Dhoop

dhup ne guzarish ki ek bund barish ki

dopahar ki dhup mein mere bulane ke liye wo tera kothe pe nange panw aana yaad hai

phir yaad bahut aaegi zulfon ki ghani sham jab dhup mein saya koi sar par na milega

jati hai dhup ujle paron ko samet ke zakhmon ko ab ginunga main bistar pe let ke

ye dhup to har rukh se pareshan karegi kyun dhund rahe ho kisi diwar ka saya

main bahut khush tha kadi dhup ke sannate mein kyun teri yaad ka baadal mere sar par aaya

zara ye dhup dhal jae to un ka haal puchhenge yahan kuchh sae apne aap ko paikar batate hain

wo sardiyon ki dhup ki tarah ghurub ho gaya lipat rahi hai yaad jism se lihaf ki tarah

koi taswir mukammal nahin hone pati dhup dete hain to saya nahin rahne dete

kab dhup chali sham dhali kis ko khabar hai ek umr se main apne hi sae mein khada hun

'alwi' ye moajiza hai december ki dhup ka sare makan shahr ke dhoe hue se hain

hum faqiron ka pairahan hai dhup aur ye raat apni chadar hai

ye intiqam hai ya ehtijaj hai kya hai ye log dhup mein kyun hain shajar ke hote hue

us ko bhi meri tarah apni wafa par tha yaqin wo bhi shayad isi dhoke mein mila tha mujh ko

tere aane ka din hai tere raste mein bichhane ko chamakti dhup mein sae ikatthe kar raha hun main

naqab-e-rukh uthaya ja raha hai wo nikli dhup saya ja raha hai from the confines of the veil your face is now being freed lo sunshine now emerges, the shadows now recede

jahan dale the us ne dhup mein kapde sukhane ko tapakti hain abhi tak rassiyan aahista aahista

ab shahr-e-arzu mein wo ranaiyan kahan hain gul-kade nidhaal badi tez dhup hai

mere sae mein us ka naqsh-e-pa hai bada ehsan mujh par dhup ka hai

sara din tapte suraj ki garmi mein jalte rahe thandi thandi hawa phir chali so raho so raho

kuchh ab ke dhup ka aisa mizaj bigda hai darakht bhi to yahan saeban mangte hain

diwar un ke ghar ki meri dhup le gai ye baat bhulne mein zamana laga mujhe

nind tuti hai to ehsas-e-ziyan bhi jaga dhup diwar se aangan mein utar aai hai

basti basti parbat parbat wahshat ki hai dhup 'ziya' chaaron jaanib virani hai dil ka ek virana kya

dhup boli ki main aabai watan hun tera main ne phir saya-e-diwar ko zahmat nahin di

is dasht-e-sukhan mein koi kya phul khilae chamki jo zara dhup to jalne lage sae

kaun jaane ki udti hui dhup bhi kis taraf kaun si manzilon mein gai

kis ne sahra mein mere waste rakkhi hai ye chhanw dhup roke hai mera chahne wala kaisa

dhup badhte hi juda ho jaega saya-e-diwar bhi diwar se

main barishon mein bahut bhigta raha 'abid' sulagti dhup mein ek chhat bahut zaruri hai