naya ek rishta paida kyun karen hum
naya ik rishta paida kyuun karen ham
bichhadna hai to jhagda kyuun karen ham
khamoshi se ada ho rasm-e-duri
koi hangama barpa kyuun karen ham
ye kaafi hai ki ham dushman nahin hain
vafa-dari ka daava kyuun karen ham
vafa ikhlas qurbani mohabbat
ab in lafzon ka pichha kyuun karen ham
suna den ismat-e-mariyam ka qissa
par ab is baab ko va kyon karen ham
zulekha-e-azizan baat ye hai
bhala ghate ka sauda kyon karen ham
hamari hi tamanna kyuun karo tum
tumhari hi tamanna kyuun karen ham
kiya tha ahd jab lamhon men ham ne
to saari umr iifa kyuun karen ham
utha kar kyon na phenken saari chizen
faqat kamron men tahla kyon karen ham
jo ik nasl-e-faromaya ko pahunche
vo sarmaya ikattha kyon karen ham
nahin duniya ko jab parva hamari
to phir duniya ki parva kyuun karen ham
barahna hain sar-e-bazar to kya
bhala andhon se parda kyon karen ham
hain bashinde usi basti ke ham bhi
so khud par bhi bharosa kyon karen ham
chaba len kyon na khud hi apna dhancha
tumhen ratib muhayya kyon karen ham
padi rahne do insanon ki lashen
zamin ka bojh halka kyon karen ham
ye basti hai musalmanon ki basti
yahan kar-e-masiha kyuun karen ham
naya ek rishta paida kyun karen hum
bichhadna hai to jhagda kyun karen hum
khamoshi se ada ho rasm-e-duri
koi hangama barpa kyun karen hum
ye kafi hai ki hum dushman nahin hain
wafa-dari ka dawa kyun karen hum
wafa ikhlas qurbani mohabbat
ab in lafzon ka pichha kyun karen hum
suna den ismat-e-mariyam ka qissa
par ab is bab ko wa kyon karen hum
zulekha-e-azizan baat ye hai
bhala ghate ka sauda kyon karen hum
hamari hi tamanna kyun karo tum
tumhaari hi tamanna kyun karen hum
kiya tha ahd jab lamhon mein hum ne
to sari umr ifa kyun karen hum
utha kar kyon na phenken sari chizen
faqat kamron mein tahla kyon karen hum
jo ek nasl-e-faromaya ko pahunche
wo sarmaya ikattha kyon karen hum
nahin duniya ko jab parwa hamari
to phir duniya ki parwa kyun karen hum
barahna hain sar-e-bazar to kya
bhala andhon se parda kyon karen hum
hain bashinde usi basti ke hum bhi
so khud par bhi bharosa kyon karen hum
chaba len kyon na khud hi apna dhancha
tumhein raatib muhayya kyon karen hum
padi rahne do insanon ki lashen
zamin ka bojh halka kyon karen hum
ye basti hai musalmanon ki basti
yahan kar-e-masiha kyun karen hum
dil-e-nadan tujhe hua kya hai
dil-e-nadan tujhe hua kya hai
akhir is dard ki dava kya hai
foolish heart what ails you pray?
can antidotes this ache allay?
ham hain mushtaq aur vo be-zar
ya ilahi ye majra kya hai
i'm ardent and she turns away
lord! what is this game you play?
main bhi munh men zaban rakhta huun
kaash puchho ki muddaa kya hai
i too am capable of speech
just ask me what i want today
jab ki tujh bin nahin koi maujud
phir ye hangama ai khuda kya hai
when but for you, naught else exists
why then o lord this noisy fray?
ye pari-chehra log kaise hain
ghhamza o ishva o ada kya hai
...
...
shikan-e-zulf-e-ambarin kyuun hai
nigah-e-chashm-e-surma sa kya hai
...
...
sabza o gul kahan se aae hain
abr kya chiiz hai hava kya hai
...
...
ham ko un se vafa ki hai ummid
jo nahin jante vafa kya hai
from her i hope for constancy
who knows it not, to my dismay
haan bhala kar tira bhala hoga
aur darvesh ki sada kya hai
good you do and goodness reap
what else does the dervish say
jaan tum par nisar karta huun
main nahin janta dua kya hai
to you i do bequeath my life
i know not what it is to pray
main ne maana ki kuchh nahin 'ghhalib'
muft haath aae to bura kya hai
ghalib's worthless i accept
but if comes free then why delay?
dil-e-nadan tujhe hua kya hai
aakhir is dard ki dawa kya hai
foolish heart what ails you pray?
can antidotes this ache allay?
hum hain mushtaq aur wo be-zar
ya ilahi ye majra kya hai
i'm ardent and she turns away
lord! what is this game you play?
main bhi munh mein zaban rakhta hun
kash puchho ki muddaa kya hai
i too am capable of speech
just ask me what i want today
jab ki tujh bin nahin koi maujud
phir ye hangama ai khuda kya hai
when but for you, naught else exists
why then o lord this noisy fray?
ye pari-chehra log kaise hain
ghamza o ishwa o ada kya hai
...
...
shikan-e-zulf-e-ambarin kyun hai
nigah-e-chashm-e-surma sa kya hai
...
...
sabza o gul kahan se aae hain
abr kya chiz hai hawa kya hai
...
...
hum ko un se wafa ki hai ummid
jo nahin jaante wafa kya hai
from her i hope for constancy
who knows it not, to my dismay
han bhala kar tera bhala hoga
aur darwesh ki sada kya hai
good you do and goodness reap
what else does the dervish say
jaan tum par nisar karta hun
main nahin jaanta dua kya hai
to you i do bequeath my life
i know not what it is to pray
main ne mana ki kuchh nahin 'ghaalib'
muft hath aae to bura kya hai
ghalib's worthless i accept
but if comes free then why delay?
har ek baat pe kahte ho tum ki tu kya hai
har ek baat pe kahte ho tum ki tu kya hai
tumhin kaho ki ye andaz-e-guftugu kya hai
at every turn you question me, asking "what are you?'
tell me pray what manner of speech do you pursue?
na shoale men ye karishma na barq men ye ada
koi batao ki vo shokh-e-tund-khu kya hai
neither flames this magic nor lightning this charm do have
who's this stormy quicksilver beauty i wish i knew
ye rashk hai ki vo hota hai ham-sukhan tum se
vagarna khauf-e-bad-amozi-e-adu kya hai
i am not afraid my foe will corrupt your mind somehow
i am merely jealous that he gets to talk to you
chipak raha hai badan par lahu se pairahan
hamare jaib ko ab hajat-e-rafu kya hai
my clothes are caused, by oozing blood, to cling unto my frame
what need is there now for my vest to be darned anew?
jala hai jism jahan dil bhi jal gaya hoga
kuredte ho jo ab raakh justuju kya hai
with my body consigned to flames, my heart too would have burnt
why do you rake the ashes now, what is it you pursue?
