Khafa

kis kis ko bataenge judai ka sabab hum tu mujh se khafa hai to zamane ke liye aa

log kahte hain ki tu ab bhi khafa hai mujh se teri aankhon ne to kuchh aur kaha hai mujh se

ya wo the khafa hum se ya hum hain khafa un se kal un ka zamana tha aaj apna zamana hai

ishq mein tahzib ke hain aur hi kuchh falsafe tujh se ho kar hum khafa khud se khafa rahne lage

itna to bata jao khafa hone se pahle wo kya karen jo tum se khafa ho nahin sakte

husn yun ishq se naraaz hai ab phul khushbu se khafa ho jaise

yahi haalat ibtida se rahe log hum se khafa khafa se rahe

mujh se bigad gae to raqibon ki ban gai ghairon mein bat raha hai mera e'tibar aaj

chhed mat har dam na aaina dikha apni surat se khafa baithe hain hum

ek teri be-rukhi se zamana khafa hua ai sang-dil tujhe bhi khabar hai ki kya hua

khafa hain phir bhi aa kar chhed jate hain tasawwur mein hamare haal par kuchh mehrbani ab bhi hoti hai

kisi mashuq ka aashiq se khafa ho jaana ruh ka jism se goya hai juda ho jaana

tujh se barham hun kabhi khud se khafa kuchh ajab raftar hai tere baghair

ye jo raaton ko mujhe khwab nahin aate 'ata' is ka matlab hai mera yar khafa hai mujh se

meri betabiyon se ghabra kar koi mujh se khafa na ho jae

jis ki hawas ke waste duniya hui aziz wapas hue to us ki mohabbat khafa mili

wo khush ho ke mujh se khafa ho gaya mujhe kya umiden thin kya ho gaya translation she became pleased with me, and then she turned cross, what had i expected and what has happened, i am at loss. sagar akbarabadi

main apne-ap se har dam khafa rahta hun yun 'azar' purani dushmani ho jis tarah do khandanon mein

lai hai kahan mujh ko tabiat ki do-rangi duniya ka talabgar bhi duniya se khafa bhi

ya khafa hote the hum to minnaten karte the aap ya khafa hain hum se wo aur hum mana sakte nahin

khuda se log bhi khaif kabhi the magar logon se ab khaif khuda hai

jaane kyun un se milte rahte hain khush wo kya honge jab khafa hi nahin

khafa dekha hai us ko khwab mein dil sakht muztar hai khila de dekhiye kya kya gul-e-tabir-e-khwab apna

aaj phir khud se khafa hun to yahi karta hun aaj phir khud se koi baat nahin karta main

chheda hai dast-e-shauq ne mujh se khafa hain wo goya ki apne dil pe mujhe ikhtiyar hai

mil bhi jao yunhi tum bahr-e-khuda aap se aap jis tarah ho gae ho hum se khafa aap se aap

sunai main ne to mujh se khafa hue kyun log kisi ka nam meri dastan mein tha hi nahin

bal pade chitwan pe abru tan ke khanjar ho gae zikr-e-wasl aate hi wo jame se bahar ho gae

khincha khincha nazar aata hai hum se har aanchal sitare tod ke laen to laen kis ke liye

kis khushi mein hae kaisa ranj phaila kya karun kya khabar thi hanste hanste wo khafa ho jaega