Feminist

bint-e-hawwa hun main ye mera jurm hai aur phir shaeri to kada jurm hai

mausam khushbu rang dhanak ke manzar sare uske the

mausam khushbu rang dhanak ke manzar saare us ke the raat ki kaali chhaya meri chand sitare us ke the biich samundar bakht hamara sahil tak ye aata kab mauj-e-hava pe naam tha us ka duur kinare us ke the sahmi sahmi gungi bahri ek gujarya meri thi hanste gaate dhuul udate raj-dulare us ke the ik chhoti si chhat ki khatir kya kya khvab ganva baithi bhuul gai ki inten us ki mitti gaare us ke the zanjiron ke badle ab bhi gahne paati huun jaise sadiyon se ye jabr ke bandhan biich hamare us ke the kitni ajab taqsim 'tabassum' karti hai ye duniya bhi mera hissa zahr-e-halahal amrit dhare us ke the mausam khushbu rang dhanak ke manzar sare us ke the raat ki kali chhaya meri chand sitare us ke the bich samundar bakht hamara sahil tak ye aata kab mauj-e-hawa pe nam tha us ka dur kinare us ke the sahmi sahmi gungi bahri ek gujarya meri thi hanste gate dhul udate raj-dulare us ke the ek chhoti si chhat ki khatir kya kya khwab ganwa baithi bhul gai ki inten us ki mitti gare us ke the zanjiron ke badle ab bhi gahne pati hun jaise sadiyon se ye jabr ke bandhan bich hamare us ke the kitni ajab taqsim 'tabassum' karti hai ye duniya bhi mera hissa zahr-e-halahal amrit dhaare us ke the

husn ho mera dil-nawaz husn ki dil-nawaz main

husn ho mera dil-navaz husn ki dil-navaz main mere uthaen naaz vo us ke uthaun naaz main kaun huun aur kya huun main koi na ye samajh saka bazm-e-jahan men aate hi ban gai ek raaz main husn men aur ishq men kaise nibhegi ai khuda husn jafa-shiar hai aur vafa-navaz main mere shab-e-firaq men kaash ajal ho mehman phir to tilism-e-zindagi khol duun tera raaz main khugar-e-ghham jo ho gai is men mira qusur kya aap ne ghham diye mujhe ban gai ghham-navaz main aaj vo mast-e-naz jo dil men hua hai mehman ab ye jigar ko rashk hai banta harim-e-naz main tujh men chhupi hui huun main mujh men chhupa hua hai tu saaz jo tu hai naghhma main naghhma jo tu hai saaz main ban ke mitun to haan mitun husn-e-shah-e-hijaz par mit ke agar banun to huun khak-e-rah-e-hijaz main hech miri nigah men daulat-e-kaenat hai kyunki azal ke din se huun banda-e-be-niyaz main husn ho mera dil-nawaz husn ki dil-nawaz main mere uthaen naz wo us ke uthaun naz main kaun hun aur kya hun main koi na ye samajh saka bazm-e-jahan mein aate hi ban gai ek raaz main husn mein aur ishq mein kaise nibhegi ai khuda husn jafa-shiar hai aur wafa-nawaz main mere shab-e-firaq mein kash ajal ho mehman phir to tilism-e-zindagi khol dun tera raaz main khugar-e-gham jo ho gai is mein mera qusur kya aap ne gham diye mujhe ban gai gham-nawaz main aaj wo mast-e-naz jo dil mein hua hai mehman ab ye jigar ko rashk hai banta harim-e-naz main tujh mein chhupi hui hun main mujh mein chhupa hua hai tu saz jo tu hai naghma main naghma jo tu hai saz main ban ke mitun to han mitun husn-e-shah-e-hijaz par mit ke agar banun to hun khak-e-rah-e-hijaz main hech meri nigah mein daulat-e-kaenat hai kyunki azal ke din se hun banda-e-be-niyaz main

baithe baithe muskura di khud hi ghabrai kabhi

baithe baithe muskura di khud hi ghabrai kabhi pyaar ke mausam men aisi bhi ghadi aai kabhi aap ka daman to sahil ret ka sabit hua mauj-e-ashk-e-khun bhi jis ko tar na kar paai kabhi apne sar le kar zamane bhar ki saari tohmaten dafn kar di apni khamoshi men goyai kabhi saath guzre chand lamhon ki sunahri yaad se chalne lagti hai mire sanson men purvai kabhi zindagi bhar aap apne aaine men gum rahe shakhsiyat ya shakl meri bhi nazar aai kabhi chhodiye ye to hamare pyaar ka hai moajiza duur ab se aap bhi hote the harjai kabhi ik kiran hi chand ki ban kar main ho jaati nisar aarzu lekin 'ayan' apni na bar aai kabhi baithe baithe muskura di khud hi ghabrai kabhi pyar ke mausam mein aisi bhi ghadi aai kabhi aap ka daman to sahil ret ka sabit hua mauj-e-ashk-e-khun bhi jis ko tar na kar pai kabhi apne sar le kar zamane bhar ki sari tohmaten dafn kar di apni khamoshi mein goyai kabhi sath guzre chand lamhon ki sunahri yaad se chalne lagti hai mere sanson mein purwai kabhi zindagi bhar aap apne aaine mein gum rahe shakhsiyat ya shakl meri bhi nazar aai kabhi chhodiye ye to hamare pyar ka hai moajiza dur ab se aap bhi hote the harjai kabhi ek kiran hi chand ki ban kar main ho jati nisar aarzu lekin 'ayan' apni na bar aai kabhi

