Sabr

rone wale tujhe rone ka saliqa hi nahin ashk pine ke liye hain ki bahane ke liye

bar-sar-e-dashna-o-shamshir-o-tabar katta hai

bar-sar-e-dashna-o-shamshir-o-tabar katta hai zakhm siine se ulajhte hain to dar katta hai rone lagta huun to aa jaati hai chehre pe kharash zabt karta huun to andar se jigar katta hai sar jhukata huun to marta hai 'aqida mera aur 'aqide ko bachata huun to sar katta hai she'r vo lafz-tarashi ka 'amal hai jis men harf-rezon se mira dast-e-hunar katta hai koi divar utha rakhti hai chhat kandhon par kisi divar ke uthne se bhi ghar katta hai ab vo chaupal ke qisse na vo fursat na vo log ab to har gaanv se bargad ka shajar katta hai bar-sar-e-dashna-o-shamshir-o-tabar katta hai zakhm sine se ulajhte hain to dar katta hai rone lagta hun to aa jati hai chehre pe kharash zabt karta hun to andar se jigar katta hai sar jhukata hun to marta hai 'aqida mera aur 'aqide ko bachata hun to sar katta hai she'r wo lafz-tarashi ka 'amal hai jis mein harf-rezon se mera dast-e-hunar katta hai koi diwar utha rakhti hai chhat kandhon par kisi diwar ke uthne se bhi ghar katta hai ab wo chaupal ke qisse na wo fursat na wo log ab to har ganw se bargad ka shajar katta hai

aagahi karb wafa sabr tamanna ehsas mere hi sine mein utre hain ye khanjar sare

be-sabab hum kahin kab talak jaenge

be-sabab ham kahin kab talak jaenge shaam hone se pahle hi thak jaenge sabr hoga to ham duur tak jaenge haar ke dar se varna thithak jaenge ab to ham betiyon ko bhi de do falak ham sitaron ke jaise chamak jaenge tum rakho baaghh men ya ki gul-dan men phuul hain ham kahin bhi mahak jaenge jan-pahchan ho gar rasukhon se to jurm chahe hon sangin dhak jaenge yaad maazi ki jab bhi hamen aaegi ashk be-sakhta hi chhalak jaenge be-sabab hum kahin kab talak jaenge sham hone se pahle hi thak jaenge sabr hoga to hum dur tak jaenge haar ke dar se warna thithak jaenge ab to hum betiyon ko bhi de do falak hum sitaron ke jaise chamak jaenge tum rakho bagh mein ya ki gul-dan mein phul hain hum kahin bhi mahak jaenge jaan-pahchan ho gar rasukhon se to jurm chahe hon sangin dhak jaenge yaad mazi ki jab bhi hamein aaegi ashk be-sakhta hi chhalak jaenge

wahan se hai meri himmat ki ibtida wallah jo intiha hai tere sabr aazmane ki

pahle apni zat par ek raat tari kijiye

pahle apni zaat par ik raat taari kijiye aur phir us raat men akhtar-shumari kijiye apna ghham kahte hue aansu pe qaabu paiye apna ghham kahte hue avaz bhari kijiye khaak men milna hai ik din yuun nahin to yuun sahi khaak sar par daliye aur khaksari kijiye khamushi to 'ishq ka e'lan ho sakti nahin ah-o-zari shart hai so ah-o-zari kijiye ham gunah-gar-e-zamana aur vo hai be-niyaz ek bachche ki tarah minnat-guzari kijiye ek muddat se pada huun aap ki chaukhat pe main lab ko zahmat dijiye farman jaari kijiye pahle apni zat par ek raat tari kijiye aur phir us raat mein akhtar-shumari kijiye apna gham kahte hue aansu pe qabu paiye apna gham kahte hue aawaz bhaari kijiye khak mein milna hai ek din yun nahin to yun sahi khak sar par daliye aur khaksari kijiye khamushi to 'ishq ka e'lan ho sakti nahin aah-o-zari shart hai so aah-o-zari kijiye hum gunah-gar-e-zamana aur wo hai be-niyaz ek bachche ki tarah minnat-guzari kijiye ek muddat se pada hun aap ki chaukhat pe main lab ko zahmat dijiye farman jari kijiye

bahut kam bolna ab kar diya hai kai mauqon pe ghussa bhi piya hai

chaara-e-dil siwae sabr nahin so tumhaare siwa nahin hota the speaker says the only remedy for inner pain is to endure it with patience. yet this patience itself is tied to the beloved: without them, no relief, no resolve, and no life-movement feels possible. the couplet fuses helpless love with steadfast waiting, making “sabr” both medicine and compulsion.

har-chand tujhe sabr nahin dard wa-lekin itna bhi na miliyo ki wo badnam bahut ho

aisi pyas aur aisa sabr dariya pani pani hai

sabr ai dil ki ye haalat nahin dekhi jati thahr ai dard ki ab zabt ka yara na raha

sabr aa jae is ki kya ummid main wahi, dil wahi hai tu hai wahi

main mulk-badar sabr bhi kar sakti thi lekin ye dekhna tha zulm ki sarhad hai kahan tak

us ko muddat hui sabr karte hue aaj ku-e-wafa se guzarte hue puchh kar us gada ka thikana sajan apne 'insha' ko bhi dekh aana sajan

sabr hijran mein kare 'kaifi'-e-mahzun kab tak aakhir ai dost koi hadd-e-shakebai hai

kab wo paigham-rasa ho ki mujhe sabr nahin kakul-e-kham ke liye she'r raqam karta hun