Sawal

zahid sharab pine de masjid mein baith kar ya wo jagah bata de jahan par khuda na ho priest i know this is a mosque, let me drink inside or point me to a place where god does not reside

gham mujhe dete ho auron ki khushi ke waste kyun bure bante ho tum nahaq kisi ke waste you heap these sorrows onto me, why for other's sake? for someone else, needlessly this blame why do you take?

mang lun tujh se tujhi ko ki sabhi kuchh mil jae sau sawalon se yahi ek sawal achchha hai

khada hun aaj bhi roti ke chaar harf liye sawal ye hai kitabon ne kya diya mujh ko

kyun parakhte ho sawalon se jawabon ko 'adim' hont achchhe hon to samjho ki sawal achchha hai

aql mein jo ghir gaya la-intiha kyunkar hua jo sama mein aa gaya phir wo khuda kyunkar hua

zindagi ek sawal hai jis ka jawab maut hai maut bhi ek sawal hai jis ka jawab kuchh nahin

dil se aati hai baat lab pe 'hafiz' baat dil mein kahan se aati hai

jo chahiye so mangiye allah se 'amir' us dar pe aabru nahin jati sawal se

dost har aib chhupa lete hain koi dushman bhi tera hai ki nahin

sawal kar ke main khud hi bahut pasheman hun jawab de ke mujhe aur sharmsar na kar

kya wo namrud ki khudai thi bandagi mein mera bhala na hua what divinity was it that nimrod once proclaimed? worship was no use to me, it did not compensate the poet expresses deep frustration with unrequited love by comparing his beloved to nimrod, an ancient tyrant who falsely claimed to be god. he laments that despite his total submission and worship-like devotion, he received no kindness or reward, implying that his beloved is as cruel and unresponsive as a false deity.

kuchh kati himmat-e-sawal mein umr kuchh umid-e-jawab mein guzri

pattharo aaj mere sar pe baraste kyun ho main ne tum ko bhi kabhi apna khuda rakkha hai

sawal ye hai ki aapas mein hum milen kaise hamesha sath to chalte hain do kinare bhi

kabhi kabhi to ye dil mein sawal uthta hai ki is judai mein kya us ne pa liya hoga

sar-e-mahshar yahi puchhunga khuda se pahle tu ne roka bhi tha bande ko khata se pahle translation on the judgement day, i’ll enquire this from god, before he commited crime, any criminal did you stop? sagar akbarabadi

wo the jawab ke sahil pe muntazir lekin samay ki naw mein mera sawal dub gaya

kaise yaad rahi tujh ko meri ek chhoti si bhul

ji chahta hai phir koi tujh se karun sawal teri nahin nahin ne ghazab ka maza diya

jawab aae na aae sawal utha to sahi phir is sawal mein pahlu nae sawal ke rakh

jawaz koi agar meri bandagi ka nahin main puchhta hun tujhe kya mila khuda ho kar

na mangiye jo khuda se to mangiye kis se jo de raha hai usi se sawal hota hai

hum kya karen sawal ye socha nahin abhi wo kya jawab denge ye dhadka abhi se hai

is se behtar jawab kya hoga kho gaya wo mere sawalon mein

ajib turfa-tamasha hai mere ahd ke log sawal karne se pahle jawab mangte hain

bahut si baaten zaban se kahi nahin jatin sawal kar ke use dekhna zaruri hai

jawab soch ke wo dil mein muskuraate hain abhi zaban pe meri sawal bhi to na tha

sawal-e-wasl par kuchh soch kar us ne kaha mujh se abhi wada to kar sakte nahin hain hum magar dekho

jo sote hain nahin kuchh zikr un ka wo to sote hain magar jo jagte hain un mein bhi bedar kitne hain