samne uske kabhi uski sataish nahin ki
samne us ke kabhi us ki sataish nahin ki
dil ne chaha bhi agar honton ne jumbish nahin ki
ahl-e-mahfil pe kab ahval khula hai apna
main bhi khamosh raha us ne bhi pursish nahin ki
jis qadar us se ta'alluq tha chala jaata hai
us ka kya ranj ho jis ki kabhi khvahish nahin ki
ye bhi kya kam hai ki donon ka bharam qaaem hai
us ne bakhshish nahin ki ham ne guzarish nahin ki
ik to ham ko adab adab ne pyasa rakkha
us pe mahfil men surahi ne bhi gardish nahin ki
ham ki dukh odh ke khalvat men pade rahte hain
ham ne bazar men zakhmon ki numaish nahin ki
ai mire abr-e-karam dekh ye virana-e-jan
kya kisi dasht pe tu ne kabhi barish nahin ki
kat mare apne qabile ki hifazat ke liye
maqtal-e-shahr men thahre rahe jumbish nahin ki
vo hamen bhuul gaya ho to ajab kya hai 'faraz'
ham ne bhi mel-mulaqat ki koshish nahin ki
samne us ke kabhi us ki sataish nahin ki
dil ne chaha bhi agar honton ne jumbish nahin ki
ahl-e-mahfil pe kab ahwal khula hai apna
main bhi khamosh raha us ne bhi pursish nahin ki
jis qadar us se ta'alluq tha chala jata hai
us ka kya ranj ho jis ki kabhi khwahish nahin ki
ye bhi kya kam hai ki donon ka bharam qaem hai
us ne bakhshish nahin ki hum ne guzarish nahin ki
ek to hum ko adab aadab ne pyasa rakkha
us pe mahfil mein surahi ne bhi gardish nahin ki
hum ki dukh odh ke khalwat mein pade rahte hain
hum ne bazar mein zakhmon ki numaish nahin ki
ai mere abr-e-karam dekh ye virana-e-jaan
kya kisi dasht pe tu ne kabhi barish nahin ki
kat mare apne qabile ki hifazat ke liye
maqtal-e-shahr mein thahre rahe jumbish nahin ki
wo hamein bhul gaya ho to ajab kya hai 'faraaz'
hum ne bhi mel-mulaqat ki koshish nahin ki
tez hawa aur shab-bhar barish
tez hava aur shab-bhar barish
andar chup aur bahar barish
aise pahle kab barsi thiin
ankhen aur barabar barish
sahra to pyase ka pyasa
aur bhare dariya par barish
us sur-tal ka aur maza tha
kachche ghar ki chhat par barish
jhuum rahe hain bhiig rahe hain
ped parinde manzar barish
main ne badal ko bheji thi
ik kaghhaz par likh kar barish
mere ashkon se likkhe ko
vo padhta hai aksar barish
kaun ye dekhe dida-e-pur-nam
ik barish ke andar barish
yaad bahut aate hain 'janan'
haath men haath aur sar par barish
tez hawa aur shab-bhar barish
andar chup aur bahar barish
aise pahle kab barsi thin
aankhen aur barabar barish
sahra to pyase ka pyasa
aur bhare dariya par barish
us sur-tal ka aur maza tha
kachche ghar ki chhat par barish
jhum rahe hain bhig rahe hain
ped parinde manzar barish
main ne baadal ko bheji thi
ek kaghaz par likh kar barish
mere ashkon se likkhe ko
wo padhta hai aksar barish
kaun ye dekhe dida-e-pur-nam
ek barish ke andar barish
yaad bahut aate hain 'jaanan'
hath mein hath aur sar par barish
husn-pari ho sath aur be-mausam ki barish ho jae
husn-pari ho saath aur be-mausam ki barish ho jaae
chhatri kaun kharidega phir jitni barish ho jaae
aisi pyaas ki shiddat hai ki main ye duaen karta huun
jitne samundar hain duniya men sab ki barish ho jaae
meri ghhazlen us ke saath bitae vaqt ka hasil hain
vaisi faslen ug aati hain jaisi barish ho jaae
chhote chhote talabon se paani chhina jaata hai
tum to bas ye kah dete ho thodi barish ho jaae
andhi aae bijli kadke kaali ghataen chhane lagen
majburan vo ruke mire ghar itni barish ho jaae
tang aaya huun main is hijr-o-vasl ki bunda-bandi se
ya to sukha pad jaae ya dhang ki barish ho jaae
