Festival

dekha hilal-e-id to tum yaad aa gae is mahwiyat mein id hamari guzar gai

ras aa jatin hamein bhi id ki khushiyan tamam kash tu bhi pas hota id ke lamhat mein

mujh ko ehsas-e-rang-o-bu na hua yun bhi aksar bahaar aai hai

khud to aaya nahin aur id chali aai hai id ke roz mujhe yun na satae koi

bahaar aai ki din holi ke aae gulon mein rang khela ja raha hai

mujh ko to id mein bhi faraghat kahan mili ladti rahi hai sas sawere se sham tak

wo rang rang ke chhinte pade ki us ke baad kabhi na phir nae kapde pahan ke nikla main

wo subh-e-id ka manzar tere tasawwur mein wo dil mein aa ke ada tere muskurane ki

bahut hi khushki mein guzri hai is baras holi gila hai tujh se ki gila nahin kiya mujh ko

shab jo holi ki hai milne ko tere mukhde se jaan chand aur tare liye phirte hain afshan hath mein

wo kudte uchhalte rangin pairahan the masum qahqahon mein udta gulal dekha

mai pi ke id kijiye guzra mah-e-siyam tasbih rakhiye saghar-o-mina uthaiye

nikle hain ghar se dekhne ko log mah-e-id aur dekhte hain abru-e-khamdar ki taraf

lab-e-dariya pe dekh aa kar tamasha aaj holi ka bhanwar kale ke daf baje hai mauj ai yar pani mein

id hai hum ne bhi jaana ki na hoti gar id mai-farosh aaj dar-e-mai-kada kyun wa karta

kya khabar hai hum se mahjuron ki un ko roz-e-id jo gale mil kar baham sarf-e-mubarakbaad hain