kaba banaiye na kalisa banaiye

kaaba banaiye na kalisa banaiye dil ko tasavvurat ki duniya banaiye tasvir-e-husn khinchiye majnun ke bhes men aina-e-khayal ko laila banaiye hirs-o-hava-e-dar-e-fana se ghharaz nahin duniya se khoiye mujhe apna banaiye divangi-e-ishq ko rusva na kijiye laila ko qais qais ko laila banaiye hai fitrat-e-nazar ka taqaza ye baar baar muusa banaiye mujhe muusa banaiye kyuun nazm-e-husn-o-ishq ko tabdil kar diya kis ne kaha tha qais ko laila banaiye pahle nazar ko taqat-e-nazzara dijiye phir ikhtiyar hai mujhe muusa banaiye sidq-o-safa ke sanche men phir dil ko dhaal kar mehr-o-vafa ka gauhar-e-yakta banaiye jal kar bhi soz-e-ishq men uf tak na kijiye dil ko sukun-o-zabt ka putla banaiye 'kulsum' zindagi ka guzarna muhal hai duniya ko ik hasin tamasha banaiye kaba banaiye na kalisa banaiye dil ko tasawwuraat ki duniya banaiye taswir-e-husn khinchiye majnun ke bhes mein aaina-e-khayal ko laila banaiye hirs-o-hawa-e-dar-e-fana se gharaz nahin duniya se khoiye mujhe apna banaiye diwangi-e-ishq ko ruswa na kijiye laila ko qais qais ko laila banaiye hai fitrat-e-nazar ka taqaza ye bar bar musa banaiye mujhe musa banaiye kyun nazm-e-husn-o-ishq ko tabdil kar diya kis ne kaha tha qais ko laila banaiye pahle nazar ko taqat-e-nazzara dijiye phir ikhtiyar hai mujhe musa banaiye sidq-o-safa ke sanche mein phir dil ko dhaal kar mehr-o-wafa ka gauhar-e-yakta banaiye jal kar bhi soz-e-ishq mein uf tak na kijiye dil ko sukun-o-zabt ka putla banaiye 'kulsum' zindagi ka guzarna muhaal hai duniya ko ek hasin tamasha banaiye

zamin ke tukde kiye aasman bantega

zamin ke tukde kiye asman bantega vo shah-e-vaqt hai saara jahan bantega rakhe rahega vo tiron pe dastaras apni hamare biich to khali kaman bantega jo kaat le gaya fasl-e-yaqin kheton se palat ke aaega shakh-e-guman bantega katar ke pankh hamare daron ko khol diya khabar mili thi ki unchi udaan bantega kahan vo dard ka rishta raha salamat ab jo haath thaam ke saari takan bantega tamam chehre dhuan ho gae 'tabassum' jab to kis ke biich vo shahr-e-aman bantega zamin ke tukde kiye aasman bantega wo shah-e-waqt hai sara jahan bantega rakhe rahega wo tiron pe dastaras apni hamare bich to khali kaman bantega jo kat le gaya fasl-e-yaqin kheton se palat ke aaega shakh-e-guman bantega katar ke pankh hamare daron ko khol diya khabar mili thi ki unchi udan bantega kahan wo dard ka rishta raha salamat ab jo hath tham ke sari takan bantega tamam chehre dhuan ho gae 'tabassum' jab to kis ke bich wo shahr-e-aman bantega

