gale mujhko laga lo ai mere dildar holi mein
gale mujh ko laga lo ai mire dildar holi men
bujhe dil ki lagi bhi to ai mere yaar holi men
nahin ye hai gulal-e-surkh udta har jagah pyare
ye ashiq ki hai umdi ah-e-atish-bar holi men
gulabi gaal par kuchh rang mujh ko bhi jamane do
manane do mujhe bhi jan-e-man tyauhar holi men
'rasa' gar jam-e-mai ghhairon ko dete ho to mujh ko bhi
nashili aankh dikhla kar karo sarshar holi men
gale mujh ko laga lo ai mere dildar holi mein
bujhe dil ki lagi bhi to ai mere yar holi mein
nahin ye hai gulal-e-surkh udta har jagah pyare
ye aashiq ki hai umdi aah-e-atish-bar holi mein
gulabi gal par kuchh rang mujh ko bhi jamane do
manane do mujhe bhi jaan-e-man tyauhaar holi mein
'rasa' gar jam-e-mai ghairon ko dete ho to mujh ko bhi
nashili aankh dikhla kar karo sarshaar holi mein
aa jae wo milne to mujhe id-mubarak
aa jaae vo milne to mujhe id-mubarak
mat aae ba-har-hal use id-mubarak
aisa ho sab insan hon khush itne ki har roz
ik dusre se kahta phire id-e-mubarak
haan mujh se jise jis se mujhe jo bhi gila ho
abad rahe shaad rahe id-e-mubarak
tanhai si tanhai ki divar bhi shashdar
ab khul ke kahe ya na kahe id-e-mubarak
sargoshi ne patthar ko sabaq yaad dilaya
paani ne likha aine pe id-e-mubarak
tum jo mire sheron ke mukhatib the na hoge
akhir men tumhen sirf tumhe id-mubarak
aa jae wo milne to mujhe id-mubarak
mat aae ba-har-haal use id-mubarak
aisa ho sab insan hon khush itne ki har roz
ek dusre se kahta phire id-e-mubarak
han mujh se jise jis se mujhe jo bhi gila ho
aabaad rahe shad rahe id-e-mubarak
tanhai si tanhai ki diwar bhi shashdar
ab khul ke kahe ya na kahe id-e-mubarak
sargoshi ne patthar ko sabaq yaad dilaya
pani ne likha aaine pe id-e-mubarak
tum jo mere sheron ke mukhatib the na hoge
aakhir mein tumhein sirf tumhe id-mubarak
ab ki holi mein raha be-kar rang
ab ki holi men raha be-kar rang
aur hi laaya firaq-e-yar rang
surkh-ru kar de sharab aai bahar
hai khizan se zard ai khummar rang
hont uude sabz khat ankhen siyah
chehre ka surkh-o-safed ai yaar rang
ham ko saare gulshan-e-afaq men
bas pasand aae yahi do-char rang
ghhair se kheli hai holi yaar ne
daale mujh par dida-e-khun-bar rang
kis ki holi jashn-e-nau-rozi hai aaj
surkh mai se saqiya dastar rang
hijr-e-janan men thaharta hi nahin
kya hi mere munh se hai bezar rang
kya hai girgit asman ke samne
badle ik ik dam men sau sau baar rang
aati hai o qais laila dasht men
khun-e-pa se jild ab pur-khar rang
dhuup hai par mere roz-e-hijr ka
hai ba-rang-e-saya-e-divar rang
ho gaya kyuun zard 'nasikh' kya kahun
hai zamane ka ajab ai yaar rang
ab ki holi mein raha be-kar rang
aur hi laya firaq-e-yar rang
surkh-ru kar de sharab aai bahaar
hai khizan se zard ai khummar rang
hont ude sabz khat aankhen siyah
chehre ka surkh-o-safed ai yar rang
hum ko sare gulshan-e-afaq mein
bas pasand aae yahi do-chaar rang
ghair se kheli hai holi yar ne
dale mujh par dida-e-khun-bar rang
kis ki holi jashn-e-nau-rozi hai aaj
surkh mai se saqiya dastar rang
hijr-e-jaanan mein thaharta hi nahin
kya hi mere munh se hai bezar rang
kya hai girgit aasman ke samne