husn-pari ho sath aur be-mausam ki barish ho jae
chhatri kaun kharidega phir jitni barish ho jae
aisi pyas ki shiddat hai ki main ye duaen karta hun
jitne samundar hain duniya mein sab ki barish ho jae
meri ghazlen us ke sath bitae waqt ka hasil hain
waisi faslen ug aati hain jaisi barish ho jae
chhote chhote talabon se pani chhina jata hai
tum to bas ye kah dete ho thodi barish ho jae
aandhi aae bijli kadke kali ghataen chhane lagen
majburan wo ruke mere ghar itni barish ho jae
tang aaya hun main is hijr-o-wasl ki bunda-bandi se
ya to sukha pad jae ya dhang ki barish ho jae
ajab pur-lutf manzar dekhta rahta hun barish mein
ajab pur-lutf manzar dekhta rahta huun barish men
badan jalta hai aur main bhigta rahta huun barish men
sadaen duub jaati hain hava ke shor men aur main
gali-kuchon men tanha chikhta rahta huun barish men
dariche men dar aate hain bahut se mehrban chehre
main un par shokh jumle phenkta rahta huun barish men
diye jalte hain, bujhte hain, mire atraf men aur main
bas ik saae ke pichhe bhagta rahta huun barish men
pas-e-qaus-e-quzah ik surat-e-mahtab ki jhilmil
main is jhilmil ko pahron dekhta rahta huun barish men
na sona mere bas men hai, na shab bhar jagna 'khalid'
main ankhen kholta aur michta rahta huun barish men
ajab pur-lutf manzar dekhta rahta hun barish mein
badan jalta hai aur main bhigta rahta hun barish mein
sadaen dub jati hain hawa ke shor mein aur main
gali-kuchon mein tanha chikhta rahta hun barish mein
dariche mein dar aate hain bahut se mehrban chehre
main un par shokh jumle phenkta rahta hun barish mein
diye jalte hain, bujhte hain, mere atraf mein aur main
bas ek sae ke pichhe bhagta rahta hun barish mein
pas-e-qaus-e-quzah ek surat-e-mahtab ki jhilmil
main is jhilmil ko pahron dekhta rahta hun barish mein
na sona mere bas mein hai, na shab bhar jagna 'khalid'
main aankhen kholta aur michta rahta hun barish mein
abhi to aur bhi din barishon ke aane the
abhi to aur bhi din barishon ke aane the
karishme saare use aaj hi dikhane the
hiqaraten hi milin ham ko zang-aluda
dilon men yuun to kai qism ke khazane the
ye dasht tel ka pyasa na tha khuda-vanda
yahan to chaar chhe dariya hamen bahane the
kisi se koi taalluq raha na ho jaise
kuchh is tarah se guzarte hue zamane the
parinde duur fazaon men kho gae 'alvi'
ujaad ujaad darakhton pe ashiyane the
abhi to aur bhi din barishon ke aane the
karishme sare use aaj hi dikhane the
hiqaraten hi milin hum ko zang-aluda
dilon mein yun to kai qism ke khazane the
ye dasht tel ka pyasa na tha khuda-wanda
yahan to chaar chhe dariya hamein bahane the
kisi se koi talluq raha na ho jaise
kuchh is tarah se guzarte hue zamane the
parinde dur fazaon mein kho gae 'alwi'
ujad ujad darakhton pe aashiyane the
kitni sharmili lajili hai hawa barsat ki
kitni sharmili lajili hai hava barsat ki
milti hai un ki ada se har ada barsat ki
jaane kis mahival se aati hai milne ke liye
sohni gaati hui saundhi hava barsat ki
us ke ghar bhi tujh ko aana chahiye tha ai bahar
jis ne sab ke vaste mangi dua barsat ki
ab ki barish men na rah jaae kisi ke dil men mail
sab ki gagri dho ke bhar de ai ghata barsat ki
dekhiye kuchh aise bhi bimar hain barsat ke
botalon men le ke nikle hain dava barsat ki
jeb apni dekh kar mausam se yaari kijiye
ab ki mahngi hai bahut ab-o-hava barsat ki
badalon ki ghan-garaj ko sun ke bachche ki tarah