ragon men daudte phirne ke ham nahin qaail
jab aankh hi se na tapka to phir lahu kya hai
merely because it courses through the veins, i'm not convinced
if it drips not from one's eyes blood cannot be held true
vo chiiz jis ke liye ham ko ho bahisht aziiz
sivae bada-e-gulfam-e-mushk-bu kya hai
save for fragrant flavoured wine, what else can it be
that for which we paradise persistently pursue
piyun sharab agar khum bhi dekh luun do-char
ye shisha o qadah o kuuza o subu kya hai
glasses goblets jugs and pitchers all are of no use
even if in barrels found, i'd gladly drink the brew
rahi na taqat-e-guftar aur agar ho bhi
to kis umiid pe kahiye ki aarzu kya hai
no longer have i strength to speak but even if i did
what hope can i rely on to narrate my wish to you?
hua hai shah ka musahib phire hai itrata
vagarna shahr men 'ghhalib' ki aabru kya hai
becoming the the crony of the king, he preens and struts around
or else what honour in this town to ghalib would accrue?
har ek baat pe kahte ho tum ki tu kya hai
tumhin kaho ki ye andaz-e-guftugu kya hai
at every turn you question me, asking "what are you?'
tell me pray what manner of speech do you pursue?
na shoale mein ye karishma na barq mein ye ada
koi batao ki wo shokh-e-tund-khu kya hai
neither flames this magic nor lightning this charm do have
who's this stormy quicksilver beauty i wish i knew
ye rashk hai ki wo hota hai ham-sukhan tum se
wagarna khauf-e-bad-amozi-e-adu kya hai
i am not afraid my foe will corrupt your mind somehow
i am merely jealous that he gets to talk to you
chipak raha hai badan par lahu se pairahan
hamare jaib ko ab hajat-e-rafu kya hai
my clothes are caused, by oozing blood, to cling unto my frame
what need is there now for my vest to be darned anew?
jala hai jism jahan dil bhi jal gaya hoga
kuredte ho jo ab rakh justuju kya hai
with my body consigned to flames, my heart too would have burnt
why do you rake the ashes now, what is it you pursue?
ragon mein daudte phirne ke hum nahin qail
jab aankh hi se na tapka to phir lahu kya hai
merely because it courses through the veins, i'm not convinced
if it drips not from one's eyes blood cannot be held true
wo chiz jis ke liye hum ko ho bahisht aziz
siwae baada-e-gulfam-e-mushk-bu kya hai
save for fragrant flavoured wine, what else can it be
that for which we paradise persistently pursue
piyun sharab agar khum bhi dekh lun do-chaar
ye shisha o qadah o kuza o subu kya hai
glasses goblets jugs and pitchers all are of no use
even if in barrels found, i'd gladly drink the brew
rahi na taqat-e-guftar aur agar ho bhi
to kis umid pe kahiye ki aarzu kya hai
no longer have i strength to speak but even if i did
what hope can i rely on to narrate my wish to you?
hua hai shah ka musahib phire hai itraata
wagarna shahr mein 'ghaalib' ki aabru kya hai
becoming the the crony of the king, he preens and struts around
or else what honour in this town to ghalib would accrue?
baat karni mujhe mushkil kabhi aisi to na thi
baat karni mujhe mushkil kabhi aisi to na thi
jaisi ab hai tiri mahfil kabhi aisi to na thi
conversing has never been so diffficult for me
your company now is no more as it used to be
le gaya chhin ke kaun aaj tira sabr o qarar
be-qarari tujhe ai dil kabhi aisi to na thi
who is it that's spirited your peace and calm away
o heart you never were perturbed as you are today
us ki ankhon ne khuda jaane kiya kya jaadu
ki tabiat miri maail kabhi aisi to na thi
lord knows what enchantment her eyes have cast on me
never was my temperament inclined to this degree
aks-e-rukhsar ne kis ke hai tujhe chamkaya
taab tujh men mah-e-kamil kabhi aisi to na thi
reflection of whose face is it that causes you to glow?
o full moon, you've never shone this brightly before
ab ki jo rah-e-mohabbat men uthai taklif
sakht hoti hamen manzil kabhi aisi to na thi
--------
--------
pa-e-kuban koi zindan men naya hai majnun
aati avaz-e-salasil kabhi aisi to na thi
in jail some lover, newly crazed, is stomping all around
never did the clamour of the chains produce this sound
nigah-e-yar ko ab kyuun hai taghhaful ai dil
vo tire haal se ghhafil kabhi aisi to na thi
o heart why is my loved one's glance neglectful today?
unmindful of your state, it has never been this way
chashm-e-qatil miri dushman thi hamesha lekin
jaisi ab ho gai qatil kabhi aisi to na thi
--------
--------
kya sabab tu jo bigadta hai 'zafar' se har baar
khu tiri hur-shamail kabhi aisi to na thi
what reason zafar's every act you do now deplore
houri-face! your nature never was like this before
baat karni mujhe mushkil kabhi aisi to na thi
jaisi ab hai teri mahfil kabhi aisi to na thi
conversing has never been so diffficult for me
your company now is no more as it used to be
le gaya chhin ke kaun aaj tera sabr o qarar
be-qarari tujhe ai dil kabhi aisi to na thi
who is it that's spirited your peace and calm away
o heart you never were perturbed as you are today
us ki aankhon ne khuda jaane kiya kya jadu
ki tabiat meri mail kabhi aisi to na thi
lord knows what enchantment her eyes have cast on me
never was my temperament inclined to this degree
aks-e-rukhsar ne kis ke hai tujhe chamkaya
tab tujh mein mah-e-kaamil kabhi aisi to na thi
reflection of whose face is it that causes you to glow?
o full moon, you've never shone this brightly before
ab ki jo rah-e-mohabbat mein uthai taklif
sakht hoti hamein manzil kabhi aisi to na thi
--------
--------
pa-e-kuban koi zindan mein naya hai majnun
aati aawaz-e-salasil kabhi aisi to na thi
in jail some lover, newly crazed, is stomping all around
never did the clamour of the chains produce this sound
nigah-e-yar ko ab kyun hai taghaful ai dil
wo tere haal se ghafil kabhi aisi to na thi
o heart why is my loved one's glance neglectful today?
unmindful of your state, it has never been this way
chashm-e-qatil meri dushman thi hamesha lekin
jaisi ab ho gai qatil kabhi aisi to na thi
--------
--------
kya sabab tu jo bigadta hai 'zafar' se har bar
khu teri hur-shamail kabhi aisi to na thi
what reason zafar's every act you do now deplore
houri-face! your nature never was like this before
gahe gahe bas ab yahi ho kya
gaahe gaahe bas ab yahi ho kya
tum se mil kar bahut khushi ho kya
mil rahi ho bade tapak ke saath
mujh ko yaksar bhula chuki ho kya
yaad hain ab bhi apne khvab tumhen
mujh se mil kar udaas bhi ho kya
bas mujhe yunhi ik khayal aaya
sochti ho to sochti ho kya
ab miri koi zindagi hi nahin
ab bhi tum meri zindagi ho kya
kya kaha ishq javedani hai!