badle ek ek dam mein sau sau bar rang
aati hai o qais laila dasht mein
khun-e-pa se jild ab pur-khar rang
dhup hai par mere roz-e-hijr ka
hai ba-rang-e-saya-e-diwar rang
ho gaya kyun zard 'nasikh' kya kahun
hai zamane ka ajab ai yar rang
ishq ki ek rangin sada par barse rang
ishq ki ik rangin sada par barse rang
rang ho majnun aur laila par barse rang
kab tak chunri par hi zulm hon rangon ke
rangreza teri bhi qaba par barse rang
khvab bharen tiri ankhen meri ankhon men
ek ghata se ek ghata par barse rang
ik satrangi khushbu odh ke nikle tu
is be-rang udaas hava par barse rang
ai devi rukhsar pe tere rang lage
jogi ki almast jata par barse rang
mere anasir khaak na hon bas rang banen
aur jangal sahra dariya par barse rang
suraj apne par jhatke aur subh ude
niind nahai is duniya par barse rang
ishq ki ek rangin sada par barse rang
rang ho majnun aur laila par barse rang
kab tak chunri par hi zulm hon rangon ke
rangreza teri bhi qaba par barse rang
khwab bharen teri aankhen meri aankhon mein
ek ghata se ek ghata par barse rang
ek satrangi khushbu odh ke nikle tu
is be-rang udas hawa par barse rang
ai dewi rukhsar pe tere rang lage
jogi ki almast jata par barse rang
mere anasir khak na hon bas rang banen
aur jangal sahra dariya par barse rang
suraj apne par jhatke aur subh ude
nind nahai is duniya par barse rang
dosto kya kya diwali mein nashat-o-aish hai
dosto kya kya divali men nashat-o-aish hai
sab muhayya hai jo is hangam ke shayan hai shai
is tarah hain kucha-o-bazar par naqsh-o-nigar
ho ayaan husn-e-nigarisatan ki jin se khuub re
garm-joshi apne ba-jam-e-charaghhan lutf se
kya hi raushan kar rahi hai har taraf roghhan ki mai
mail-e-sair-e-charaghhan khalq har ja dam-ba-dam
hasil-e-nazzara husn-e-shama-ru yaan pai-ba-pai
ashiqan kahte hain mashuqon se ba-ijz-o-niyaz
hai agar manzur kuchh lena to hazir hain rupae
gar mukarrar arz karte hain to kahte hain vo shokh
ham se lete ho miyan takrar-e-hujjat ta-ba-kai
kahte hain ahl-e-qimar aapas men garm-e-ikhtilat
ham to dab men sau ruupe rakhte hain tum rakhte ho ke
jiit ka padta hai jis ka daanv vo kahta huun main
su-e-dast-e-rast hai mere koi farkhanda-pai
hai dasahre men bhi yuun gar farhat-o-zinat 'nazir'
par divali bhi ajab pakiza-tar tyauhar hai
dosto kya kya diwali mein nashat-o-aish hai
sab muhayya hai jo is hangam ke shayan hai shai
is tarah hain kucha-o-bazar par naqsh-o-nigar
ho ayan husn-e-nigarisatan ki jin se khub re
garm-joshi apne ba-jam-e-charaghan lutf se
kya hi raushan kar rahi hai har taraf roghan ki mai
mail-e-sair-e-charaghan khalq har ja dam-ba-dam
hasil-e-nazzara husn-e-shama-ru yan pai-ba-pai
aashiqan kahte hain mashuqon se ba-ijz-o-niyaz
hai agar manzur kuchh lena to hazir hain rupae
gar mukarrar arz karte hain to kahte hain wo shokh
hum se lete ho miyan takrar-e-hujjat ta-ba-kai
kahte hain ahl-e-qimar aapas mein garm-e-ikhtilat
hum to dab mein sau rupe rakhte hain tum rakhte ho ke
jit ka padta hai jis ka danw wo kahta hun main
su-e-dast-e-rast hai mere koi farkhanda-pai
hai dasahre mein bhi yun gar farhat-o-zinat 'nazir'
