Society

pahle mazhab seenon mein hota tha, aaj-kal topiyon mein hota hai. siyaasat bhi ab topiyon mein chali aayi hai. zindaabaad topiyaan.

hui na rah mein hael shikasta-pai meri

hui na raah men haael shikasta-pai miri 'qatil' ab bhi hai ik shakhs tak rasai miri uchhalte hain mire zikr se vo naam apna pasand hai mire yaron ko har burai miri ganva raha tha main kitne savab duniya ke janab-e-'ishq ne ki aa ke peshvai miri ab aur logon men jaae vo ghham ghhalat karne suna hai us ko gavara nahin judai miri hazar baar jo bad-nam kar chuka hai mujhe phir us ki khoj men nikli hai parsai miri bhatak raha huun main ik manzil-e-ziyan ke liye karoge rahzano tum hi rahnumai miri tamam bhed miri zindagi ke khol diye jo mutriba ne kisi ko ghhazal sunai miri bas ek baar shikan pad gai thi mathe par manane mujh ko javani kabhi na aai miri 'qatil' shukr karun jab bhi mujh pe tiir chale ba-faiz-e-'ishq tabi'at hai karbalai miri hui na rah mein hael shikasta-pai meri 'qatil' ab bhi hai ek shakhs tak rasai meri uchhaalte hain mere zikr se wo nam apna pasand hai mere yaron ko har burai meri ganwa raha tha main kitne sawab duniya ke janab-e-'ishq ne ki aa ke peshwai meri ab aur logon mein jae wo gham ghalat karne suna hai us ko gawara nahin judai meri hazar bar jo bad-nam kar chuka hai mujhe phir us ki khoj mein nikli hai parsai meri bhatak raha hun main ek manzil-e-ziyan ke liye karoge rahzano tum hi rahnumai meri tamam bhed meri zindagi ke khol diye jo mutriba ne kisi ko ghazal sunai meri bas ek bar shikan pad gai thi mathe par manane mujh ko jawani kabhi na aai meri 'qatil' shukr karun jab bhi mujh pe tir chale ba-faiz-e-'ishq tabi'at hai karbalai meri

yahan gharib ko sab kuchh to de diya us ne zamin bichhae hai aur aasman odhe hai

zamaane ke jis daur se hum is waqt guzar rahe hain agar aap isse naawaaqif hain to mere afsaane padhiye. agar aap in afsaanon ko bardaasht nahi kar sakte to iska matlab hai ki ye zamaana naaqaabil-e-bardaasht hai... mujh mein jo buraaiyaan hain, wo is ahd ki buraaiyaan hain... mere tahreer mein koi naqs nahi. jis naqs ko mere naam se mansoob kiya jaata hai, dar-asl maujooda nizaam ka naqs hai.

mehman chaar din ke aur ghar samajh liya hai

mehman chaar din ke aur ghar samajh liya hai ham ne sarab hi ko manzar samajh liya hai kitnon ne kar liya hai duniya ko ab musakhkhar khud ko sikandaron se bartar samajh liya hai achchha hai kya bura kya is baat se ghharaz kya bas zaat hi ko apni mehvar samajh liya hai bhule kitab ko ham paighham saara bhule bhatke musafiron ko rahbar samajh liya hai hote sabaq nahin jo ab yaad is jahan ko un ko nisab hi se bahar samajh liya hai tahzib apni khoi kho baithe 'ilm saara rangini-e-jahan ko zevar samajh liya hai khud nuqs se mubarra khud 'aib se hain 'aari aur sab ko raste ka patthar samajh liya hai samjhega khaak koi ab raaz is jahan ke qatre ne khud ko 'abrak' sagar samajh liya hai mehman chaar din ke aur ghar samajh liya hai hum ne sarab hi ko manzar samajh liya hai kitnon ne kar liya hai duniya ko ab musakhkhar khud ko sikandaron se bartar samajh liya hai achchha hai kya bura kya is baat se gharaz kya bas zat hi ko apni mehwar samajh liya hai bhule kitab ko hum paigham sara bhule bhatke musafiron ko rahbar samajh liya hai hote sabaq nahin jo ab yaad is jahan ko un ko nisab hi se bahar samajh liya hai tahzib apni khoi kho baithe 'ilm sara rangini-e-jahan ko zewar samajh liya hai khud nuqs se mubarra khud 'aib se hain 'ari aur sab ko raste ka patthar samajh liya hai samjhega khak koi ab raaz is jahan ke qatre ne khud ko 'abrak' sagar samajh liya hai

ye kaise log hain ye kaun si 'adawat hai zara si baat mein jo khandan tak jaen

duniya mein jitni laantein hain, bhook unki maan hai.