akhiri baar mil rahi ho kya
haan faza yaan ki soi soi si hai
to bahut tez raushni ho kya
mere sab tanz be-asar hi rahe
tum bahut duur ja chuki ho kya
dil men ab soz-e-intizar nahin
sham-e-ummid bujh gai ho kya
is samundar pe tishna-kam huun main
baan tum ab bhi bah rahi ho kya
gahe gahe bas ab yahi ho kya
tum se mil kar bahut khushi ho kya
mil rahi ho bade tapak ke sath
mujh ko yaksar bhula chuki ho kya
yaad hain ab bhi apne khwab tumhein
mujh se mil kar udas bhi ho kya
bas mujhe yunhi ek khayal aaya
sochti ho to sochti ho kya
ab meri koi zindagi hi nahin
ab bhi tum meri zindagi ho kya
kya kaha ishq jawedani hai!
aakhiri bar mil rahi ho kya
han faza yan ki soi soi si hai
to bahut tez raushni ho kya
mere sab tanz be-asar hi rahe
tum bahut dur ja chuki ho kya
dil mein ab soz-e-intizar nahin
sham-e-ummid bujh gai ho kya
is samundar pe tishna-kaam hun main
ban tum ab bhi bah rahi ho kya
sine mein jalan aankhon mein tufan sa kyun hai
siine men jalan ankhon men tufan sa kyuun hai
is shahr men har shakhs pareshan sa kyuun hai
dil hai to dhadakne ka bahana koi dhunde
patthar ki tarah be-his o be-jan sa kyuun hai
tanhai ki ye kaun si manzil hai rafiqo
ta-hadd-e-nazar ek bayaban sa kyuun hai
ham ne to koi baat nikali nahin ghham ki
vo zud-pasheman pasheman sa kyuun hai
kya koi nai baat nazar aati hai ham men
aina hamen dekh ke hairan sa kyuun hai
sine mein jalan aankhon mein tufan sa kyun hai
is shahr mein har shakhs pareshan sa kyun hai
dil hai to dhadakne ka bahana koi dhunde
patthar ki tarah be-his o be-jaan sa kyun hai
tanhai ki ye kaun si manzil hai rafiqo
ta-hadd-e-nazar ek bayaban sa kyun hai
hum ne to koi baat nikali nahin gham ki
wo zud-pasheman pasheman sa kyun hai
kya koi nai baat nazar aati hai hum mein
aaina hamein dekh ke hairan sa kyun hai
apne chehre se jo zahir hai chhupaen kaise
apne chehre se jo zahir hai chhupaen kaise
teri marzi ke mutabiq nazar aaen kaise
ghar sajane ka tasavvur to bahut baad ka hai
pahle ye tai ho ki is ghar ko bachaen kaise
laakh talvaren badhi aati hon gardan ki taraf
sar jhukana nahin aata to jhukaen kaise
qahqaha aankh ka bartao badal deta hai
hansne vaale tujhe aansu nazar aaen kaise
phuul se rang juda hona koi khel nahin
apni mitti ko kahin chhod ke jaaen kaise
koi apni hi nazar se to hamen dekhega
ek qatre ko samundar nazar aaen kaise
jis ne danista kiya ho nazar-andaz 'vasim'
us ko kuchh yaad dilaen to dilaen kaise
apne chehre se jo zahir hai chhupaen kaise
teri marzi ke mutabiq nazar aaen kaise
ghar sajaane ka tasawwur to bahut baad ka hai
pahle ye tai ho ki is ghar ko bachaen kaise
lakh talwaren badhi aati hon gardan ki taraf
sar jhukana nahin aata to jhukaen kaise
qahqaha aankh ka bartao badal deta hai
hansne wale tujhe aansu nazar aaen kaise
phul se rang juda hona koi khel nahin
apni mitti ko kahin chhod ke jaen kaise
koi apni hi nazar se to hamein dekhega
ek qatre ko samundar nazar aaen kaise
jis ne danista kiya ho nazar-andaz 'wasim'
us ko kuchh yaad dilaen to dilaen kaise
tumhaare khat mein naya ek salam kis ka tha
tumhare khat men naya ik salam kis ka tha
na tha raqib to akhir vo naam kis ka tha
that new greeting in your note, from whom was it do say
if not my rival's signature, whose name was it then, pray?
vo qatl kar ke mujhe har kisi se puchhte hain
ye kaam kis ne kiya hai ye kaam kis ka tha
after having slain me, she, from each one, seeks to know
who's to blame for this dark deed, this blood is on whose brow?
vafa karenge nibahenge baat manenge
tumhen bhi yaad hai kuchh ye kalam kis ka tha
"i will bear faith, i will abide, to every wish submit "
do you too perchance recall who did, to this, commit?
raha na dil men vo bedard aur dard raha
muqim kaun hua hai maqam kis ka tha
the tyrant's in my heart no more, all that remains is pain
who was the inhabitant, and whose was this domain?
na puchh-gachh thi kisi ki vahan na av-bhagat
tumhari bazm men kal ehtimam kis ka tha
no concern for anyone, no hospitality
who managed the event last night in your company?
tamam bazm jise sun ke rah gai mushtaq
kaho vo tazkira-e-na-tamam kis ka tha
the story which had kept the whole gathering enthralled
whose saga was it, incomplete, that was being recalled?
hamare khat ke to purze kiye padha bhi nahin
suna jo tu ne ba-dil vo payam kis ka tha
to pieces was my letter shred, it wasn't even read
whose message was it, do tell me, that was heard instead?
uthai kyuun na qayamat adu ke kuche men
lihaz aap ko vaqt-e-khiram kis ka tha
why was a furor, storm not raised then in my rival's lane
when your gait ventured there, what thought did constrain?
guzar gaya vo zamana kahun to kis se kahun
khayal dil ko mire subh o shaam kis ka tha
gone are the days, were i to speak, to whom could i convey
who was it that occupied my thoughts all night and day?
hamen to hazrat-e-vaiz ki zid ne pilvai
yahan irada-e-sharb-e-mudam kis ka tha
it was the priest's insistence that, caused me so to drink
else to imbibe non-stop this way, never did i think
agarche dekhne vaale tire hazaron the
tabah-hal bahut zer-e-bam kis ka tha
though thousands had been present a sight of you to get
who was it that sat distraught below the parapet
vo kaun tha ki tumhen jis ne bevafa jaana
khayal-e-kham ye sauda-e-kham kis ka tha
who was it that thought of you as faithless and untrue
whose naivety and mindlessness did this belief pursue
inhin sifat se hota hai aadmi mashhur
jo lutf aam vo karte ye naam kis ka tha
with these very qualities a person gets much fame
if favors were bestowed on all, where would be the acclaim?
har ik se kahte hain kya 'daghh' bevafa nikla
ye puchhe un se koi vo ghhulam kis ka tha
how faithless "daag" has proved to be, she says to one and all
"whose slave was he then?" someone should ask her to recall
tumhaare khat mein naya ek salam kis ka tha
na tha raqib to aakhir wo nam kis ka tha
that new greeting in your note, from whom was it do say
if not my rival's signature, whose name was it then, pray?
wo qatl kar ke mujhe har kisi se puchhte hain
ye kaam kis ne kiya hai ye kaam kis ka tha
after having slain me, she, from each one, seeks to know
who's to blame for this dark deed, this blood is on whose brow?