par diwali bhi ajab pakiza-tar tyauhaar hai
muskurao ki eid ho jae
muskurao ki eid ho jaae
gungunao ke eid ho jaae
apne chhote badon ki sab ghhalati
bhuul jaao ki eid ho jaae
be-dili se na yuun gale se lago
dil milao ki eid ho jaae
gar tumhen koi apna kah de to
maan jaao ki eid ho jaae
ja ke apne badon ke qadmon men
sar jhukao ki eid ho jaae
yuun to ghar men tamam mehman hain
aap aao ki eid ho jaae
muskurao ki eid ho jae
gungunao ke eid ho jae
apne chhote badon ki sab ghalati
bhul jao ki eid ho jae
be-dili se na yun gale se lago
dil milao ki eid ho jae
gar tumhein koi apna kah de to
man jao ki eid ho jae
ja ke apne badon ke qadmon mein
sar jhukao ki eid ho jae
yun to ghar mein tamam mehman hain
aap aao ki eid ho jae
koi pari ho agar ham-kanar holi mein
koi pari ho agar ham-kanar holi men
to ab ki saal ho duuni bahar holi men
kiya hai vaada to phir bazm-e-raqs men aana
na kijiyo mujhe tum sharmsar holi men
safed pairahan ab to utaar de allah
basanti kapde hon ai gul-ezar holi men
hamare ghar men utarenge raah agar bhule
hain mast doli ke un ke kahar holi men
mujhe jo qumquma maara to kar diya bismil
ajiib rang se khele shikar holi men
ye rang paash hue hain vo aaj ai 'nadir'
hai farsh-e-bazm-e-tarab lala-zar holi men
koi pari ho agar ham-kanar holi mein
to ab ki sal ho duni bahaar holi mein
kiya hai wada to phir bazm-e-raqs mein aana
na kijiyo mujhe tum sharmsar holi mein
safed pairahan ab to utar de allah
basanti kapde hon ai gul-ezar holi mein
hamare ghar mein utarenge rah agar bhule
hain mast doli ke un ke kahaar holi mein
mujhe jo qumquma mara to kar diya bismil
ajib rang se khele shikar holi mein
ye rang pash hue hain wo aaj ai 'nadir'
hai farsh-e-bazm-e-tarab lala-zar holi mein
laga ke aai thi sautan khizab id ke din
laga ke aai thi sautan khizab 'iid ke din
mui pe tuut pada tha shabab 'iid ke din
udhar vo husn men tha intikhab 'iid ke din
idhar na tha koi mera javab 'iid ke din
vo chand raat ko mujh se bigad ke chalte bane
bikhar ke rah gae rangin khvab 'iid ke din
main kya bataun ki kya hashr kar raha tha bapa
nigodi saut ka uthta shabab 'iid ke din
vo ab bhi mere dupatte ki tah men rakkha hai
jo us ne pesh kiya tha gulab 'iid ke din
laga ke aai thi sautan khizab 'id ke din
mui pe tut pada tha shabab 'id ke din
udhar wo husn mein tha intikhab 'id ke din
idhar na tha koi mera jawab 'id ke din
wo chand raat ko mujh se bigad ke chalte bane
bikhar ke rah gae rangin khwab 'id ke din
main kya bataun ki kya hashr kar raha tha bapa
nigodi saut ka uthta shabab 'id ke din
wo ab bhi mere dupatte ki tah mein rakkha hai
jo us ne pesh kiya tha gulab 'id ke din
bitha rakkha hai darwaze pe kyon darban holi mein
bitha rakkha hai darvaze pe kyon darban holi men
gale milta hai har insan se insan holi men
budhape men nazar aai khuda ki shaan holi men
bani hain un se zaaid un ki amman jaan holi men
hasinon se bhara hai rang ka maidan holi men
miri rakhna tu hi ab aabru bhagvan holi men
kisi rukh se koi ashiq nikal kar ja nahin sakta
hasinon ne laga rakkha hai chuhe-dan holi men
abhi rangin khali tan hai man bhi laal ho jaae
