Kashti

main kashti mein akela to nahin hun mere hamrah dariya ja raha hai

achchha yaqin nahin hai to kashti duba ke dekh ek tu hi nakhuda nahin zalim khuda bhi hai

aata hai jo tufan aane de kashti ka khuda khud hafiz hai mumkin hai ki uthti lahron mein bahta hua sahil aa jae

dariya ke talatum se to bach sakti hai kashti kashti mein talatum ho to sahil na milega from the storms of the seas the ship might well survive but if the storm is in the ship, no shore can then arrive

ab naza ka aalam hai mujh par tum apni mohabbat wapas lo jab kashti dubne lagti hai to bojh utara karte hain my end is now upon me, take back your for when a ship is sinking, the burden is removed

kashti chala raha hai magar kis ada ke sath hum bhi na dub jaen kahin na-khuda ke sath

us na-khuda ke zulm o sitam hae kya karun kashti meri duboi hai sahil ke aas-pas

ye alag baat ki main nuh nahin tha lekin main ne kashti ko ghalat samt mein bahne na diya

kabhi meri talab kachche ghade par par utarti hai kabhi mahfuz kashti mein safar karne se darta hun

chamak raha hai khema-e-raushan dur sitare sa dil ki kashti tair rahi hai khule samundar mein

agar ai nakhuda tufan se ladne ka dam-kham hai idhar kashti na le aana yahan pani bahut kam hai

kashtiyan dub rahi hain koi sahil lao apni aankhen meri aankhon ke muqabil lao

kashti-e-e'tibar tod ke dekh ki khuda bhi hai na-khuda hi nahin

anginat safinon mein dip jagmagate hain raat ne lutaya hai rang-o-nur pani par

sarak ai mauj salamat to rah-e-sahil le tujh ko kya kaam jo kashti meri tufan mein hai

kabhi us ki maujon mein aflak bahte mile hain kabhi us ko kashti chalate hue dekhta hun

jise tum chah kar bhi par hargiz kar nahin pae mein tuti-phuti kashti se wo dariya par karta tha

ai fana tut sakegi na kabhi kashti-e-umr main kisi aur samundar mein utar jaunga

nakhuda hai maut jo dam hai so hai baad-e-murad azm hai kashti-e-tan ko bahr-e-hasti yar ka