wafa karenge nibahenge baat manenge
tumhein bhi yaad hai kuchh ye kalam kis ka tha
"i will bear faith, i will abide, to every wish submit "
do you too perchance recall who did, to this, commit?
raha na dil mein wo bedard aur dard raha
muqim kaun hua hai maqam kis ka tha
the tyrant's in my heart no more, all that remains is pain
who was the inhabitant, and whose was this domain?
na puchh-gachh thi kisi ki wahan na aaw-bhagat
tumhaari bazm mein kal ehtimam kis ka tha
no concern for anyone, no hospitality
who managed the event last night in your company?
tamam bazm jise sun ke rah gai mushtaq
kaho wo tazkira-e-na-tamam kis ka tha
the story which had kept the whole gathering enthralled
whose saga was it, incomplete, that was being recalled?
hamare khat ke to purze kiye padha bhi nahin
suna jo tu ne ba-dil wo payam kis ka tha
to pieces was my letter shred, it wasn't even read
whose message was it, do tell me, that was heard instead?
uthai kyun na qayamat adu ke kuche mein
lihaz aap ko waqt-e-khiram kis ka tha
why was a furor, storm not raised then in my rival's lane
when your gait ventured there, what thought did constrain?
guzar gaya wo zamana kahun to kis se kahun
khayal dil ko mere subh o sham kis ka tha
gone are the days, were i to speak, to whom could i convey
who was it that occupied my thoughts all night and day?
hamein to hazrat-e-waiz ki zid ne pilwai
yahan irada-e-sharb-e-mudam kis ka tha
it was the priest's insistence that, caused me so to drink
else to imbibe non-stop this way, never did i think
agarche dekhne wale tere hazaron the
tabah-haal bahut zer-e-baam kis ka tha
though thousands had been present a sight of you to get
who was it that sat distraught below the parapet
wo kaun tha ki tumhein jis ne bewafa jaana
khayal-e-kham ye sauda-e-kham kis ka tha
who was it that thought of you as faithless and untrue
whose naivety and mindlessness did this belief pursue
inhin sifat se hota hai aadmi mashhur
jo lutf aam wo karte ye nam kis ka tha
with these very qualities a person gets much fame
if favors were bestowed on all, where would be the acclaim?
har ek se kahte hain kya 'dagh' bewafa nikla
ye puchhe un se koi wo ghulam kis ka tha
how faithless "daag" has proved to be, she says to one and all
"whose slave was he then?" someone should ask her to recall
khayal jis ka tha mujhe khayal mein mila mujhe
khayal jis ka tha mujhe khayal men mila mujhe
saval ka javab bhi saval men mila mujhe
gaya to is tarah gaya ki muddaton nahin mila
mila jo phir to yuun ki vo malal men mila mujhe
tamam ilm ziist ka guzishtagan se hi hua
amal guzishta daur ka misal men mila mujhe
nihal sabz rang men jamal jis ka hai 'munir'
kisi qadim khvab ke muhal men mila mujhe
khayal jis ka tha mujhe khayal mein mila mujhe
sawal ka jawab bhi sawal mein mila mujhe
gaya to is tarah gaya ki muddaton nahin mila
mila jo phir to yun ki wo malal mein mila mujhe
tamam ilm zist ka guzishtagan se hi hua
amal guzishta daur ka misal mein mila mujhe
nihaal sabz rang mein jamal jis ka hai 'munir'
kisi qadim khwab ke muhaal mein mila mujhe
nae kapde badal kar jaun kahan aur baal banaun kis ke liye
nae kapde badal kar jaun kahan aur baal banaun kis ke liye
vo shakhs to shahr hi chhod gaya main bahar jaun kis ke liye
jis dhuup ki dil men thandak thi vo dhuup usi ke saath gai
in jalti balti galiyon men ab khaak udaun kis ke liye
vo shahr men tha to us ke liye auron se bhi milna padta tha
ab aise-vaise logon ke main naaz uthaun kis ke liye
ab shahr men us ka badal hi nahin koi vaisa jan-e-ghhazal hi nahin
aivan-e-ghhazal men lafzon ke gul-dan sajaun kis ke liye
muddat se koi aaya na gaya sunsan padi hai ghar ki faza
in khali kamron men 'nasir' ab shama jalaun kis ke liye
nae kapde badal kar jaun kahan aur baal banaun kis ke liye
wo shakhs to shahr hi chhod gaya main bahar jaun kis ke liye
jis dhup ki dil mein thandak thi wo dhup usi ke sath gai
in jalti balti galiyon mein ab khak udaun kis ke liye
wo shahr mein tha to us ke liye auron se bhi milna padta tha
ab aise-waise logon ke main naz uthaun kis ke liye
ab shahr mein us ka badal hi nahin koi waisa jaan-e-ghazal hi nahin
aiwan-e-ghazal mein lafzon ke gul-dan sajaun kis ke liye
muddat se koi aaya na gaya sunsan padi hai ghar ki faza
in khali kamron mein 'nasir' ab shama jalaun kis ke liye
be-nam sa ye dard thahar kyun nahin jata
be-nam sa ye dard thahar kyuun nahin jaata
jo biit gaya hai vo guzar kyuun nahin jaata
sab kuchh to hai kya dhundhti rahti hain nigahen
kya baat hai main vaqt pe ghar kyuun nahin jaata
vo ek hi chehra to nahin saare jahan men
jo duur hai vo dil se utar kyuun nahin jaata
main apni hi uljhi hui rahon ka tamasha
jaate hain jidhar sab main udhar kyuun nahin jaata
vo khvab jo barson se na chehra na badan hai
vo khvab havaon men bikhar kyuun nahin jaata
be-nam sa ye dard thahar kyun nahin jata
jo bit gaya hai wo guzar kyun nahin jata
sab kuchh to hai kya dhundhti rahti hain nigahen
kya baat hai main waqt pe ghar kyun nahin jata
wo ek hi chehra to nahin sare jahan mein
jo dur hai wo dil se utar kyun nahin jata
main apni hi uljhi hui rahon ka tamasha
jate hain jidhar sab main udhar kyun nahin jata
wo khwab jo barson se na chehra na badan hai
wo khwab hawaon mein bikhar kyun nahin jata
bahut dil ko kushada kar liya kya
bahut dil ko kushada kar liya kya
zamane bhar se vaada kar liya kya
to kya sach-much judai mujh se kar li
to khud apne ko aadha kar liya kya
hunar-mandi se apni dil ka safha
miri jaan tum ne saada kar liya kya
jo yaksar jaan hai us ke badan se
