uzr aane mein bhi hai aur bulate bhi nahin
uzr aane men bhi hai aur bulate bhi nahin
bais-e-tark-e-mulaqat batate bhi nahin
she is loth to come to me and keeps me well away
the cause for this hostility,she does not care to say
muntazir hain dam-e-rukhsat ki ye mar jaae to jaaen
phir ye ehsan ki ham chhod ke jaate bhi nahin
she bothers not i live or die, awaits my dying breath
and even a favour does imply, that she's not gone away
sar uthao to sahi aankh milao to sahi
nashsha-e-mai bhi nahin niind ke maate bhi nahin
at least do lift your face and let your eyes look into mine
no wine that stupefies as yet nor sleep that holds in sway
kya kaha phir to kaho ham nahin sunte teri
nahin sunte to ham aison ko sunate bhi nahin
what you just said do say once more,"i will pay you no heed"
to all of those, who thus ignore i have no words to say
khuub parda hai ki chilman se lage baithe hain
saaf chhupte bhi nahin samne aate bhi nahin
what coyness this is, to abide,a screen beside her face
which neither does she clearly hide nor openly display
mujh se laghhar tiri ankhon men khatakte to rahe
tujh se nazuk miri nazron men samate bhi nahin
while you profess my ugliness does irritate your sight
and in my eyes your daintiness, can't be contained i say
dekhte hi mujhe mahfil men ye irshad hua
kaun baitha hai use log uthate bhi nahin
noticing my presence near, she asks of those around
say who is this intruder here? and who has let him stay?
ho chuka qata taalluq to jafaen kyuun hon
jin ko matlab nahin rahta vo satate bhi nahin
if all relations have been spurned, then why this cruelty?
those that are really unconcerned, don’t trouble you this way
ziist se tang ho ai 'daghh' to jiite kyuun ho
jaan pyari bhi nahin jaan se jaate bhi nahin
daag if you're tired of this strife, why then remain alive?
as neither do you love your life nor do you leave the fray
uzr aane mein bhi hai aur bulate bhi nahin
bais-e-tark-e-mulaqat batate bhi nahin
she is loth to come to me and keeps me well away
the cause for this hostility,she does not care to say
muntazir hain dam-e-rukhsat ki ye mar jae to jaen
phir ye ehsan ki hum chhod ke jate bhi nahin
she bothers not i live or die, awaits my dying breath
and even a favour does imply, that she's not gone away
sar uthao to sahi aankh milao to sahi
nashsha-e-mai bhi nahin nind ke mate bhi nahin
at least do lift your face and let your eyes look into mine
no wine that stupefies as yet nor sleep that holds in sway
kya kaha phir to kaho hum nahin sunte teri
nahin sunte to hum aison ko sunate bhi nahin
what you just said do say once more,"i will pay you no heed"
to all of those, who thus ignore i have no words to say
khub parda hai ki chilman se lage baithe hain
saf chhupte bhi nahin samne aate bhi nahin
what coyness this is, to abide,a screen beside her face
which neither does she clearly hide nor openly display
mujh se laghar teri aankhon mein khatakte to rahe
tujh se nazuk meri nazron mein samate bhi nahin
while you profess my ugliness does irritate your sight
and in my eyes your daintiness, can't be contained i say
dekhte hi mujhe mahfil mein ye irshad hua
kaun baitha hai use log uthate bhi nahin
noticing my presence near, she asks of those around
say who is this intruder here? and who has let him stay?
ho chuka qata talluq to jafaen kyun hon
jin ko matlab nahin rahta wo satate bhi nahin
if all relations have been spurned, then why this cruelty?
those that are really unconcerned, don’t trouble you this way
zist se tang ho ai 'dagh' to jite kyun ho
jaan pyari bhi nahin jaan se jate bhi nahin
daag if you're tired of this strife, why then remain alive?