jab log hon aasuda bhula dete hain duniya

jab log hon asuda bhula dete hain duniya ham logon ki duniya men mila dete hain duniya logon ko to mil jaate hain duniya men masiha ham charagari men hi ganva dete hain duniya ho zarf zamane ka zamane ko mubarak ham phir se ujadne ko basa dete hain duniya hairan hai khud ham pe ye fan bazigari ka hatte hain yuun manzar se saja dete hain duniya dil rakhne ko duniya ka yahan jhuk ke hain milte par baat ho dil ki to jhuka dete hain duniya tha qissa vo jan-leva sunana nahin mumkin bas hanste hain aise ki rula dete hain duniya is fikr men duube hain samajh aae haqiqat vo khvab nahin ham jo jaga dete hain duniya jab log hon aasuda bhula dete hain duniya hum logon ki duniya mein mila dete hain duniya logon ko to mil jate hain duniya mein masiha hum chaaragari mein hi ganwa dete hain duniya ho zarf zamane ka zamane ko mubarak hum phir se ujadne ko basa dete hain duniya hairan hai khud hum pe ye fan bazigari ka hatte hain yun manzar se saja dete hain duniya dil rakhne ko duniya ka yahan jhuk ke hain milte par baat ho dil ki to jhuka dete hain duniya tha qissa wo jaan-lewa sunana nahin mumkin bas hanste hain aise ki rula dete hain duniya is fikr mein dube hain samajh aae haqiqat wo khwab nahin hum jo jaga dete hain duniya

bhook kisi qism ki bhi ho, bahut khatarnaak hai.

vaishya aur ba-ismat aurat ka muqaabla hargiz-hargiz nahi karna chahiye. in dono muqabla ho hi nahi sakta. vaishya khud kamaati hai aur ba-ismat aurat ke paas kamaa kar laane waale kaee maujood hote hain.

agar eik hi baar jhoot na bolne aur chori na karne ki talqeen karne par saari duniya jhoot aur chori se parhez karti to shaayad eik hi paighambar kaafi hota.

har aurat vaishya nahi hoti lekin har vaishya aurat hoti hai, is baat ko hamesha yaad rakhna chaahiye.

zabaan banaai nahi jaati, khud banti hai aur na insaani koshishein kisi zabaan ko fanaa kar sakti hain.

society ke usoolon ke mutaabiq mard mard rahta hai, khwaah uski kitaab-e-zindagi ke har waraq par gunaahon ki siyaahi lipi ho. magar woh aurat jo sirf eik martaba jawaani ke be-panaah jazbe ke zer-e-asar ya kisi laalach mein aakar ya kisi mard ki zabardasti ka shikaar ho kar eik lamhe ke liye apne raaste se hat jaaye, aurat nahi rahti. use haqaarat-o-nafrat ki nigaahon se dekha jaata hai. society us par woh tamaam darwaaze band kar deti hai jo eik siyaah-pesha mard ke liye khule rahte hain.

agar hum saabun aur lavender ka zikr kar sakte hain to un mauryon aur badruon ka zikr kyun nahi kar sakte jo hamaare badan ka mail peeti hain. agar hum mandiron aur masjidon ka zikr kar sakte hain to un qahba-khaanon ka zikr kyun nahi kar sakte jahaan se laut kar kaee insaan mandiron aur masjidon ka rukh karte hain... hum afyun, charas, bhang aur sharaab ke thekon ka zikr kar sakte hain to un kothon ka zikr kyun nahi kar sakte jahaan har qism ka nasha istemaal kiya jaata hai.