kaho kuchh istifada kar liya kya
bahut katra rahe ho mughhbachon se
gunah-e-tark-e-bada kar liya kya
yahan ke log kab ke ja chuke hain
safar jada-ba-jada kar liya kya
uthaya ik qadam tu ne na us tak
bahut apne ko manda kar liya kya
tum apni kaj-kulahi haar baithin
badan ko be-libada kar liya kya
bahut nazdik aati ja rahi ho
bichhadne ka irada kar liya kya
bahut dil ko kushada kar liya kya
zamane bhar se wada kar liya kya
to kya sach-much judai mujh se kar li
to khud apne ko aadha kar liya kya
hunar-mandi se apni dil ka safha
meri jaan tum ne sada kar liya kya
jo yaksar jaan hai us ke badan se
kaho kuchh istifada kar liya kya
bahut katra rahe ho mughbachon se
gunah-e-tark-e-baada kar liya kya
yahan ke log kab ke ja chuke hain
safar jada-ba-jada kar liya kya
uthaya ek qadam tu ne na us tak
bahut apne ko manda kar liya kya
tum apni kaj-kulahi haar baithin
badan ko be-libaada kar liya kya
bahut nazdik aati ja rahi ho
bichhadne ka irada kar liya kya
hai bikharne ko ye mahfil-e-rang-o-bu tum kahan jaoge hum kahan jaenge
hai bikharne ko ye mahfil-e-rang-o-bu tum kahan jaoge ham kahan jaenge
har taraf ho rahi hai yahi guftugu tum kahan jaoge ham kahan jaenge
har mata-e-nafas nazr-e-ahang ki ham ko yaran havas thi bahut rang ki
gul-zamin se ubalne ko hai ab lahu tum kahan jaoge ham kahan jaenge
avval-e-shab ka mahtab bhi ja chuka sehn-e-mai-khana se ab ufuq men kahin
akhir-e-shab hai khali hain jam-o-subu tum kahan jaoge ham kahan jaenge
koi hasil na tha aarzu ka magar saneha ye hai ab aarzu bhi nahin
vaqt ki is masafat men be-arzu tum kahan jaoge ham kahan jaenge
kis qadar duur se laut kar aae hain yuun kaho umr barbad kar aae hain
tha sarab apna sarmaya-e-justuju tum kahan jaoge ham kahan jaenge
ik junun tha ki abad ho shahr-e-jan aur abad jab shahr-e-jan ho gaya
hain ye sargoshiyan dar-ba-dar ku-ba-ku tum kahan jaoge ham kahan jaenge
dasht men raqs-e-shauq-e-bahar ab kahan bad-paimai-e-divana-var ab kahan
bas guzarne ko hai mausam-e-hav-hu tum kahan jaoge ham kahan jaenge
ham hain rusva-kun-e-dilli-o-lucknow apni kya zindagi apni kya aabru
'mir' dilli se nikle gae lucknow tum kahan jaoge ham kahan jaenge
hai bikharne ko ye mahfil-e-rang-o-bu tum kahan jaoge hum kahan jaenge
har taraf ho rahi hai yahi guftugu tum kahan jaoge hum kahan jaenge
har mata-e-nafas nazr-e-ahang ki hum ko yaran hawas thi bahut rang ki
gul-zamin se ubalne ko hai ab lahu tum kahan jaoge hum kahan jaenge
awwal-e-shab ka mahtab bhi ja chuka sehn-e-mai-khana se ab ufuq mein kahin
aakhir-e-shab hai khali hain jam-o-subu tum kahan jaoge hum kahan jaenge
koi hasil na tha aarzu ka magar saneha ye hai ab aarzu bhi nahin
waqt ki is masafat mein be-arzu tum kahan jaoge hum kahan jaenge
kis qadar dur se laut kar aae hain yun kaho umr barbaad kar aae hain
tha sarab apna sarmaya-e-justuju tum kahan jaoge hum kahan jaenge
ek junun tha ki aabaad ho shahr-e-jaan aur aabaad jab shahr-e-jaan ho gaya
hain ye sargoshiyan dar-ba-dar ku-ba-ku tum kahan jaoge hum kahan jaenge
dasht mein raqs-e-shauq-e-bahaar ab kahan baad-paimai-e-diwana-war ab kahan
bas guzarne ko hai mausam-e-haw-hu tum kahan jaoge hum kahan jaenge
hum hain ruswa-kun-e-dilli-o-lucknow apni kya zindagi apni kya aabru
'mir' dilli se nikle gae lucknow tum kahan jaoge hum kahan jaenge
ruh pyasi kahan se aati hai
ruuh pyasi kahan se aati hai
ye udasi kahan se aati hai
hai vo yak-sar supurdagi to bhala
bad-havasi kahan se aati hai
vo ham-aghhosh hai to phir dil men
na-shanasi kahan se aati hai
ek zindan-e-be-dili aur shaam
ye saba si kahan se aati hai
tu hai pahlu men phir tiri khushbu
ho ke baasi kahan se aati hai
dil hai shab-sokhta so ai ummid
tu nida si kahan se aati hai
main huun tujh men aur aas huun teri
to nirasi kahan se aati hai
ruh pyasi kahan se aati hai
ye udasi kahan se aati hai
hai wo yak-sar supurdagi to bhala
bad-hawasi kahan se aati hai
wo ham-aghosh hai to phir dil mein
na-shanasi kahan se aati hai
ek zindan-e-be-dili aur sham
ye saba si kahan se aati hai
tu hai pahlu mein phir teri khushbu
ho ke basi kahan se aati hai
dil hai shab-sokhta so ai ummid
tu nida si kahan se aati hai
main hun tujh mein aur aas hun teri
to nirasi kahan se aati hai
wo sahilon pe gane wale kya hue
vo sahilon pe gaane vaale kya hue
vo kashtiyan chalane vaale kya hue
vo subh aate aate rah gai kahan
jo qafile the aane vaale kya hue
main un ki raah dekhta huun raat bhar
vo raushni dikhane vaale kya hue
ye kaun log hain mire idhar udhar
vo dosti nibhane vaale kya hue
vo dil men khubne vaali ankhen kya huiin
vo hont muskurane vaale kya hue
imaraten to jal ke raakh ho gaiin
imaraten banane vaale kya hue
akele ghar se puchhti hai be-kasi
tira diya jalane vaale kya hue
ye aap ham to bojh hain zamin ka
zamin ka bojh uthane vaale kya hue
wo sahilon pe gane wale kya hue
wo kashtiyan chalane wale kya hue
wo subh aate aate rah gai kahan
jo qafile the aane wale kya hue
main un ki rah dekhta hun raat bhar
wo raushni dikhane wale kya hue
ye kaun log hain mere idhar udhar
wo dosti nibhane wale kya hue
wo dil mein khubne wali aankhen kya huin
wo hont muskurane wale kya hue
imaraten to jal ke rakh ho gain
imaraten banane wale kya hue
akele ghar se puchhti hai be-kasi
tera diya jalane wale kya hue
ye aap hum to bojh hain zamin ka
zamin ka bojh uthane wale kya hue
justuju jis ki thi usko to na paya humne
justuju jis ki thi us ko to na paaya ham ne
is bahane se magar dekh li duniya ham ne
sab ka ahval vahi hai jo hamara hai aaj
ye alag baat ki shikva kiya tanha ham ne
khud pashiman hue ne use sharminda kiya
