Khizan

meri zindagi pe na muskura mujhe zindagi ka alam nahin jise tere gham se ho wasta wo khizan bahaar se kam nahin

khizan mein duba hua hai bahaar ka mausam

khizan men duuba hua hai bahar ka mausam bujha bujha sa hai dil ke dayar ka mausam mile hain hijr ke lamhe mata’-e-ulfat men lutae baithe hain dil ke qarar ka mausam nihal-e-umr pe aisi khizan utar aai kahin pe kho gaya rang-o-bahar ka mausam dhuan dhuan hain badan sokhta gulabon ke ravish ravish men basa hai chinar ka mausam na puchh haal ki dil ka 'ajib 'alam hai kabhi hai jabr kabhi ikhtiyar ka mausam kharosh-e-dil hai ki hai shor koi maqtal men ulajh raha hai rag-e-jan se daar ka mausam hava ki guunj men bhi tum sunai dete ho dar-e-junun ne diya hai pukar ka mausam ravana hone ko hai shauq ka har ik lamha badalne vaala hai shahr-e-nigar ka mausam nigah-e-zist abhi tak hai mehrban 'saulat' hai nakhl-e-jan pe abhi barg-o-bar ka mausam khizan mein duba hua hai bahaar ka mausam bujha bujha sa hai dil ke dayar ka mausam mile hain hijr ke lamhe mata’-e-ulfat mein lutae baithe hain dil ke qarar ka mausam nihaal-e-umr pe aisi khizan utar aai kahin pe kho gaya rang-o-bahaar ka mausam dhuan dhuan hain badan sokhta gulabon ke rawish rawish mein basa hai chinar ka mausam na puchh haal ki dil ka 'ajib 'alam hai kabhi hai jabr kabhi ikhtiyar ka mausam kharosh-e-dil hai ki hai shor koi maqtal mein ulajh raha hai rag-e-jaan se dar ka mausam hawa ki gunj mein bhi tum sunai dete ho dar-e-junun ne diya hai pukar ka mausam rawana hone ko hai shauq ka har ek lamha badalne wala hai shahr-e-nigar ka mausam nigah-e-zist abhi tak hai mehrban 'saulat' hai nakhl-e-jaan pe abhi barg-o-bar ka mausam

afsurdagi bhi husn hai tabindagi bhi husn hum ko khizan ne tum ko sanwara bahaar ne

putliyan tak bhi to phir jati hain dekho dam-e-naza waqt padta hai to sab aankh chura jate hain

ajab bahaar dikhai lahu ke chhinton ne khizan ka rang bhi rang-e-bahaar jaisa tha

khizan ka bhes bana kar bahaar ne mara mujhe do-rangi-e-lail-o-nahaar ne mara

meri bahaar mein aalam khizan ka rahta hai hua jo wasl to khatka raha judai ka

ranai-e-bahaar pe the sab farefta afsos koi mahram-e-raaz-e-khizan na tha

ai khizan bhag ja chaman se shitab warna fauj-e-bahaar aawe hai

jo thi bahaar to gate rahe bahaar ka rag khizan jo aai to hum ho gae khizan ki taraf

aamad aamad hai khizan ki jaane wali hai bahaar rote hain gulzar ke dar baghban khole hue

khizan jab tak chali jati nahin hai chaman walon ko nind aati nahin hai

gulon ka daur hai bulbul maze bahaar mein lut khizan machaegi aate hi is dayar mein lut

kya khabar mujh ko khizan kya chiz hai kaisi bahaar aankhen kholin aa ke main ne khana-e-sayyaad mein

khizan ka zahr sare shahr ki rag rag mein utra hai gali-kuchon mein ab to zard chehre dekhne honge

us ko khizan ke daur mein baghi samajh ke chum jo bhi shajar pe aakhiri patta dikhai de

aaenge waqt-e-khizan chhod de aai hai bahaar le le sayyaad qasam rakh de gulistan sar par

bagh ka dard usi phul ke dil se puchho muskuraata hua jo daur-e-khizan se guzre

kaisi rut thi sabz ummiden bhi pili pad gain ab se pahle mere kuche mein khizan aisi na thi

khizan-ruton ke parindo! palat ke aa jao darakht dene lage hain hari bhari aawaz