as neither do you love your life nor do you leave the fray
aap ki nazuk kamar par bojh padta hai bahut
badh chale hain had se gesu kuchh inhen kam kijiye
allah-re us gul ki kalai ki nazakat
bal kha gai jab bojh pada rang-e-hina ka
bhawen tanti hain khanjar hath mein hai tan ke baithe hain
bhaven tanti hain khanjar haath men hai tan ke baithe hain
kisi se aaj bigdi hai ki vo yuun ban ke baithe hain
dilon par saikdon sikke tire joban ke baithe hain
kalejon par hazaron tiir is chitvan ke baithe hain
ilahi kyuun nahin uthti qayamat majra kya hai
hamare samne pahlu men vo dushman ke baithe hain
ye gustakhi ye chhed achchhi nahin hai ai dil-e-nadan
abhi phir ruuth jaenge abhi to man ke baithe hain
asar hai jazb-e-ulfat men to khinch kar aa hi jaenge
hamen parva nahin ham se agar vo tan ke baithe hain
subuk ho jaenge gar jaenge vo bazm-e-dushman men
ki jab tak ghar men baithe hain vo lakhon man ke baithe hain
fusun hai ya dua hai ya muamma khul nahin sakta
vo kuchh padhte hue aage mire madfan ke baithe hain
bahut roya huun main jab se ye main ne khvab dekha hai
ki aap aansu bahate samne dushman ke baithe hain
khade hon zer-e-tuba vo na dam lene ko dam bhar bhi
jo hasrat-mand tere saya-e-daman ke baithe hain
talash-e-manzil-e-maqsad ki gardish uth nahin sakti
kamar khole hue raste men ham rahzan ke baithe hain
ye josh-e-girya to dekho ki jab furqat men roya huun
dar o divar ik pal men mire madfan ke baithe hain
nigah-e-shokh o chashm-e-shauq men dar-parda chhanti hai
ki vo chilman men hain nazdik ham chilman ke baithe hain
ye uthna baithna mahfil men un ka rang laega
qayamat ban ke utthenge bhabuka ban ke baithe hain
kisi ki shamat aaegi kisi ki jaan jaegi
kisi ki taak men vo baam par ban-than ke baithe hain
qasam de kar unhen ye puchh lo tum rang-dhang us ke
tumhari bazm men kuchh dost bhi dushman ke baithe hain
koi chhinta pade to 'daghh' kalkatte chale jaaen
azimabad men ham muntazir savan ke baithe hain
bhawen tanti hain khanjar hath mein hai tan ke baithe hain
kisi se aaj bigdi hai ki wo yun ban ke baithe hain
dilon par saikdon sikke tere joban ke baithe hain
kalejon par hazaron tir is chitwan ke baithe hain
ilahi kyun nahin uthti qayamat majra kya hai
hamare samne pahlu mein wo dushman ke baithe hain
ye gustakhi ye chhed achchhi nahin hai ai dil-e-nadan
abhi phir ruth jaenge abhi to man ke baithe hain
asar hai jazb-e-ulfat mein to khinch kar aa hi jaenge
hamein parwa nahin hum se agar wo tan ke baithe hain
subuk ho jaenge gar jaenge wo bazm-e-dushman mein
ki jab tak ghar mein baithe hain wo lakhon man ke baithe hain
fusun hai ya dua hai ya muamma khul nahin sakta
wo kuchh padhte hue aage mere madfan ke baithe hain
bahut roya hun main jab se ye main ne khwab dekha hai
ki aap aansu bahate samne dushman ke baithe hain
khade hon zer-e-tuba wo na dam lene ko dam bhar bhi
jo hasrat-mand tere saya-e-daman ke baithe hain
talash-e-manzil-e-maqsad ki gardish uth nahin sakti
kamar khole hue raste mein hum rahzan ke baithe hain
ye josh-e-girya to dekho ki jab furqat mein roya hun
dar o diwar ek pal mein mere madfan ke baithe hain
nigah-e-shokh o chashm-e-shauq mein dar-parda chhanti hai
ki wo chilman mein hain nazdik hum chilman ke baithe hain