ishq ki vaza ko kya khuub nibhaya ham ne
kaun sa qahr ye ankhon pe hua hai nazil
ek muddat se koi khvab na dekha ham ne
umr bhar sach hi kaha sach ke siva kuchh na kaha
ajr kya is ka milega ye na socha ham ne
justuju jis ki thi us ko to na paya hum ne
is bahane se magar dekh li duniya hum ne
sab ka ahwal wahi hai jo hamara hai aaj
ye alag baat ki shikwa kiya tanha hum ne
khud pashiman hue ne use sharminda kiya
ishq ki waza ko kya khub nibhaya hum ne
kaun sa qahr ye aankhon pe hua hai nazil
ek muddat se koi khwab na dekha hum ne
umr bhar sach hi kaha sach ke siwa kuchh na kaha
ajr kya is ka milega ye na socha hum ne
ek hunar tha kamal tha kya tha
ik hunar tha kamal tha kya tha
mujh men tera jamal tha kya tha
tere jaane pe ab ke kuchh na kaha
dil men dar tha malal tha kya tha
barq ne mujh ko kar diya raushan
tera aks-e-jalal tha kya tha
ham tak aaya tu bahr-e-lutf-o-karam
tera vaqt-e-zaval tha kya tha
jis ne tah se mujhe uchhal diya
dubne ka khayal tha kya tha
jis pe dil saare ahd bhuul gaya
bhulne ka saval tha kya tha
titliyan the ham aur qaza ke paas
surkh phulon ka jaal tha kya tha
ek hunar tha kamal tha kya tha
mujh mein tera jamal tha kya tha
tere jaane pe ab ke kuchh na kaha
dil mein dar tha malal tha kya tha
barq ne mujh ko kar diya raushan
tera aks-e-jalal tha kya tha
hum tak aaya tu bahr-e-lutf-o-karam
tera waqt-e-zawal tha kya tha
jis ne tah se mujhe uchhaal diya
dubne ka khayal tha kya tha
jis pe dil sare ahd bhul gaya
bhulne ka sawal tha kya tha
titliyan the hum aur qaza ke pas
surkh phulon ka jal tha kya tha
jab bhi milti hai mujhe ajnabi lagti kyun hai
jab bhi milti hai mujhe ajnabi lagti kyuun hai
zindagi roz nae rang badalti kyuun hai
dhuup ke qahr ka dar hai to dayar-e-shab se
sar-barahna koi parchhain nikalti kyuun hai
mujh ko apna na kaha is ka gila tujh se nahin
is ka shikva hai ki begana samajhti kyuun hai
tujh se mil kar bhi na tanhai mitegi meri
dil men rah rah ke yahi baat khatakti kyuun hai
mujh se kya puchh rahe ho miri vahshat ka sabab
bu-e-avara se puchho ki bhatakti kyuun hai
jab bhi milti hai mujhe ajnabi lagti kyun hai
zindagi roz nae rang badalti kyun hai
dhup ke qahr ka dar hai to dayar-e-shab se
sar-barahna koi parchhain nikalti kyun hai
mujh ko apna na kaha is ka gila tujh se nahin
is ka shikwa hai ki begana samajhti kyun hai
tujh se mil kar bhi na tanhai mitegi meri
dil mein rah rah ke yahi baat khatakti kyun hai
mujh se kya puchh rahe ho meri wahshat ka sabab
bu-e-awara se puchho ki bhatakti kyun hai
subh ki aaj jo rangat hai wo pahle to na thi
subh ki aaj jo rangat hai vo pahle to na thi
kya khabar aaj khiraman sar-e-gulzar hai kaun
shaam gulnar hui jaati hai dekho to sahi
ye jo nikla hai liye mishal-e-rukhsar hai kaun
raat mahki hui aai hai kahin se puchho
aaj bikhrae hue zulf-e-trah-dar hai kaun
phir dar-e-dil pe koi dene laga hai dastak
janiye phir dil-e-vahshi ka talabgar hai kaun
subh ki aaj jo rangat hai wo pahle to na thi
kya khabar aaj khiraman sar-e-gulzar hai kaun
sham gulnar hui jati hai dekho to sahi
ye jo nikla hai liye mishal-e-rukhsar hai kaun
raat mahki hui aai hai kahin se puchho
aaj bikhrae hue zulf-e-trah-dar hai kaun
phir dar-e-dil pe koi dene laga hai dastak
jaaniye phir dil-e-wahshi ka talabgar hai kaun
shamshir meri, meri sipar kis ke pas hai
shamshir meri, meri sipar kis ke paas hai
do mera khuud par mira sar kis ke paas hai
darpesh ek kaam hai himmat ka sathiyo
kasna hai mujh ko meri kamar kis ke paas hai
taari ho mujh pe kaun si halat mujhe batao
mera hisab-e-naf-o-zarar kis ke paas hai
ai ahl-e-shahr main to dua-go-e-shahr huun
lab par mire dua hai asar kis ke paas hai
dad-o-sitad ke shahr men hone ko aai shaam
khvahish hai mere paas khabar kis ke paas hai
pur-hal huun pa surat-e-ahval kuchh nahin
hairat hai mere paas nazar kis ke paas hai
ik aftab hai miri jeb-e-nigah men
pahnai-e-numud-e-sahar kis ke paas hai
qissa kishor ka nahin koshak ka hai ki hai
darvaza sab ke paas hai ghar kis ke paas hai
mehman-e-qasr hain hamen kuchh ramz chahiyen
ye puchh ke batao khandar kis ke paas hai
uthla sa naf-pyala hamari nahin talash
ai ladkiyo! batao bhanvar kis ke paas hai
nakhun badhe hue hain mire mujh se kar hazar
ye ja ke dekh nail-cutter kis ke paas hai
shamshir meri, meri sipar kis ke pas hai
do mera khud par mera sar kis ke pas hai
darpesh ek kaam hai himmat ka sathiyo
kasna hai mujh ko meri kamar kis ke pas hai
tari ho mujh pe kaun si haalat mujhe batao
mera hisab-e-naf-o-zarar kis ke pas hai
ai ahl-e-shahr main to dua-go-e-shahr hun
lab par mere dua hai asar kis ke pas hai
dad-o-sitad ke shahr mein hone ko aai sham
khwahish hai mere pas khabar kis ke pas hai
pur-haal hun pa surat-e-ahwal kuchh nahin
hairat hai mere pas nazar kis ke pas hai
ek aaftab hai meri jeb-e-nigah mein
pahnai-e-numud-e-sahar kis ke pas hai
qissa kishor ka nahin koshak ka hai ki hai
darwaza sab ke pas hai ghar kis ke pas hai
mehman-e-qasr hain hamein kuchh ramz chahiyen
ye puchh ke batao khandar kis ke pas hai
uthla sa naf-pyala hamari nahin talash
ai ladkiyo! batao bhanwar kis ke pas hai
nakhun badhe hue hain mere mujh se kar hazar
ye ja ke dekh nail-cutter kis ke pas hai
kisi surat bhi nind aati nahin main kaise so jaun
kisi surat bhi niind aati nahin main kaise so jaun
koi shai dil ko bahlati nahin main kaise so jaun
akela pa ke mujh ko yaad un ki aa to jaati hai
magar phir laut kar jaati nahin main kaise so jaun
jo khvabon men mire aa kar tasalli mujh ko deti thi
vo surat ab nazar aati nahin main kaise so jaun
tumhin to ho shab-e-ghham men jo mera saath dete ho
