum se puchhiye

wahi phir mujhe yaad aane lage hain jinhen bhulne mein zamane lage hain

dushmanon se pyar hota jaega doston ko aazmate jaiye

khuda bachae teri mast mast aankhon se farishta ho to bahak jae aadmi kya hai

mohabbat ko samajhna hai to naseh khud mohabbat kar kinare se kabhi andaza-e-tufan nahin hota if love you need to fathom, friend, in love you need to be the storm cannot be felt by merely sitting by the sea

suna hai hamein wo bhulane lage hain to kya hum unhen yaad aane lage hain

dusron par agar tabsira kijiye samne aaina rakh liya kijiye translation on others if you comment, do keep a mirror in front. sagar akbarabadi

ab in hudud mein laya hai intizar mujhe wo aa bhi jaen to aae na e'tibar mujhe

had se badhe jo ilm to hai jahl dosto sab kuchh jo jaante hain wo kuchh jaante nahin knowledge, friends, is poisonous, if its in excess those who, say, know everything, no knowledge do possess

aisa nahin ki un se mohabbat nahin rahi jazbaat mein wo pahli si shiddat nahin rahi

gham hai na ab khushi hai na ummid hai na yas sab se najat pae zamane guzar gae

tujh ko barbaad to hona tha bahar-haal 'khumar' naz kar naz ki us ne tujhe barbaad kiya

charaghon ke badle makan jal rahe hain naya hai zamana nai raushni hai

guzre hain mai-kade se jo tauba ke ba'd hum kuchh dur aadatan bhi qadam dagmagae hain

aaj nagah hum kisi se mile baad muddat ke zindagi se mile today i chanced on someone unexpectedly it was after ages life was face to face with me

o jaane wale aa ki tere intizar mein raste ko ghar banae zamane guzar gae

aql o dil apni apni kahen jab 'khumar' aql ki suniye dil ka kaha kijiye

phul kar le nibah kanton se aadmi hi na aadmi se mile

hath uthta nahin hai dil se 'khumar' hum unhen kis tarah salam karen

jhunjhlae hain lajae hain phir muskurae hain kis ehtimam se unhen hum yaad aae hain