tum apne haath se ham ko khila do paan holi men
ba-nam-e-rang chhu sakte hain sab ke gore galon ko
vahi mushkil jo kal tak thi vo hai asan holi men
sasur se saas se aur saliyon ke baad salon se
gale mil kar nikale jaenge arman holi men
javani men hui shadi budhape men hua bachcha
jua khela divali men hua chalan holi men
sab is surat se khelen rang 'navak' ek dil ho kar
rahe phir mard aurat ki na kuchh pahchan holi men
bitha rakkha hai darwaze pe kyon darban holi mein
gale milta hai har insan se insan holi mein
budhape mein nazar aai khuda ki shan holi mein
bani hain un se zaid un ki amman jaan holi mein
hasinon se bhara hai rang ka maidan holi mein
meri rakhna tu hi ab aabru bhagwan holi mein
kisi rukh se koi aashiq nikal kar ja nahin sakta
hasinon ne laga rakkha hai chuhe-dan holi mein
abhi rangin khali tan hai man bhi lal ho jae
tum apne hath se hum ko khila do pan holi mein
ba-nam-e-rang chhu sakte hain sab ke gore galon ko
wahi mushkil jo kal tak thi wo hai aasan holi mein
sasur se sas se aur saliyon ke baad salon se
gale mil kar nikale jaenge arman holi mein
jawani mein hui shadi budhape mein hua bachcha
jua khela diwali mein hua chaalan holi mein
sab is surat se khelen rang 'nawak' ek dil ho kar
rahe phir mard aurat ki na kuchh pahchan holi mein
~ Navak Lakhnavi
saqi hai na mai hai na daf-o-chang hai holi
saaqi hai na mai hai na daf-o-chang hai holi
kya haal hai imsal ye kya rang hai holi
aai hai jo furqat men mira khuun karegi
ye bhi tire aane ka koi dhang hai holi
ham khaak udate hain dholendi hai yahan par
ham tak nahin aati kabhi kya lang hai holi
sau baar jalata huun main ik aah se dam men
aa kar mire virane men kya tang hai holi
nikla mah-e-nakhshab ki gira chaah men yusuf
ya hauz ke andar mah-e-gul-rang hai holi
pichkari agar khama hai to rang siyahi
rangini-e-mazmun se mire dang hai holi
har but evaz-e-qumquma dil maang raha hai
is saal ki vallah ki be-rang hai holi
ai 'mehr' tire gird hain mah-ru kiye tasvir
fanus-e-khayali hai ki arzhang hai holi
saqi hai na mai hai na daf-o-chang hai holi
kya haal hai imsal ye kya rang hai holi
aai hai jo furqat mein mera khun karegi
ye bhi tere aane ka koi dhang hai holi
hum khak udate hain dholendi hai yahan par
hum tak nahin aati kabhi kya lang hai holi
sau bar jalata hun main ek aah se dam mein
aa kar mere virane mein kya tang hai holi
nikla mah-e-nakhshab ki gira chah mein yusuf
ya hauz ke andar mah-e-gul-rang hai holi
pichkari agar khama hai to rang siyahi
rangini-e-mazmun se mere dang hai holi
har but ewaz-e-qumquma dil mang raha hai
is sal ki wallah ki be-rang hai holi
ai 'mehr' tere gird hain mah-ru kiye taswir
fanus-e-khayali hai ki arzhang hai holi
duniya tamam lut rahi hai bahaar-e-id
duniya tamam luut rahi hai bahar-e-id
lekin hamen to aaj bhi hai intizar-e-eid
har zarra ashk-bar hai maazi ki yaad men
hai iid bhi baja-e-khud ik yadgar-e-id
ham asman pe chand ka nazzara kya karen
abru ko un ke dekhen to ho e'tibar-e-id
ab ke siyah-khane men baithe guzar di
allah ham ko yaad rahegi bahar-e-id
hai ghar ka ek gosha main huun yad-e-yar hai
har daghh-e-dil bana hai charaghh-e-mazar-e-id