sitaro tum ko niind aati nahin main kaise so jaun
jise apna samajhna tha vo aankh ab apni dushman hai
ki ye rone se baaz aati nahin main kaise so jaun
tiri tasvir jo tuute hue dil ka sahara thi
nazar vo saaf ab aati nahin main kaise so jaun
ghata jo dil se uthti hai mizha tak aa to jaati hai
magar aankh us ko barsati nahin main kaise so jaun
sitare ye khabar laae ki ab vo bhi pareshan hain
suna hai un ko niind aati nahin main kaise so jaun
kisi surat bhi nind aati nahin main kaise so jaun
koi shai dil ko bahlati nahin main kaise so jaun
akela pa ke mujh ko yaad un ki aa to jati hai
magar phir laut kar jati nahin main kaise so jaun
jo khwabon mein mere aa kar tasalli mujh ko deti thi
wo surat ab nazar aati nahin main kaise so jaun
tumhin to ho shab-e-gham mein jo mera sath dete ho
sitaro tum ko nind aati nahin main kaise so jaun
jise apna samajhna tha wo aankh ab apni dushman hai
ki ye rone se baz aati nahin main kaise so jaun
teri taswir jo tute hue dil ka sahaara thi
nazar wo saf ab aati nahin main kaise so jaun
ghata jo dil se uthti hai mizha tak aa to jati hai
magar aankh us ko barsati nahin main kaise so jaun
sitare ye khabar lae ki ab wo bhi pareshan hain
suna hai un ko nind aati nahin main kaise so jaun
main chhu sakun tujhe mera khayal-e-kham hai kya
main chhu sakun tujhe mera khayal-e-kham hai kya
tira badan koi shamshir-e-be-niyam hai kya
miri jagah koi aina rakh liya hota
na jaane tere tamashe men mera kaam hai kya
asir-e-khak mujhe kar ke tu nihal sahi
nigah daal ke to dekh zer-e-dam hai kya
ye dubti hui kya shai hai teri ankhon men
tire labon pe jo raushan hai us ka naam hai kya
mujhe bata main tiri khaak ab kahan rakh duun
ki 'zeb' arz-o-sama men tira maqam hai kya
main chhu sakun tujhe mera khayal-e-kham hai kya
tera badan koi shamshir-e-be-niyam hai kya
meri jagah koi aaina rakh liya hota
na jaane tere tamashe mein mera kaam hai kya
asir-e-khak mujhe kar ke tu nihaal sahi
nigah dal ke to dekh zer-e-dam hai kya
ye dubti hui kya shai hai teri aankhon mein
tere labon pe jo raushan hai us ka nam hai kya
mujhe bata main teri khak ab kahan rakh dun
ki 'zeb' arz-o-sama mein tera maqam hai kya
sine ke zakhm panw ke chhaale kahan gae
siine ke zakhm paanv ke chhale kahan gae
ai husn tere chahne vaale kahan gae
shanon ko chhin chhin ke phenka gaya kahan
aine tod-phod ke daale kahan gae
khalvat men raushni hai na mahfil men raushni
ahl-e-vafa charaghh-e-vafa le kahan gae
but-khane men bhi dher hain tukde haram men bhi
jam-o-subu kahan the uchhale kahan gae
ankhon se ansuon ko mili khaak men jagah
paale kahan gae the nikale kahan gae
barbad-e-rozgar hamara hi naam hai
aaen tamasha dekhne vaale kahan gae
chhupte gae dilon men vo ban kar ghhazal ke bol
main dhundhta raha mire naale kahan gae
uthte huon ko sab ne sahara diya 'kalim'
girte hue ghharib sambhale kahan gae
sine ke zakhm panw ke chhaale kahan gae
ai husn tere chahne wale kahan gae
shanon ko chhin chhin ke phenka gaya kahan
aaine tod-phod ke dale kahan gae
khalwat mein raushni hai na mahfil mein raushni
ahl-e-wafa charagh-e-wafa le kahan gae
but-khane mein bhi dher hain tukde haram mein bhi
jam-o-subu kahan the uchhaale kahan gae
aankhon se aansuon ko mili khak mein jagah
pale kahan gae the nikale kahan gae
barbaad-e-rozgar hamara hi nam hai
aaen tamasha dekhne wale kahan gae
chhupte gae dilon mein wo ban kar ghazal ke bol
main dhundhta raha mere nale kahan gae
uthte huon ko sab ne sahaara diya 'kalim'
girte hue gharib sambhaale kahan gae
ai ahl-e-wafa dad-e-jafa kyun nahin dete
ai ahl-e-vafa dad-e-jafa kyuun nahin dete
soe hue zakhmon ko jaga kyuun nahin dete
is jashn-e-charaghhan se to behtar the andhere
in jhute charaghhon ko bujha kyuun nahin dete
jis men na koi rang na ahang na khushbu
tum aise gulistan ko jala kyuun nahin dete
divar ka ye uzr suna jaega kab tak
divar agar hai to gira kyuun nahin dete
chehron pe jo daale hue baithe hain naqaben
un logon ko mahfil se utha kyuun nahin dete
tauba ka yahi vaqt hai kya soch rahe ho
sajde men jabinon ko jhuka kyuun nahin dete
ye jhute khuda mil ke dubo denge safina
tum hadi-e-bar-haq ko sada kyuun nahin dete
ai ahl-e-wafa dad-e-jafa kyun nahin dete
soe hue zakhmon ko jaga kyun nahin dete
is jashn-e-charaghan se to behtar the andhere
in jhute charaghon ko bujha kyun nahin dete
jis mein na koi rang na aahang na khushbu
tum aise gulistan ko jala kyun nahin dete
diwar ka ye uzr suna jaega kab tak
diwar agar hai to gira kyun nahin dete
chehron pe jo dale hue baithe hain naqaben
un logon ko mahfil se utha kyun nahin dete
tauba ka yahi waqt hai kya soch rahe ho
sajde mein jabinon ko jhuka kyun nahin dete
ye jhute khuda mil ke dubo denge safina
tum hadi-e-bar-haq ko sada kyun nahin dete
dharti par sab dard ke mare kis ke hain
dharti par sab dard ke maare kis ke hain
asman par chand sitare kis ke hain
sunte hain vo shakhs to ghar hi badal gaya
phir ye dil-avez ishare kis ke hain
kis sahra ki dhuul hai sab ki ankhon men
be-mauj o be-rud kinare kis ke hain
ab kya sochna aisi-vaisi baton pe
un hathon ne baal sanvare kis ke hain
kaun hai is rim-jhim ke pichhe chhupa hua
ye aansu saare ke saare kis ke hain
kisi pahad ki choti par chadh kar dekho
ankhon se ojhal nazzare kis ke hain
dharti par sab dard ke mare kis ke hain
aasman par chand sitare kis ke hain
sunte hain wo shakhs to ghar hi badal gaya
phir ye dil-awez ishaare kis ke hain
kis sahra ki dhul hai sab ki aankhon mein
be-mauj o be-rud kinare kis ke hain
ab kya sochna aisi-waisi baaton pe
un hathon ne baal sanware kis ke hain