lahu ki mauj mein jina mere hisse mein aaya hai

lahu ki mauj men jiina mire hisse men aaya hai bhanvar banta hua dariya mire hisse men aaya hai sunahri ahd-e-mazi ki rivayat ham se thi lekin faqat dimak laga panna mire hisse men aaya hai parinde ashiyana chhod ke kis samt ja nikle dukhon ka ik shajar tanha mire hisse men aaya hai rupahli chandni us ko amir-e-shahr ki bakhshish sulagti dhuup ka sahra mire hisse men aaya hai dariche khol ke bhi rut ka andaza na kar paun ajab dahshat-zada lamha mire hisse men aaya hai 'tabassum' haath men jugnu liye dar-dar bhatakti huun ki ghayal raat ka nauha mire hisse men aaya hai lahu ki mauj mein jina mere hisse mein aaya hai bhanwar banta hua dariya mere hisse mein aaya hai sunahri ahd-e-mazi ki riwayat hum se thi lekin faqat dimak laga panna mere hisse mein aaya hai parinde aashiyana chhod ke kis samt ja nikle dukhon ka ek shajar tanha mere hisse mein aaya hai rupahli chandni us ko amir-e-shahr ki bakhshish sulagti dhup ka sahra mere hisse mein aaya hai dariche khol ke bhi rut ka andaza na kar paun ajab dahshat-zada lamha mere hisse mein aaya hai 'tabassum' hath mein jugnu liye dar-dar bhatakti hun ki ghayal raat ka nauha mere hisse mein aaya hai

rehl pe hathon ki rakh kar main rukh ka sahifa sochun hun

rehl pe hathon ki rakh kar main rukh ka sahifa sochun huun aur agar kuchh ban nahin padta chupke chupke ro luun huun moti ashk sitare aansu zardaron ki tashbihat bhuuk men palkon par goya main jvaar ke daane tolun huun jab koi zardar mile hai raah men apni chaal men mast patthar se kya takrana main ek kinare ho luun huun nanhe nanhe hathon men jab bhiik ka kaasa dekhun main der talak main haath samete khali jeb tatolun huun sarson ke khaliyan pe qabiz andhiyaron ke shaki hain main to lahu ke diip jala kar chain se shab bhar so luun huun munim jab tahqir se dekhe mere sukhe sukhe haath ponchh ke peshani se pasina apne haath bhigo luun huun sher kahan ye dil ke darvaze par halki dastak hai ek kani almas ki jis se patthar men dar kholun huun rehl pe hathon ki rakh kar main rukh ka sahifa sochun hun aur agar kuchh ban nahin padta chupke chupke ro lun hun moti ashk sitare aansu zardaron ki tashbihat bhuk mein palkon par goya main jwar ke dane tolun hun jab koi zardar mile hai rah mein apni chaal mein mast patthar se kya takrana main ek kinare ho lun hun nanhe nanhe hathon mein jab bhik ka kasa dekhun main der talak main hath samete khali jeb tatolun hun sarson ke khaliyan pe qabiz andhiyaron ke shaki hain main to lahu ke dip jala kar chain se shab bhar so lun hun munim jab tahqir se dekhe mere sukhe sukhe hath ponchh ke peshani se pasina apne hath bhigo lun hun sher kahan ye dil ke darwaze par halki dastak hai ek kani almas ki jis se patthar mein dar kholun hun

mange hai ek sitara sar-e-asman phir

mange hai ik sitara sar-e-asman phir dil ko ye zid ki su-e-ufuq ho udaan phir ab ai qafas nashinon uthao du'a ko haath hai shakh-shakh mausam-e-vahm-o-guman phir har lamha kis mahaz ki janib safar men hai khinche hue ragon men lahu ki kaman phir dariyaon ka ye chup to khatarnak hai bahut bandho buland shakh pe logo machan phir pahle khiraj maang raha hai amir-e-vaqt lautaega vo shahr men amn-o-aman phir dil tang ho gaya to zamin bhi hui hai tang ham khvab ke nagar men banaen makan phir in hichkiyon ka kuchh to sabab hoga 'kahkashan' shayad kisi ko aaya kahin mera dhyan phir mange hai ek sitara sar-e-asman phir dil ko ye zid ki su-e-ufuq ho udan phir ab ai qafas nashinon uthao du'a ko hath hai shakh-shakh mausam-e-wahm-o-guman phir har lamha kis mahaz ki jaanib safar mein hai khinche hue ragon mein lahu ki kaman phir dariyaon ka ye chup to khatarnak hai bahut bandho buland shakh pe logo machan phir pahle khiraj mang raha hai amir-e-waqt lautaega wo shahr mein amn-o-aman phir dil tang ho gaya to zamin bhi hui hai tang hum khwab ke nagar mein banaen makan phir in hichkiyon ka kuchh to sabab hoga 'kahkashan' shayad kisi ko aaya kahin mera dhyan phir