chaunk chaunk uthti hai rah rah kar faza barsat ki
raste men tum agar bhige to khafgi mujh pe kyuun
mere munsif pe khata meri hai ya barsat ki
ham to barish men khuli chhat par na soenge 'nazir'
aap tanha apne sar liije bala barsat ki
kitni sharmili lajili hai hawa barsat ki
milti hai un ki ada se har ada barsat ki
jaane kis mahiwal se aati hai milne ke liye
sohni gati hui saundhi hawa barsat ki
us ke ghar bhi tujh ko aana chahiye tha ai bahaar
jis ne sab ke waste mangi dua barsat ki
ab ki barish mein na rah jae kisi ke dil mein mail
sab ki gagri dho ke bhar de ai ghata barsat ki
dekhiye kuchh aise bhi bimar hain barsat ke
botalon mein le ke nikle hain dawa barsat ki
jeb apni dekh kar mausam se yari kijiye
ab ki mahngi hai bahut aab-o-hawa barsat ki
baadalon ki ghan-garaj ko sun ke bachche ki tarah
chaunk chaunk uthti hai rah rah kar faza barsat ki
raste mein tum agar bhige to khafgi mujh pe kyun
mere munsif pe khata meri hai ya barsat ki
hum to barish mein khuli chhat par na soenge 'nazir'
aap tanha apne sar lije bala barsat ki
dhuan udati hui dhimi dhimi barish hai
dhuan udati hui dhimi dhimi barish hai
hava ki andhi savari pe andhi barish hai
hamare gaanv ke raston ki kachchi mitti par
phisal rahe hain qadam kitni gandi barish hai
zara si khol ke khidki nazar to daudao
dikhai deti nahin achchhi-khasi barish hai
nikalte vaqt uthai nahin gai chhatri
miri saheli mujhe kah rahi thi barish hai
hamare aane men takhir ho bhi sakti hai
ye dekh kar yahi lagta hai jitni barish hai
muzakarat zamin kar rahi hai dhuup ke saath
kahin pe dekhi suni tum ne itni barish hai
tamam sabz ruten aa ke kar rahi hain salam
hamare shahr men mausam ki pahli barish hai
thithurte paani men sanson ka nam milate hue
nadi men chand ke ham-rah nahati barish hai
nami usi ki mili hai mahakte phulon ko
kiran kiran men ghuli jo gulabi barish hai
main film ke kisi manzar pe baat kar rahi huun
dikhai ja rahi jis men barasti barish hai
tamam khvab mire mil gae hain mitti men
tamam shab miri ankhon men jaagi barish hai
hava ki shah pe hi phirti hai dandanati hui
hamare charon taraf sar-phiri si barish hai
main gaadi rok ke selfi bana rahi huun 'sahar'
magar abhi bhi yahan halki halki barish hai
dhuan udati hui dhimi dhimi barish hai
hawa ki andhi sawari pe andhi barish hai
hamare ganw ke raston ki kachchi mitti par
phisal rahe hain qadam kitni gandi barish hai
zara si khol ke khidki nazar to daudao
dikhai deti nahin achchhi-khasi barish hai
nikalte waqt uthai nahin gai chhatri
meri saheli mujhe kah rahi thi barish hai
hamare aane mein takhir ho bhi sakti hai
ye dekh kar yahi lagta hai jitni barish hai
muzakaraat zamin kar rahi hai dhup ke sath
kahin pe dekhi suni tum ne itni barish hai
tamam sabz ruten aa ke kar rahi hain salam
hamare shahr mein mausam ki pahli barish hai
thithurte pani mein sanson ka nam milate hue
nadi mein chand ke ham-rah nahati barish hai
nami usi ki mili hai mahakte phulon ko
kiran kiran mein ghuli jo gulabi barish hai
main film ke kisi manzar pe baat kar rahi hun
dikhai ja rahi jis mein barasti barish hai
tamam khwab mere mil gae hain mitti mein
tamam shab meri aankhon mein jagi barish hai
hawa ki shah pe hi phirti hai dandanati hui
hamare chaaron taraf sar-phiri si barish hai
main gadi rok ke selfi bana rahi hun 'sahar'
magar abhi bhi yahan halki halki barish hai
~ Yasmeen Sahar
yaad aata hai mujhe ret ka ghar barish mein
