Poetry Collection

Judai

Some excellent judai shayari in urdu shayari are enlisted to serve as your ally in the difficult times. The pain or inevitability of separation weighs heavy even on the strongest minds.

Total

Sher

Ghazal

Nazm

All Sher 50 Ghazal 43 Nazm 0

Featured Picks

Is collection se writer-diverse top picks for quick reading.

GhazalRead Full

ranjish hi sahi dil hi dukhane ke liye aa

ranjish hi sahi dil hi dukhane ke liye aa aa phir se mujhe chhod ke jaane ke liye aa even if you are annoyed come just to give me pain come even if you have to then leave me yet again kuchh to mire pindar-e-mohabbat ka bharam rakh tu bhi to kabhi mujh ko manane ke liye aa the notion of my love's self-pride please do pacify you should surely come one day and try to mollify pahle se marasim na sahi phir bhi kabhi to rasm-o-rah-e-duniya hi nibhane ke liye aa even tho no longer close we are as used to be come even if it's purely for sake of formality kis kis ko bataenge judai ka sabab ham tu mujh se khafa hai to zamane ke liye aa the reason for our parting to whom should i relate if cross with methen come and to the world narrate ik 'umr se huun lazzat-e-girya se bhi mahrum ai rahat-e-jan mujh ko rulane ke liye aa a lifetime have i missed the joy of tearful ecstasy life's comfort thus to make me cry, you should come to me ab tak dil-e-khush-fahm ko tujh se hain umiden ye akhiri sham'en bhi bujhane ke liye aa my heart is optimistic yet, its hopes are still alive come to snuff it out, let not this final flame survive ranjish hi sahi dil hi dukhane ke liye aa aa phir se mujhe chhod ke jaane ke liye aa even if you are annoyed come just to give me pain come even if you have to then leave me yet again kuchh to mere pindar-e-mohabbat ka bharam rakh tu bhi to kabhi mujh ko manane ke liye aa the notion of my love's self-pride please do pacify you should surely come one day and try to mollify pahle se marasim na sahi phir bhi kabhi to rasm-o-rah-e-duniya hi nibhane ke liye aa even tho no longer close we are as used to be come even if it's purely for sake of formality kis kis ko bataenge judai ka sabab hum tu mujh se khafa hai to zamane ke liye aa the reason for our parting to whom should i relate if cross with methen come and to the world narrate ek 'umr se hun lazzat-e-girya se bhi mahrum ai rahat-e-jaan mujh ko rulane ke liye aa a lifetime have i missed the joy of tearful ecstasy life's comfort thus to make me cry, you should come to me ab tak dil-e-khush-fahm ko tujh se hain umiden ye aakhiri sham'en bhi bujhane ke liye aa my heart is optimistic yet, its hopes are still alive come to snuff it out, let not this final flame survive