chakki peesne waali aurat jo din bhar kaam karti hai aur raat ko itmeenaan se so jaati hai, mere afsaanon ki heroin nahi ho sakti. meri heroin chakle ki eik takhyaai randi ho sakti hai jo raat ko jaagti hai aur din ko sote mein kabhi-kabhi daraawna khwaab dekh kar uth baithti hai ki budhaapa uske darwaaze par dastak dene aa raha hai... uske bhaari-bhaari papote jin par barson ki uchti hui nindein munjamid ho gayi hain, mere afsaanon ka mauzoo ban sakte hain. uski ghalaazat, uski bimaariyaan, uska chidchidaapan, uski gaaliyaan yeh sab mujhe bhaati hain... main unke mutalliq likhta hun aur ghareloo aurton ki shusta kalaamiyon, unki sehat aur unki sehat aur unki nafaasat-pasandi ko nazar-andaaz kar jaata hoon.

yeh log jinhein urf-e-aam mein leader kahaa jaata hai, siyaasat aur mazhab ko langda, loolda aur zakhmi aadmi tasawwur karte hain.

main tahzeeb-o-tamaddun aur society ki choli kya utaarunga jo hai hi nangi... main use kapde pahnaane ki koshish bhi nahi karta, isliye ki yeh mera kaam nahi, darziyon ka hai. log mujhe siyaah qalam kahte hain, main takhta-e-siyaah par kaali chaak se nahi likhta, safed chaak istemaal karta hoon ki takhta-e-siyaah ki siyaahi aur bhi ziyaada numaayaan ho jaaye. yeh mera khaas andaaz, mera khaas tarz hai jise fohsh-nigaari, taraqqi-pasandi aur khuda maloom kya kuch kahaa jaata hai. laanat ho s'aadat hasan manto par, kambakht ko gaali bhi saleeqe se nahi di jaati.

mujhe naam-nihaad communiston se badi chid hai. woh log mujhe bahut khalte hain jo narm-narm sofon par baith kar daraanti aur hathaude ki zarbon ki baatein karte hain.

vaishya paida nahi hoti, banaai jaati hai. ya khud banti hai. jis cheez ki maang hogi mandi mein zaroor aaegi. mard ki nafsaani khwaahishaat ki maang aurat hai. khwaah woh kisi shakl mein ho. chunaanche is maang ka asar ye hai ki har shahar mein koi na koi chakla maujood hai. agar aaj ye maang door ho jaaye to ye chakle khud ba khud ghaayab ho jaaenge.

mazhab khud eik bahut bada mas'ala hai, agar isme lapet kar kisi aur mas'ale ko dekha jaye to hamein bahut hu maghz-dardi karni paregi.

yaad rakhiye ghurbat laanat nahi hai jo use laanat zaahir karte hain woh khud mal'oon hain. woh khud us ameer se do laakh darje behtar hai jo apne kashti khud apne haathon se kheta hai...

main tahzeeb-o-tamaddun aur society ki choli kya utaarunga jo hai hi nangi.

vaishya paida nahi hoti, banaai jaati hai ya khud banti hai.

vaishya ka wajood khud eik janaaza hai jo samaaj khud apne kandhon par uthaae hue hai. woh use jab tak kaheen dafn nahi karega, uske mutalliq baatein hoti rahengi.

sach bol kar zaleel-o-khwaar hone ki jagah jhoot bol kar zaleel-o-khwaar hona behtar hai. aadmi ko kam-az-kam sabr to aa jaata hai ki kis baat ki saza mili hai.

main to baaz-auqaat aisa mahsoos karta hoon ki hukoomat aur ri'aaya ka rishta roothe khaawand aur biwi ka rishta hai.

gadaa-gari qaanoonan band kar di jaati hai, magar woh asbaab-o-elal door karne ki koshish nahi ki jati jo insaan ko is fe'al par majboor karte hain. aurton ko sar-e-baazaar jism-faroshi ke kaarobaar se roka jaata hai magar uske muharrekaat ke isteesaal ki taraf koi tawajjoh nahi deta.

maujuda nizaam ke tahat jiski baag-dor sirf mardon ke haath mein hai, aurat khwaah woh ismat-farosh ho ya ba-ismat, hamesha dabi rahi hai. mard ko maujooda akhtiyaar hoga ki woh uske mutalliq jo chaahe raae qayam kare.

mera khayaal hai ki koi bhi cheez fohsh nahi, lekin ghar ki kursi aur haandi bhi fohsh ho sakti hai agar unko fohsh tareeqe par pesh kiyaa jaaye.