ye uthna baithna mahfil mein un ka rang laega
qayamat ban ke utthenge bhabuka ban ke baithe hain
kisi ki shamat aaegi kisi ki jaan jaegi
kisi ki tak mein wo baam par ban-than ke baithe hain
qasam de kar unhen ye puchh lo tum rang-dhang us ke
tumhaari bazm mein kuchh dost bhi dushman ke baithe hain
koi chhinta pade to 'dagh' kalkatte chale jaen
azimabaad mein hum muntazir sawan ke baithe hain
na jhatko zulf se pani ye moti tut jaenge
na jhatko zulf se paani ye moti tuut jaenge
tumhara kuchh na bigdega magar dil tuut jaenge
ye bhigi raat ye bhiga badan ye husn ka aalam
ye sab andaz mil kar do jahan ko luut jaenge
ye nazuk lab hain ya aapas men do lipti hui kaliyan
zara in ko alag kar do tarannum phuut jaenge
hamari jaan le lega ye nichi aankh ka jaadu
chalo achchha hua mar kar jahan se chhut jaenge
na jhatko zulf se pani ye moti tut jaenge
tumhaara kuchh na bigdega magar dil tut jaenge
ye bhigi raat ye bhiga badan ye husn ka aalam
ye sab andaz mil kar do jahan ko lut jaenge
ye nazuk lab hain ya aapas mein do lipti hui kaliyan
zara in ko alag kar do tarannum phut jaenge
hamari jaan le lega ye nichi aankh ka jadu
chalo achchha hua mar kar jahan se chhut jaenge
allah-re nazuki ki javab-e-salam men
haath us ka uth ke rah gaya mehndi ke bojh se
mohabbat phuul banne par lagi thi
palat kar phir kali kar li hai main ne
ek sitam aur lakh adaen uf ri jawani hae zamane
ek sitam aur laakh adaen uf ri javani haae zamane
tirchhi nigahen tang qabaen uf ri javani haae zamane
hijr men apna aur hai aalam abr-e-baharan dida-e-pur-nam
zid ki hamen vo aap bulaen uf ri javani haae zamane
apni ada se aap jhijakna apni hava se aap khatakna
chaal men laghhzish munh pe hayaen uf ri javani haae zamane
haath men aadi teghh pakadna taaki lage bhi zakhm to ochha
qasd ki phir ji bhar ke sataen uf ri javani haae zamane
kaali ghataen baaghh men jhule dhani dupatte lat jhatkae
mujh pe ye qadghhan aap na aaen uf ri javani haae zamane
pichhle pahar uth uth ke namazen naak ragadni sajdon pe sajde
jo nahin jaaez us ki duaen uf ri javani haae zamane
'shad' na vo didar-parasti aur na vo be-nashsha ki masti
tujh ko kahan se dhundh ke laaen uf ri javani haae zamane
ek sitam aur lakh adaen uf ri jawani hae zamane
tirchhi nigahen tang qabaen uf ri jawani hae zamane
hijr mein apna aur hai aalam abr-e-bahaaran dida-e-pur-nam
zid ki hamein wo aap bulaen uf ri jawani hae zamane
apni ada se aap jhijakna apni hawa se aap khatakna
chaal mein laghzish munh pe hayaen uf ri jawani hae zamane
hath mein aadi tegh pakadna taki lage bhi zakhm to ochha
qasd ki phir ji bhar ke sataen uf ri jawani hae zamane
kali ghataen bagh mein jhule dhani dupatte lat jhatkae
mujh pe ye qadghan aap na aaen uf ri jawani hae zamane
pichhle pahar uth uth ke namazen nak ragadni sajdon pe sajde
jo nahin jaez us ki duaen uf ri jawani hae zamane
'shad' na wo didar-parasti aur na wo be-nashsha ki masti
tujh ko kahan se dhundh ke laen uf ri jawani hae zamane
kabhi tum mol lene hum kun hans hans bhaw karte ho
kabhi tum mol lene ham kuun hans hans bhaav karte ho
kabhi tir-e-nigah-e-tund ka barsav karte ho
kabhi tum sard karte ho dilon ki aag garmi siin
kabhi tum sard-mehri siin jhatak kar baav karte ho