~ Ahmad Faraz

GhazalRead Full

chupke chupke raat din aansu bahana yaad hai

chupke chupke raat din aansu bahana yaad hai ham ko ab tak ashiqi ka vo zamana yaad hai ba-hazaran iztirab o sad-hazaran ishtiyaq tujh se vo pahle-pahal dil ka lagana yaad hai baar baar uthna usi janib nigah-e-shauq ka aur tira ghhurfe se vo ankhen ladana yaad hai tujh se kuchh milte hi vo bebak ho jaana mira aur tira danton men vo ungli dabana yaad hai khinch lena vo mira parde ka kona dafatan aur dupatte se tira vo munh chhupana yaad hai jaan kar sota tujhe vo qasd-e-pa-bosi mira aur tira thukra ke sar vo muskurana yaad hai tujh ko jab tanha kabhi paana to az-rah-e-lihaz hal-e-dil baton hi baton men jatana yaad hai jab siva mere tumhara koi divana na tha sach kaho kuchh tum ko bhi vo kar-khana yaad hai ghhair ki nazron se bach kar sab ki marzi ke khilaf vo tira chori-chhupe raton ko aana yaad hai aa gaya gar vasl ki shab bhi kahin zikr-e-firaq vo tira ro ro ke mujh ko bhi rulana yaad hai dopahar ki dhuup men mere bulane ke liye vo tira kothe pe nange paanv aana yaad hai aaj tak nazron men hai vo sohbat-e-raz-o-niyaz apna jaana yaad hai tera bulana yaad hai mithi mithi chhed kar baten nirali pyaar ki zikr dushman ka vo baton men udana yaad hai dekhna mujh ko jo bargashta to sau sau naaz se jab mana lena to phir khud ruuth jaana yaad hai chori chori ham se tum aa kar mile the jis jagah muddaten guzrin par ab tak vo thikana yaad hai shauq men mehndi ke vo be-dast-o-pa hona tira aur mira vo chhedna vo gudgudana yaad hai bavajud-e-iddia-e-ittiqa 'hasrat' mujhe aaj tak ahd-e-havas ka vo fasana yaad hai chupke chupke raat din aansu bahana yaad hai hum ko ab tak aashiqi ka wo zamana yaad hai ba-hazaran iztirab o sad-hazaran ishtiyaq tujh se wo pahle-pahal dil ka lagana yaad hai bar bar uthna usi jaanib nigah-e-shauq ka aur tera ghurfe se wo aankhen ladana yaad hai tujh se kuchh milte hi wo bebak ho jaana mera aur tera danton mein wo ungli dabana yaad hai khinch lena wo mera parde ka kona dafatan aur dupatte se tera wo munh chhupana yaad hai jaan kar sota tujhe wo qasd-e-pa-bosi mera aur tera thukra ke sar wo muskurana yaad hai tujh ko jab tanha kabhi pana to az-rah-e-lihaz haal-e-dil baaton hi baaton mein jatana yaad hai jab siwa mere tumhaara koi diwana na tha sach kaho kuchh tum ko bhi wo kar-khana yaad hai ghair ki nazron se bach kar sab ki marzi ke khilaf wo tera chori-chhupe raaton ko aana yaad hai aa gaya gar wasl ki shab bhi kahin zikr-e-firaq wo tera ro ro ke mujh ko bhi rulana yaad hai dopahar ki dhup mein mere bulane ke liye wo tera kothe pe nange panw aana yaad hai aaj tak nazron mein hai wo sohbat-e-raaz-o-niyaz apna jaana yaad hai tera bulana yaad hai mithi mithi chhed kar baaten nirali pyar ki zikr dushman ka wo baaton mein udana yaad hai dekhna mujh ko jo bargashta to sau sau naz se jab mana lena to phir khud ruth jaana yaad hai chori chori hum se tum aa kar mile the jis jagah muddaten guzrin par ab tak wo thikana yaad hai shauq mein mehndi ke wo be-dast-o-pa hona tera aur mera wo chhedna wo gudgudana yaad hai bawajud-e-iddia-e-ittiqa 'hasrat' mujhe aaj tak ahd-e-hawas ka wo fasana yaad hai

~ Hasrat Mohani

GhazalRead Full

ai mohabbat tere anjam pe rona aaya

ai mohabbat tire anjam pe rona aaya jaane kyuun aaj tire naam pe rona aaya love your sad conclusion makes me weep wonder why your mention makes me weep yuun to har shaam umidon men guzar jaati hai aaj kuchh baat hai jo shaam pe rona aaya every evening was, by hope, sustained this evening's desperation makes me weep kabhi taqdir ka matam kabhi duniya ka gila manzil-e-ishq men har gaam pe rona aaya lamenting fate, complaining of this life in course of love each station makes me weep mujh pe hi khatm hua silsila-e-nauhagari is qadar gardish-e-ayyam pe rona aaya the cycle of all mourning stops at me life's inconstant rotation makes me weep jab hua zikr zamane men mohabbat ka 'shakil' mujh ko apne dil-e-nakam pe rona aaya whenever talk of happiness i hear my failure and frustration makes me weep ai mohabbat tere anjam pe rona aaya jaane kyun aaj tere nam pe rona aaya love your sad conclusion makes me weep wonder why your mention makes me weep yun to har sham umidon mein guzar jati hai aaj kuchh baat hai jo sham pe rona aaya every evening was, by hope, sustained this evening's desperation makes me weep kabhi taqdir ka matam kabhi duniya ka gila manzil-e-ishq mein har gam pe rona aaya lamenting fate, complaining of this life in course of love each station makes me weep mujh pe hi khatm hua silsila-e-nauhagari is qadar gardish-e-ayyam pe rona aaya the cycle of all mourning stops at me life's inconstant rotation makes me weep jab hua zikr zamane mein mohabbat ka 'shakil' mujh ko apne dil-e-nakaam pe rona aaya whenever talk of happiness i hear my failure and frustration makes me weep

