Top 20 Sher by Muneer Niyazi

aawaz de ke dekh lo shayad wo mil hi jae warna ye umr bhar ka safar raegan to hai

muddat ke ba'd aaj use dekh kar 'munir' ek bar dil to dhadka magar phir sambhal gaya

kisi ko apne amal ka hisab kya dete sawal sare ghalat the jawab kya dete translation why should have i explained my conduct to anyone? all questions were wrong, what answers were to be given? sagar akbarabadi

ek aur dariya ka samna tha 'munir' mujh ko main ek dariya ke par utra to main ne dekha

aadat hi bana li hai tum ne to 'munir' apni jis shahr mein bhi rahna uktae hue rahna

khwab hote hain dekhne ke liye un mein ja kar magar raha na karo

mohabbat ab nahin hogi ye kuchh din ba'd mein hogi guzar jaenge jab ye din ye un ki yaad mein hogi

khayal jis ka tha mujhe khayal mein mila mujhe sawal ka jawab bhi sawal mein mila mujhe

gham ki barish ne bhi tere naqsh ko dhoya nahin tu ne mujh ko kho diya main ne tujhe khoya nahin

ab kaun muntazir hai hamare liye wahan sham aa gai hai laut ke ghar jaen hum to kya

khwahishen hain ghar se bahar dur jaane ki bahut shauq lekin dil mein wapas laut kar aane ka tha

shahr ka tabdil hona shad rahna aur udas raunaqen jitni yahan hain auraton ke dam se hain

apni hi tegh-e-ada se aap ghayal ho gaya chand ne pani mein dekha aur pagal ho gaya

thake logon ko majburi mein chalte dekh leta hun main bas ki khidkiyon se ye tamashe dekh leta hun

wo jis ko main samajhta raha kaamyab din wo din tha meri umr ka sab se kharab din

kal main ne us ko dekha to dekha nahin gaya mujh se bichhad ke wo bhi bahut gham se chur tha

main us ko dekh ke chup tha usi ki shadi mein maza to sara isi rasm ke nibah mein tha

ghairon se mil ke hi sahi be-bak to hua bare wo shokh pahle se chaalak to hua

ghata dekh kar khush huin ladkiyan chhaton par khile phul barsat ke

zamin ke gird bhi pani zamin ki tah mein bhi ye shahr jam ke khada hai jo tairta hi na ho