Khamoshi

mustaqil bolta hi rahta hun kitna khamosh hun main andar se

hum labon se kah na pae un se haal-e-dil kabhi aur wo samjhe nahin ye khamushi kya chiz hai

bolte kyun nahin mere haq mein aable pad gae zaban mein kya

ilm ki ibtida hai hangama ilm ki intiha hai khamoshi

aap ne taswir bheji main ne dekhi ghaur se har ada achchhi khamoshi ki ada achchhi nahin

khamoshi se musibat aur bhi sangin hoti hai tadap ai dil tadapne se zara taskin hoti hai silence only intensifies one's grief cry out heart and you will find relief

khamoshi se ada ho rasm-e-duri koi hangama barpa kyun karen hum

chup-chap apni aag mein jalte raho 'faraaz' duniya to arz-e-haal se be-abru kare

use bechain kar jaunga main bhi khamoshi se guzar jaunga main bhi

meri khamoshiyon mein larzan hai mere nalon ki gum-shuda aawaz

chup chup kyun rahte ho 'nasir' ye kya rog laga rakkha hai

mohabbat soz bhi hai saz bhi hai khamoshi bhi hai ye aawaz bhi hai

chup raho to puchhta hai khair hai lo khamoshi bhi shikayat ho gai

dur khamosh baitha rahta hun is tarah haal dil ka kahta hun

tumhaare khat mein nazar aai itni khamoshi ki mujh ko rakhne pade apne kan kaghaz par

har taraf thi khamoshi aur aisi khamoshi raat apne sae se hum bhi dar ke roe the

zor qismat pe chal nahin sakta khamushi ikhtiyar karta hun

jo chup raha to wo samjhega bad-guman mujhe bura bhala hi sahi kuchh to bol aaun main

khamoshi meri mani-khez thi ai aarzu kitni ki jis ne jaisa chaha waisa afsana bana dala

meri khamoshiyon par duniya mujh ko tan deti hai ye kya jaane ki chup rah kar bhi ki jati hain taqriren

'baqi' jo chup rahoge to utthengi ungliyan hai bolna bhi rasm-e-jahan bolte raho

har ek baat zaban se kahi nahin jati jo chupke baithe hain kuchh un ki baat bhi samjho

asar bhi le raha hun teri chup ka tujhe qail bhi karta ja raha hun the speaker admits that the beloved’s quietness is not empty; it has a real emotional force that lands on him. still, he refuses to retreat and continues to reason, plead, and persuade. the couplet holds two movements at once: being wounded by silence and persisting in pursuit. its core is steady resolve in the face of unspoken resistance.

nikale gae is ke mani hazar ajab chiz thi ek meri khamushi

rang darkar the hum ko teri khamoshi ke ek aawaz ki taswir banani thi hamein

khamoshi mein chahe jitna begana-pan ho lekin ek aahat jaani-pahchani hoti hai

khamushi teri meri jaan liye leti hai apni taswir se bahar tujhe aana hoga

chhed kar jaise guzar jati hai doshiza hawa der se khamosh hai gahra samundar aur main

hum ne awwal to kabhi us ko pukara hi nahin aur pukara to pukara bhi sadaon ke baghair

khamosh rahne ki aadat bhi mar deti hai tumhein ye zahr to andar se chat jaega