kabhi tum saaf karte ho mire dil ki kudurat kuun
kabhi tum be-sabab tevri chadha kar taav karte ho
kabhi tum mom ho jaate ho jab main garm hota huun
kabhi main sard hota huun to tum bhadkav karte ho
kabhi la la mujhe dete ho apne haat siin pyala
kabhi tum shisha-e-dil par mire pathrav karte ho
kabhi tum dhuul udate ho miri ghhusse siin rukhe ho
kabhi munh par haya ka la araq chhidkav karte ho
kabhi khush ho ke karte ho 'siraj' apne ki jan-bakhshi
kabhi us ke bujha dene kuun kya kya daav karte ho
kabhi tum mol lene hum kun hans hans bhaw karte ho
kabhi tir-e-nigah-e-tund ka barsaw karte ho
kabhi tum sard karte ho dilon ki aag garmi sin
kabhi tum sard-mehri sin jhatak kar baw karte ho
kabhi tum saf karte ho mere dil ki kudurat kun
kabhi tum be-sabab tewri chadha kar taw karte ho
kabhi tum mom ho jate ho jab main garm hota hun
kabhi main sard hota hun to tum bhadkaw karte ho
kabhi la la mujhe dete ho apne hat sin pyala
kabhi tum shisha-e-dil par mere pathraw karte ho
kabhi tum dhul udate ho meri ghusse sin rukhe ho
kabhi munh par haya ka la araq chhidkaw karte ho
kabhi khush ho ke karte ho 'siraj' apne ki jaan-bakhshi
kabhi us ke bujha dene kun kya kya daw karte ho
khvab men ankhen jo talvon se malin
bole uff uff paanv mera chhil gaya
nazuki qamat-e-zeba ki bayan kya kiije
pairahan bhi jahan uslub-e-nazakat mange
dhuan kaleje se mere nikla jala jo dil bas ki rashk kha kar
dhuan kaleje se mere nikla jala jo dil bas ki rashk kha kar
vo rashk ye tha ki ghhair se tuk hansa tha chanchal misi laga kar
faqat jo chitvan pe ghhaur kiije to vo bhi vo sehr hai ki jis ka
karishma banda ghhulam ghhamza daghhaen naukar fareb chakar
khiram ki hai vo tarz yaaro ki jis men niklen kai adaen
qadam jo rakhna to tan ke rakhna jo phir uthana to dagmaga kar
latak men bandon ki dil jo aave to khair bande hi us ko le len
vagarna aave to phir na chhode udhar se baala jhamak dikha kar
majal kya hai jo du-badu ho nazar se koi nazar ladave
magar kisi ne jo us ko dekha to sau kharabi se chhup chhupa kar
sune kisi ke na dard-e-dil ko vagar sune to jhidak ke us ko
ye saaf kah de to kya bala hai jo sar phirata hai nahaq aa kar
'nazir' vo but hai dushman-e-jan na miliyo us se tu dekh hargiz
vagar mila to khuda hai hafiz bache hain ham bhi khuda khuda kar
dhuan kaleje se mere nikla jala jo dil bas ki rashk kha kar
wo rashk ye tha ki ghair se tuk hansa tha chanchal misi laga kar
faqat jo chitwan pe ghaur kije to wo bhi wo sehr hai ki jis ka
karishma banda ghulam ghamza daghaen naukar fareb chaakar
khiram ki hai wo tarz yaro ki jis mein niklen kai adaen
qadam jo rakhna to tan ke rakhna jo phir uthana to dagmaga kar
latak mein bandon ki dil jo aawe to khair bande hi us ko le len
wagarna aawe to phir na chhode udhar se baala jhamak dikha kar
majal kya hai jo du-badu ho nazar se koi nazar ladawe
magar kisi ne jo us ko dekha to sau kharabi se chhup chhupa kar
sune kisi ke na dard-e-dil ko wagar sune to jhidak ke us ko
ye saf kah de to kya bala hai jo sar phiraata hai nahaq aa kar
'nazir' wo but hai dushman-e-jaan na miliyo us se tu dekh hargiz
wagar mila to khuda hai hafiz bache hain hum bhi khuda khuda kar
You have reached the end.