tamir-e-kaenat ke saman liye hue

taamir-e-kaenat ke saman liye hue aai huun raz-e-alam-e-imkan liye hue jaun kidhar main kashti-e-arman liye hue har sahil-e-murad hai tufan liye hue jalva nazar fareb hai duniya hai dil fareb har aaina hai dida-e-hairan liye hue khud-bin tu mere sheva-e-taslim par na ja baithi huun raz-e-alam-e-imkan liye hue har qatra hai talatum-e-dariya ki yadgar har zarra hai numud-e-bayaban liye hue shan-e-junun to dekhiye apne saron pe aaj phirte hain mujh ko khar-e-bayaban liye hue allah re dua-e-lab-e-zakhm ka asar vo khud hi aa rahe hain namak-dan liye hue pur-daghh mera dil raha bazm-e-nashat men aaya hazar sham-e-farozan liye hue o be-niyaz dekh tiri bazm-e-naz se jaati huun ishq-e-be-sar-o-saman liye hue 'kulsum' kal vo guzre hain mere qarib se ankhon men ik shararat-e-pinhan liye hue tamir-e-kaenat ke saman liye hue aai hun raaz-e-alam-e-imkan liye hue jaun kidhar main kashti-e-arman liye hue har sahil-e-murad hai tufan liye hue jalwa nazar fareb hai duniya hai dil fareb har aaina hai dida-e-hairan liye hue khud-bin tu mere shewa-e-taslim par na ja baithi hun raaz-e-alam-e-imkan liye hue har qatra hai talatum-e-dariya ki yaadgar har zarra hai numud-e-bayaban liye hue shan-e-junun to dekhiye apne saron pe aaj phirte hain mujh ko khar-e-bayaban liye hue allah re dua-e-lab-e-zakhm ka asar wo khud hi aa rahe hain namak-dan liye hue pur-dagh mera dil raha bazm-e-nashat mein aaya hazar sham-e-farozan liye hue o be-niyaz dekh teri bazm-e-naz se jati hun ishq-e-be-sar-o-saman liye hue 'kulsum' kal wo guzre hain mere qarib se aankhon mein ek shararat-e-pinhan liye hue

baat lakhon ki sahi par wo nahin mane to

baat lakhon ki sahi par vo nahin maane to sach ki mizan pe rakh kar bhi na gardane to dekh kar jaate hue chikh rahi huun be-sud shakhsiyat ko miri aa kar bhi na pahchane to tod kar dair-o-kalisa to bana di masjid dil men abad jo ho jaaen sanam-khane to shama ban kar to pighalne ko ham amada hain dar ye hai rasm-e-vafa tod den parvane to shahr-e-be-mehr men jaana to bahut chahti hai gar vahan log miri shakl na pahchane to dil dhadakta hai kahin hashr na phir jaag uthe chaunk kar khul gae do ankhon ke maikhane to kar ke dar band 'ayan' baithi huun ghhairon ke liye bhes men apnon ke ghar aa gae begane to baat lakhon ki sahi par wo nahin mane to sach ki mizan pe rakh kar bhi na gardane to dekh kar jate hue chikh rahi hun be-sud shakhsiyat ko meri aa kar bhi na pahchane to tod kar dair-o-kalisa to bana di masjid dil mein aabaad jo ho jaen sanam-khane to shama ban kar to pighalne ko hum aamada hain dar ye hai rasm-e-wafa tod den parwane to shahr-e-be-mehr mein jaana to bahut chahti hai gar wahan log meri shakl na pahchane to dil dhadakta hai kahin hashr na phir jag uthe chaunk kar khul gae do aankhon ke maikhane to kar ke dar band 'ayan' baithi hun ghairon ke liye bhes mein apnon ke ghar aa gae begane to

phir mausam-e-yakh-basta badalne ki khabar de

phir mausam-e-yakh-basta badalne ki khabar de rag rag men jami barf pighalne ki khabar de ya dil ke charaghhon ko lahu aur ata kar ya raah men phir chand nikalne ki khabar de ya mausam-e-khush-rang koi bhej zamin par ya gardish-e-aflak badalne ki khabar de bas udte bagule hain sarabon ke safar men edi koi chashme ke ubalne ki khabar de dar band kiye log gharon men hain muqayyad aseb-zada raat ke dhalne ki khabar de bhigi hui lakdi huun dhuan deti huun pahron ab mujh ko miri aag men jalne ki khabar de akhbar bhi dahshat ka tarasha hai 'tabassum' har subh faqat dil ke dahalne ki khabar de phir mausam-e-yakh-basta badalne ki khabar de rag rag mein jami barf pighalne ki khabar de ya dil ke charaghon ko lahu aur ata kar ya rah mein phir chand nikalne ki khabar de ya mausam-e-khush-rang koi bhej zamin par ya gardish-e-aflak badalne ki khabar de bas udte bagule hain sarabon ke safar mein edi koi chashme ke ubalne ki khabar de dar band kiye log gharon mein hain muqayyad aaseb-zada raat ke dhalne ki khabar de bhigi hui lakdi hun dhuan deti hun pahron ab mujh ko meri aag mein jalne ki khabar de akhbar bhi dahshat ka tarasha hai 'tabassum' har subh faqat dil ke dahalne ki khabar de