'saib' gale ka haar hui ab ke muflisi
kuchh kam nahin khizan-e-alam se bahar-e-id
duniya tamam lut rahi hai bahaar-e-id
lekin hamein to aaj bhi hai intizar-e-eid
har zarra ashk-bar hai mazi ki yaad mein
hai id bhi baja-e-khud ek yaadgar-e-id
hum aasman pe chand ka nazzara kya karen
abru ko un ke dekhen to ho e'tibar-e-id
ab ke siyah-khane mein baithe guzar di
allah hum ko yaad rahegi bahaar-e-id
hai ghar ka ek gosha main hun yaad-e-yar hai
har dagh-e-dil bana hai charagh-e-mazar-e-id
'saib' gale ka haar hui ab ke muflisi
kuchh kam nahin khizan-e-alam se bahaar-e-id
jaan-e-jaan kahoge nan ashk ponchh loge nan eid par miloge nan
jan-e-jan kahoge naan ashk ponchh loge naan eid par miloge naan
in udaas ankhon men khvab tum bharoge naan eid par miloge naan
vaqt kis tarah guzra chand kis tarah utra furqaton ke mausam men
in sabhi savalon ke tum javab doge naan eid par miloge naan
fasle jo aae hain kitne ghham uthae hain ghhair muskurae hain
haath thaam kar mere sab gile sunoge naan eid par miloge naan
dil men vahm palta hai jaise khvab jalta hai dil kahan sanbhalta hai
jaan yaqin dilao tum mere hi rahoge naan eid par miloge naan
tanha chand se mujh ko be-baha mohabbat hai haan milan ki hasrat hai
chand-rat ko 'nayyar' chand tum banoge naan eid par miloge naan
jaan-e-jaan kahoge nan ashk ponchh loge nan eid par miloge nan
in udas aankhon mein khwab tum bharoge nan eid par miloge nan
waqt kis tarah guzra chand kis tarah utra furqaton ke mausam mein
in sabhi sawalon ke tum jawab doge nan eid par miloge nan
fasle jo aae hain kitne gham uthae hain ghair muskurae hain
hath tham kar mere sab gile sunoge nan eid par miloge nan
dil mein wahm palta hai jaise khwab jalta hai dil kahan sanbhalta hai
jaan yaqin dilao tum mere hi rahoge nan eid par miloge nan
tanha chand se mujh ko be-baha mohabbat hai han milan ki hasrat hai
chand-raat ko 'nayyar' chand tum banoge nan eid par miloge nan
chaman pe apne bhi aaj rang-e-bahaar hota to id hoti
chaman pe apne bhi aaj rang-e-bahar hota to 'iid hoti
gulon pe thoda hamen bhi gar ikhtiyar hota to 'iid hoti
nisar-e-jan husn par koi jan-nisar hota to 'iid hoti
ghhazal ankhon men halka halka khumar hota to 'iid hoti
khushi men lipte hue hain matam hui hai ab 'iid bhi moharram
tadap rahe hain hazar-ha ghham qarar hota to 'iid hoti
ye kisht-e-be-ab qatre qatre ko dekh kab se taras rahi hai
zamin-e-dil par falak zara ashk-bar hota to 'iid hoti
na yuun sisaktin chaman men kaliyan na yuun dahaktin vatan men galiyan
hamare kahne men shahr aur shahryar hota to 'iid hoti
ravish-ravish atish-e-havadis qadam-qadam maut pal rahi hai
chaman ka mausam na itna na-khushgavar hota to 'iid hoti
gulon pe taaza lahu ke chhinte dilon ki dhadkan badha rahe hain
jo tere va'de pe baghhban e'tibar hota to 'iid hoti
agar na hijrat ka karb hota to ham bhi apnon men chahchahate
vatan men bazmi tira ghharib-ud-dayar hota to 'iid hoti
chaman pe apne bhi aaj rang-e-bahaar hota to 'id hoti
gulon pe thoda hamein bhi gar ikhtiyar hota to 'id hoti
nisar-e-jaan husn par koi jaan-nisar hota to 'id hoti
