Judai

ab ke hum bichhde to shayad kabhi khwabon mein milen jis tarah sukhe hue phul kitabon mein milen should we now be parted, in dreams we might be found like dried flowers found in books, fragile, fraying browned

hua hai tujh se bichhadne ke ba'd ye ma'lum ki tu nahin tha tere sath ek duniya thi

kis kis ko bataenge judai ka sabab hum tu mujh se khafa hai to zamane ke liye aa

aap ke ba'd har ghadi hum ne aap ke sath hi guzari hai

ab judai ke safar ko mere aasan karo tum mujhe khwab mein aa kar na pareshan karo

wo aa rahe hain wo aate hain aa rahe honge shab-e-firaq ye kah kar guzar di hum ne

tum se bichhad kar zinda hain jaan bahut sharminda hain

milna tha ittifaq bichhadna nasib tha wo utni dur ho gaya jitna qarib tha

us ko juda hue bhi zamana bahut hua ab kya kahen ye qissa purana bahut hua

aai hogi kisi ko hijr mein maut mujh ko to nind bhi nahin aati

kuchh khabar hai tujhe o chain se sone wale raat bhar kaun teri yaad mein bedar raha

naya ek rishta paida kyun karen hum bichhadna hai to jhagda kyun karen hum

badan mein jaise lahu taziyana ho gaya hai use gale se lagae zamana ho gaya hai

kitni lambi khamoshi se guzra hun un se kitna kuchh kahne ki koshish ki

us ko rukhsat to kiya tha mujhe malum na tha sara ghar le gaya ghar chhod ke jaane wala

judaiyon ke zakhm dard-e-zindagi ne bhar diye tujhe bhi nind aa gai mujhe bhi sabr aa gaya

guzar to jaegi tere baghair bhi lekin bahut udas bahut be-qarar guzregi

jis ki aankhon mein kati thin sadiyan us ne sadiyon ki judai di hai

yun lage dost tera mujh se khafa ho jaana jis tarah phul se khushbu ka juda ho jaana

rote phirte hain sari sari raat ab yahi rozgar hai apna the speaker’s sorrow has become so constant that it fills the entire night, leaving no room for rest or relief. calling weeping a “livelihood” is a bitter metaphor: grief has turned into routine, almost like a profession. the couplet captures exhaustion, loneliness, and a resigned acceptance of pain as the new normal.

wo tutte hue rishton ka husn-e-akhir tha ki chup si lag gai donon ko baat karte hue

aa ki tujh bin is tarah ai dost ghabraata hun main jaise har shai mein kisi shai ki kami pata hun main

main ne samjha tha ki laut aate hain jaane wale tu ne ja kar to judai meri qismat kar di

is qadar musalsal thin shiddaten judai ki aaj pahli bar us se main ne bewafai ki

thi wasl mein bhi fikr-e-judai tamam shab wo aae to bhi nind na aai tamam shab the couplet shows how love’s fear can survive even its fulfillment: union does not erase the dread of parting. the lover’s mind keeps anticipating loss, so peace never arrives. that anxious expectation becomes so strong that even the beloved’s presence cannot bring sleep.

ye thik hai nahin marta koi judai mein khuda kisi ko kisi se magar juda na kare

mujh se bichhad ke tu bhi to roega umr bhar ye soch le ki main bhi teri khwahishon mein hun

talaq de to rahe ho itab-o-qahr ke sath mera shabab bhi lauta do meri mahr ke sath

mahine wasl ke ghadiyon ki surat udte jate hain magar ghadiyan judai ki guzarti hain mahinon mein the couplet contrasts how love changes our sense of time: closeness makes time seem to fly, while distance makes it drag. “months” and “hours” are metaphors for emotional weight, not clocks. the core feeling is longing—joy compresses time, but pain stretches it.

har mulaqat ka anjam judai kyun hai ab to har waqt yahi baat satati hai hamein