Top 20 Sher by One of the most prominent

anjam-e-wafa ye hai jis ne bhi mohabbat ki marne ki dua mangi jine ki saza pai

diya khamosh hai lekin kisi ka dil to jalta hai chale aao jahan tak raushni malum hoti hai the lamp's extinguised but someone's heart

hazar shama farozan ho raushni ke liye nazar nahin to andhera hai aadmi ke liye

main abhi se kis tarah un ko bewafa kahun manzilon ki baat hai raste mein kya kahun

qadam mai-khana mein rakhna bhi kar-e-pukhta-karan hai jo paimana uthate hain wo tharraya nahin karte

ek nazar ka fasana hai duniya sau kahani hai ek kahani se

meri aankhon mein hain aansu tere daman mein bahaar gul bana sakta hai tu shabnam bana sakta hun main

zamana yaad kare ya saba kare khamosh hum ek charagh-e-mohabbat jalae jate hain

ek rishta bhi mohabbat ka agar tut gaya dekhte dekhte shiraaza bikhar jata hai

yahi kante to kuchh khuddar hain sehn-e-gulistan mein ki shabnam ke liye daman to phailaya nahin karte

zindagi parchhaiyan apni liye aainon ke darmiyan se aai hai

hum riwayat ko pighla ke 'nushur' ek nae fan ke qarib aa pahunche

haqiqat jis jagah hoti hai tabani batati hai koi parde mein hota hai to chilman jagmagati hai

hasti ka nazara kya kahiye marta hai koi jita hai koi jaise ki diwali ho ki diya jalta jae bujhta jae

usi ko zindagi ka saz de ke mutmain hun main wo husn jis ko husn-e-be-sabaat kahte aae hain

hai sham abhi kya hai bahki hui baaten hain kuchh raat dhale saqi mai-khana sambhalta hai

khak aur khun se ek shama jalai hai 'nushur' maut se hum ne bhi sikhi hai hayat-arai

wade aur e'tibar mein hai rabt-e-bahami is rabt-e-bahami ka magar e'tibar kiya

aghyar ko gul-pairahani hum ne ata ki apne liye phulon ka kafan hum ne banaya

'nushur' aaluda-e-isyan sahi par kaun baqi hai ye baaten raaz ki hain qibla-e-alam bhi pite hain