ghazal aankhon mein halka halka khumar hota to 'id hoti
khushi mein lipte hue hain matam hui hai ab 'id bhi moharram
tadap rahe hain hazar-ha gham qarar hota to 'id hoti
ye kisht-e-be-ab qatre qatre ko dekh kab se taras rahi hai
zamin-e-dil par falak zara ashk-bar hota to 'id hoti
na yun sisaktin chaman mein kaliyan na yun dahaktin watan mein galiyan
hamare kahne mein shahr aur shahryar hota to 'id hoti
rawish-rawish aatish-e-hawadis qadam-qadam maut pal rahi hai
chaman ka mausam na itna na-khushgawar hota to 'id hoti
gulon pe taza lahu ke chhinte dilon ki dhadkan badha rahe hain
jo tere wa'de pe baghban e'tibar hota to 'id hoti
agar na hijrat ka karb hota to hum bhi apnon mein chahchahate
watan mein bazmi tera gharib-ud-dayar hota to 'id hoti
rang laenge mere dida-e-nam id ke din
rang laenge mire dida-e-nam iid ke din
khuun rulaenge tujhe bhi ye sanam iid ke din
teri furqat men sanam teri qasam iid ke din
kuchh rulaega mujhe bhi tira ghham iid ke din
dil ki duniya men masarrat ki baharen aaen
ghar men rakh den jo mire aap qadam iid ke din
husn aur ishq ki takrar habab-e-dariya
barhami chhod ke ho jaaen baham iid ke din
ab ke bachchon ke khilaune hain na jhule mela
daman-e-dil hua jaata hai yuun nam iid ke din
paas jis ke nahin duniya ki koi chiiz ai 'shad'
us ki aahon ka khuda rakkhe bharam iid ke din
rang laenge mere dida-e-nam id ke din
khun rulaenge tujhe bhi ye sanam id ke din
teri furqat mein sanam teri qasam id ke din
kuchh rulaega mujhe bhi tera gham id ke din
dil ki duniya mein masarrat ki bahaaren aaen
ghar mein rakh den jo mere aap qadam id ke din
husn aur ishq ki takrar habab-e-dariya
barhami chhod ke ho jaen baham id ke din
ab ke bachchon ke khilaune hain na jhule mela
daman-e-dil hua jata hai yun nam id ke din
pas jis ke nahin duniya ki koi chiz ai 'shad'
us ki aahon ka khuda rakkhe bharam id ke din
milte jo rahe sab ne kaha id mubarak
milte jo rahe sab ne kaha 'iid mubarak
par us ki tha ankhon men juda 'iid mubarak
bachchon ke jo hathon pe suhani si mahak hai
hanste hue kahti hai hina 'iid mubarak
kuchh shaikh ne garmaya hai iman bhi aise
kahne lagi sho'lon se hava 'iid mubarak
kaliyan thiin javan aur haya rasm-e-gulistan
phulon ne bhi bhanvron se kaha 'iid mubarak
chamki hain ziya-bar mah-e-nau se dishaen
zarron se bhi kahti hai faza 'iid mubarak
phulon ne jo pahni thiin tabassum ki qabaen
kahne lagi khush-bu se saba 'iid mubarak
milne ka 'shahab' us ka irada to nahin tha
rasman hi mila mujh se kaha 'iid mubarak
milte jo rahe sab ne kaha 'id mubarak
par us ki tha aankhon mein juda 'id mubarak
bachchon ke jo hathon pe suhani si mahak hai
hanste hue kahti hai hina 'id mubarak
kuchh shaikh ne garmaya hai iman bhi aise
kahne lagi sho'lon se hawa 'id mubarak
kaliyan thin jawan aur haya rasm-e-gulistan
phulon ne bhi bhanwron se kaha 'id mubarak
chamki hain ziya-bar mah-e-nau se dishaen
zarron se bhi kahti hai faza 'id mubarak
phulon ne jo pahni thin tabassum ki qabaen
kahne lagi khush-bu se saba 'id mubarak
milne ka 'shahab' us ka irada to nahin tha
rasman hi mila mujh se kaha 'id mubarak
You have reached the end.