yaad aata hai mujhe ret ka ghar barish men
men akeli thi sar-e-rahguzar barish men
vo ajab shakhs tha har haal men khush rahta tha
us ne ta-umr kiya hans ke safar barish men
tum ne puchha bhi to kis mod pe aa kar puchha
kaise ujda tha chahakta hua ghar barish men
ik diya jalta hai kitni bhi chale tez hava
tuut jaate hain kai ek shajar barish men
ankhen bojhal hain tabiat bhi hai kuchh afsurda
kaisi alsai si lagti hai sahar barish men
yaad aata hai mujhe ret ka ghar barish mein
mein akeli thi sar-e-rahguzar barish mein
wo ajab shakhs tha har haal mein khush rahta tha
us ne ta-umr kiya hans ke safar barish mein
tum ne puchha bhi to kis mod pe aa kar puchha
kaise ujda tha chahakta hua ghar barish mein
ek diya jalta hai kitni bhi chale tez hawa
tut jate hain kai ek shajar barish mein
aankhen bojhal hain tabiat bhi hai kuchh afsurda
kaisi alsai si lagti hai sahar barish mein
guftugu kyun na karen dida-e-tar se baadal
guftugu kyuun na karen dida-e-tar se badal
laut aae hain sitaron ke safar se badal
kya ghhazabnak thi suraj ki barahna shamshir
kaale mujrim ki tarah nikle na ghar se badal
raat ki kokh koi chand kahan se laae
ye zamin banjh hai barse ki na barse badal
barf se kahiye ki saughhat kare un ki qubul
laae hain aag ke dastane safar se badal
main ki huun dhuup ka azad parinda lekin
baal kyuun noch rahe hain mire par se badal
akhiri khat to likhunga main lahu se khud ko
ab bhi mayus jo laute tire dar se badal
na kisi jism ka jaadu na ghata gesu ki
'prem' kyuun ruuth gae prem-nagar se badal
guftugu kyun na karen dida-e-tar se baadal
laut aae hain sitaron ke safar se baadal
kya ghazabnak thi suraj ki barahna shamshir
kale mujrim ki tarah nikle na ghar se baadal
raat ki kokh koi chand kahan se lae
ye zamin banjh hai barse ki na barse baadal
barf se kahiye ki saughat kare un ki qubul
lae hain aag ke dastane safar se baadal
main ki hun dhup ka aazad parinda lekin
baal kyun noch rahe hain mere par se baadal
aakhiri khat to likhunga main lahu se khud ko
ab bhi mayus jo laute tere dar se baadal
na kisi jism ka jadu na ghata gesu ki
'prem' kyun ruth gae prem-nagar se baadal
sukh jati hai meri chashm-e-rawan barish mein
suukh jaati hai miri chashm-e-ravan barish men
asman hota rahe ashk-e-fishan barish men
saare sahrai rihai ke tamannai na the
aa gaya le ke hamen qais kahan barish men
ghonsle tuut gae ped gire bandh gire
gaanv pe phir bhi javan nashsha-e-jan barish men
teri sarsabz baharon pe damakte qatre
lauh-e-mahfuz ke kuchh ramz-e-nihan barish men
lab-e-ehsas kabhi tu kisi qabil ho ja
chuum le manzil-e-mubham ke nishan barish men
hanpti kanpti mazbut iradon vaali
bench pe baithi hui mahv-e-guman barish men
pahli tap tap hi mire hosh uda deti hai
niind udti hai atak jaati hai jaan barish men
aaj bhi darta huun bijli ke kadake se bahut
us ko qaabu men kiya karti thi maan barish men
mere kamre ka makin habs gala ghontta hai
koi to ramz-e-aziyyat hai nihan barish men
sukh jati hai meri chashm-e-rawan barish mein
aasman hota rahe ashk-e-fishan barish mein
sare sahrai rihai ke tamannai na the
aa gaya le ke hamein qais kahan barish mein
ghonsle tut gae ped gire bandh gire
ganw pe phir bhi jawan nashsha-e-jaan barish mein
teri sarsabz bahaaron pe damakte qatre
lauh-e-mahfuz ke kuchh ramz-e-nihan barish mein
lab-e-ehsas kabhi tu kisi qabil ho ja
chum le manzil-e-mubham ke nishan barish mein
hanpti kanpti mazbut iradon wali
