kis naz kis andaz se tum hae chalo ho
kis naaz kis andaz se tum haae chalo ho
roz ek ghhazal ham se kahlvae chalo ho
rakhna hai kahin paanv to rakkho ho kahin paanv
chalna zara aaya hai to itrae chalo ho
mai men koi khami hai na saghhar men koi khot
piina nahin aae hai to chhalkae chalo ho
ham kuchh nahin kahte hain koi kuchh nahin kahta
tum kya ho tumhin sab se kahlvae chalo ho
kis naz kis andaz se tum hae chalo ho
roz ek ghazal hum se kahlwae chalo ho
rakhna hai kahin panw to rakkho ho kahin panw
chalna zara aaya hai to itrae chalo ho
mai mein koi khami hai na saghar mein koi khot
pina nahin aae hai to chhalkae chalo ho
hum kuchh nahin kahte hain koi kuchh nahin kahta
tum kya ho tumhin sab se kahlwae chalo ho
aasman itni bulandi pe jo itraata hai
bhul jata hai zamin se hi nazar aata hai
shohrat ki bulandi bhi pal bhar ka tamasha hai
jis dal pe baithe ho wo tut bhi sakti hai
ada aai jafa aai ghurur aaya hijab aaya
hazaron aafaten le kar hasinon par shabab aaya
aasmanon mein uda karte hain phule phule
halke logon ke bade kaam hawa karti hai
roz diwar mein chun deta hun main apni ana
roz wo tod ke diwar nikal aati hai
wo jis ghamand se bichhda gila to is ka hai
ki sari baat mohabbat mein rakh-rakhaw ki thi
ye soch ke danista raha us se bahut dur
maghrur hai dariya mujhe pyasa na samajh le
zo'm kitna karte ho ek charagh par apne
aur hawa ke chalne mein der kitni lagti hai
rangini-o-nuzhat pe na maghrur ho bulbul
hai rang bahaar-e-chamanistan koi din aur
pade hain phike ye chand tare bhi is ke aage
kahan se lai ho tum ye husn-o-jamal ladki
bulandiyon par zara takabbur se dur rahna
wagarna ye hi banega wajh-e-zawal ladki
zabt-e-gham wufur-e-shauq aur dil-e-na-subur-e-ishq
mujh ko to hai ghurur-e-ishq aap ko naz ho na ho
ghurur toda hai rawan ka mere angad ne
hila sake na jo pa ko pachas ho kar bhi
You have reached the end.