kaun hai is rim-jhim ke pichhe chhupa hua
ye aansu sare ke sare kis ke hain
kisi pahad ki choti par chadh kar dekho
aankhon se ojhal nazzare kis ke hain
din mein pariyan kyun aati hain
din men pariyan kyuun aati hain
aisi ghadiyan kyuun aati hain
apna ghar aane se pahle
itni galiyan kyuun aati hain
bahar kis ka dar lagta hai
ghar men chidiyan kyuun aati hain
din kyuun nange ho jaate hain
raten uryan kyuun aati hain
sher men ulti sidhi baten
bol miri jaan kyuun aati hain
'alvi' qabron tak jaane men
bhul-bhulayyan kyuun aati hain
din mein pariyan kyun aati hain
aisi ghadiyan kyun aati hain
apna ghar aane se pahle
itni galiyan kyun aati hain
bahar kis ka dar lagta hai
ghar mein chidiyan kyun aati hain
din kyun nange ho jate hain
raaten uryan kyun aati hain
sher mein ulti sidhi baaten
bol meri jaan kyun aati hain
'alwi' qabron tak jaane mein
bhul-bhulayyan kyun aati hain
ye aankh kyun hai ye hath kya hai
ye aankh kyuun hai ye haath kya hai
ye din hai kya chiiz raat kya hai
firaq-e-khurshid-o-mah kyuun hai
ye un ka aur mera saath kya hai
guman hai kya is sanam-kade par
khayal-e-marg-o-hayat kya hai
fughhan hai kis ke liye dilon men
kharosh-e-dariya-e-zat kya hai
falak hai kyuun qaid-e-mustaqil men
zamin pe harf-e-najat kya hai
hai kaun kis ke liye pareshan
pata to de asal baat kya hai
hai lams kyuun raegan hamesha
fana men khauf-e-sabat kya hai
'munir' is shahr-e-ghham-zada par
tira ye sehar-e-nashat kya hai
ye aankh kyun hai ye hath kya hai
ye din hai kya chiz raat kya hai
firaq-e-khurshid-o-mah kyun hai
ye un ka aur mera sath kya hai
guman hai kya is sanam-kade par
khayal-e-marg-o-hayat kya hai
fughan hai kis ke liye dilon mein
kharosh-e-dariya-e-zat kya hai
falak hai kyun qaid-e-mustaqil mein
zamin pe harf-e-najat kya hai
hai kaun kis ke liye pareshan
pata to de asal baat kya hai
hai lams kyun raegan hamesha
fana mein khauf-e-sabaat kya hai
'munir' is shahr-e-gham-zada par
tera ye sehar-e-nashat kya hai
khuda-ra aa ke meri lo khabar kahan ho tum
khuda-ra aa ke miri lo khabar kahan ho tum
mire habib mire chara-gar kahan ho tum
na raston ki khabar aur na manzilon ka pata
kahan main jaun mire rahbar kahan ho tum
ai baghh-e-dil ke milansar baghhban-e-zaif
darakht dene lage hain samar kahan ho tum
sunai deti hai har pal mujhe tiri avaz
dikhai kyuun nahin dete magar, kahan ho tum?
ghhazab ki dhuup hai aur saeban koi nahin
main jal raha huun mire bam-o-dar kahan ho tum
kuchh un ki khair khabar saath le ke aae ho?
chale bhi aao mire nama-bar kahan ho tum
khuda-ra aa ke meri lo khabar kahan ho tum
mere habib mere chaara-gar kahan ho tum
na raston ki khabar aur na manzilon ka pata
kahan main jaun mere rahbar kahan ho tum
ai bagh-e-dil ke milansar baghban-e-zaif
darakht dene lage hain samar kahan ho tum
sunai deti hai har pal mujhe teri aawaz
dikhai kyun nahin dete magar, kahan ho tum?
ghazab ki dhup hai aur saeban koi nahin
main jal raha hun mere baam-o-dar kahan ho tum
kuchh un ki khair khabar sath le ke aae ho?
chale bhi aao mere nama-bar kahan ho tum
shab-e-visal mein duri ka khwab kyun aaya
shab-e-visal men duuri ka khvab kyuun aaya
kamal-e-fath men ye dar ka baab kyuun aaya
dilon men ab ke baras itne vahm kyuun jaage
bilad-e-sabr men ab iztirab kyuun aaya
hai aag gul pe ajab is bahar-e-guzran men
chaman men ab ke gul-e-be-hisab kyuun aaya
agar vahi tha to rukh pe vo be-rukhi kya thi
zara se hijr men ye inqalab kyuun aaya
bas ek hoga tamasha tamam samton par
miri sada ke safar men sarab kyuun aaya
main khush nahin huun bahut duur us se hone par
jo main nahin tha to us par shabab kyuun aaya
uda hai shola-e-barq abr ki fasilon par
ye is bala ke muqabil sahab kyuun aaya
yaqin kis liye us par se uth gaya hai 'munir'
tumhare sar pe ye shak ka azaab kyuun aaya
shab-e-visal mein duri ka khwab kyun aaya
kamal-e-fath mein ye dar ka bab kyun aaya
dilon mein ab ke baras itne wahm kyun jage
bilad-e-sabr mein ab iztirab kyun aaya
hai aag gul pe ajab is bahaar-e-guzran mein
chaman mein ab ke gul-e-be-hisab kyun aaya
agar wahi tha to rukh pe wo be-rukhi kya thi
zara se hijr mein ye inqalab kyun aaya
bas ek hoga tamasha tamam samton par
meri sada ke safar mein sarab kyun aaya
main khush nahin hun bahut dur us se hone par
jo main nahin tha to us par shabab kyun aaya
uda hai shola-e-barq abr ki fasilon par
ye is bala ke muqabil sahab kyun aaya
yaqin kis liye us par se uth gaya hai 'munir'
tumhaare sar pe ye shak ka azab kyun aaya
zindagi wadi o sahra ka safar hai kyun hai
zindagi vaadi o sahra ka safar hai kyuun hai
itni viran miri rah-guzar hai kyuun hai
tu ujale ki tarah aa ke lipat ja mujh se
ik andhera sa idhar aur udhar hai kyuun hai
roz milta hai koi dil ko lubhane vaala
phir bhi tu hi mira mahbub-e-nazar hai kyuun hai
ghar ki tasvir bhi sahra ki tarah hai lekin
farq itna hai ki divar hai dar hai kyuun hai
jis ko dekhun vahi barbad hua jaata hai
aadmi kya hai mohabbat ka khandar hai kyuun hai
main samundar huun magar pyaas hai qismat meri
mere daman men agar 'ashk' guhar hai kyuun hai
zindagi wadi o sahra ka safar hai kyun hai
itni viran meri rah-guzar hai kyun hai
tu ujale ki tarah aa ke lipat ja mujh se
ek andhera sa idhar aur udhar hai kyun hai
roz milta hai koi dil ko lubhane wala
phir bhi tu hi mera mahbub-e-nazar hai kyun hai
ghar ki taswir bhi sahra ki tarah hai lekin
farq itna hai ki diwar hai dar hai kyun hai
jis ko dekhun wahi barbaad hua jata hai
aadmi kya hai mohabbat ka khandar hai kyun hai
main samundar hun magar pyas hai qismat meri
mere daman mein agar 'ashk' guhar hai kyun hai