bench pe baithi hui mahw-e-guman barish mein
pahli tap tap hi mere hosh uda deti hai
nind udti hai atak jati hai jaan barish mein
aaj bhi darta hun bijli ke kadake se bahut
us ko qabu mein kiya karti thi man barish mein
mere kamre ka makin habs gala ghontta hai
koi to ramz-e-aziyyat hai nihan barish mein
chha gaya sar pe mere gard ka dhundla baadal
chha gaya sar pe mire gard ka dhundla badal
ab ke savan bhi gaya mujh pe na barsa badal
siip bujhte hue suraj ki taraf dekhte hain
kaisi barsat miri jaan kahan ka badal
vo bhi din the ki tapakta tha chhaton se pahron
ab ke pal bhar bhi munderon pe na thahra badal
farsh par gir ke bikharta raha paare ki tarah
sabz baghhon men mire baad na jhula badal
laakh chaha na mili pyaar ki pyasi aghhosh
ghar ki divar se sar phod ke roya badal
aaj ki shab bhi jahannam men sulagte hi kati
aaj ki shab bhi to botal se na chhalka badal
chha gaya sar pe mere gard ka dhundla baadal
ab ke sawan bhi gaya mujh pe na barsa baadal
sip bujhte hue suraj ki taraf dekhte hain
kaisi barsat meri jaan kahan ka baadal
wo bhi din the ki tapakta tha chhaton se pahron
ab ke pal bhar bhi munderon pe na thahra baadal
farsh par gir ke bikharta raha pare ki tarah
sabz baghon mein mere baad na jhula baadal
lakh chaha na mili pyar ki pyasi aaghosh
ghar ki diwar se sar phod ke roya baadal
aaj ki shab bhi jahannam mein sulagte hi kati
aaj ki shab bhi to botal se na chhalka baadal
tere aane ki bahut dhum machi hai barish
tere aane ki bahut dhuum machi hai barish
kahin uljhan kahin logon men khushi hai barish
us ke bin zakhm har ik buund se paaya main ne
jaise paani nahin patthar ki hui hai barish
mere mahbub ko mahbub yahi mausam hai
is liye bhi mujhe mahbub rahi hai barish
hai miri jaan mizaj aap ka mausam ki tarah
kabhi sardi kabhi garmi to kabhi hai barish
un ko halat ne majbur kiya kahne par
kachche ghar vaale jo kahte hain buri hai barish
kaash vo teri tarah laut ke aa jaae kabhi
jis tarah laut ke tu aane lagi hai barish
tere aane se hi pahchan mili hai us ko
phir se lagne laga basti men nadi hai barish
yuun kiya ham ko bhi halat ke tufan ne juda
jis tarah tujh ko hava le ke udi hai barish
gum-shuda bachche ke milne ki khushi ki manand
ab kisanon ko khabar teri mili hai barish
tere aane se hai imkan ki dhul jaae ghhubar
kai rishton pe yahan dhuul jami hai barish
us ki yadon ki ghata chhai to 'gauhar' barse
ya'ni ash'ar ki phir mujh pe hui hai barish
tere aane ki bahut dhum machi hai barish
kahin uljhan kahin logon mein khushi hai barish
us ke bin zakhm har ek bund se paya main ne
jaise pani nahin patthar ki hui hai barish
mere mahbub ko mahbub yahi mausam hai
is liye bhi mujhe mahbub rahi hai barish
hai meri jaan mizaj aap ka mausam ki tarah
kabhi sardi kabhi garmi to kabhi hai barish
un ko haalat ne majbur kiya kahne par
kachche ghar wale jo kahte hain buri hai barish
kash wo teri tarah laut ke aa jae kabhi
jis tarah laut ke tu aane lagi hai barish
tere aane se hi pahchan mili hai us ko
phir se lagne laga basti mein nadi hai barish
yun kiya hum ko bhi haalat ke tufan ne juda
jis tarah tujh ko hawa le ke udi hai barish
gum-shuda bachche ke milne ki khushi ki manand
ab kisanon ko khabar teri mili hai barish
tere aane se hai imkan ki dhul jae ghubar
kai rishton pe yahan dhul jami hai barish
us ki yaadon ki ghata chhai to 'gauhar' barse
ya'ni ash'ar ki phir mujh pe hui hai barish
You have reached the end.