~ Shakeel Badayuni

GhazalRead Full

ranjish hi sahi dil hi dukhane ke liye aa

~ Ahmad Faraz

GhazalRead Full

chupke chupke raat din aansu bahana yaad hai

~ Hasrat Mohani

GhazalRead Full

ai mohabbat tere anjam pe rona aaya

~ Shakeel Badayuni

GhazalRead Full

dil hi to hai na sang-o-khisht dard se bhar na aae kyun

dil hi to hai na sang-o-khisht dard se bhar na aae kyuun roenge ham hazar baar koi hamen satae kyuun it's just a heart, no stony shard; why shouldn't it fill with pain i will cry a thousand times,why should someone complain? dair nahin haram nahin dar nahin astan nahin baithe hain rahguzar pe ham ghhair hamen uthae kyuun neither door nor threshold 'tis, no temple 'tis nor mosque why should rivals bid me leave? the street's public domain jab vo jamal-e-dil-faroz surat-e-mehr-e-nim-roz aap hi ho nazara-soz parde men munh chhupae kyuun when she has a lustrous face, as bright as the sun at noon a burning spectacle is she, why veiled does she remain? dashna-e-ghhamza jan-sitan navak-e-naz be-panah tera hi aks-e-rukh sahi samne tere aae kyuun dagger-like glances, arrow-like airs, fatal well could be thus even from facing you, your image should refrain qaid-e-hayat o band-e-ghham asl men donon ek hain maut se pahle aadmi ghham se najat paae kyuun prison of life and sorrow's chains in truth are just the same then relief from pain, ere death,why should man obtain husn aur us pe husn-e-zan rah gai bul-havas ki sharm apne pe e'timad hai ghhair ko azmae kyuun beauty and its self-esteem did spare my rival shame when she is self-confident, in testing him what gain? vaan vo ghhurur-e-izz-o-naz yaan ye hijab-e-pas-e-vaza' raah men ham milen kahan bazm men vo bulae kyuun she won't call me to her house, by the wayside i can't meet she is proud of name and grace, and i by form refrain haan vo nahin khuda-parast jaao vo bevafa sahi jis ko ho diin o dil aziiz us ki gali men jaae kyuun let her a non-believer be, unfaithful too, and therefore if you value faith and heart, then from her street abstain 'ghhalib'-e-khasta ke baghhair kaun se kaam band hain roiye zaar zaar kya kijiye haae haae kyuun in poor ghalib's absence say, what tasks are stopped today then why shed such copious tears, why lament in vain? dil hi to hai na sang-o-khisht dard se bhar na aae kyun roenge hum hazar bar koi hamein satae kyun it's just a heart, no stony shard; why shouldn't it fill with pain i will cry a thousand times,why should someone complain? dair nahin haram nahin dar nahin aastan nahin baithe hain rahguzar pe hum ghair hamein uthae kyun neither door nor threshold 'tis, no temple 'tis nor mosque why should rivals bid me leave? the street's public domain jab wo jamal-e-dil-faroz surat-e-mehr-e-nim-roz aap hi ho nazara-soz parde mein munh chhupae kyun when she has a lustrous face, as bright as the sun at noon a burning spectacle is she, why veiled does she remain? dashna-e-ghamza jaan-sitan nawak-e-naz be-panah tera hi aks-e-rukh sahi samne tere aae kyun dagger-like glances, arrow-like airs, fatal well could be thus even from facing you, your image should refrain qaid-e-hayat o band-e-gham asl mein donon ek hain maut se pahle aadmi gham se najat pae kyun prison of life and sorrow's chains in truth are just the same then relief from pain, ere death,why should man obtain husn aur us pe husn-e-zan rah gai bul-hawas ki sharm apne pe e'timad hai ghair ko aazmae kyun beauty and its self-esteem did spare my rival shame when she is self-confident, in testing him what gain? wan wo ghurur-e-izz-o-naz yan ye hijab-e-pas-e-waza' rah mein hum milen kahan bazm mein wo bulae kyun she won't call me to her house, by the wayside i can't meet she is proud of name and grace, and i by form refrain han wo nahin khuda-parast jao wo bewafa sahi jis ko ho din o dil aziz us ki gali mein jae kyun let her a non-believer be, unfaithful too, and therefore if you value faith and heart, then from her street abstain 'ghaalib'-e-khasta ke baghair kaun se kaam band hain roiye zar zar kya kijiye hae hae kyun in poor ghalib's absence say, what tasks are stopped today then why shed such copious tears, why lament in vain?

~ Mirza Ghalib

GhazalRead Full

khayal jis ka tha mujhe khayal mein mila mujhe

khayal jis ka tha mujhe khayal men mila mujhe saval ka javab bhi saval men mila mujhe gaya to is tarah gaya ki muddaton nahin mila mila jo phir to yuun ki vo malal men mila mujhe tamam ilm ziist ka guzishtagan se hi hua amal guzishta daur ka misal men mila mujhe nihal sabz rang men jamal jis ka hai 'munir' kisi qadim khvab ke muhal men mila mujhe khayal jis ka tha mujhe khayal mein mila mujhe sawal ka jawab bhi sawal mein mila mujhe gaya to is tarah gaya ki muddaton nahin mila mila jo phir to yun ki wo malal mein mila mujhe tamam ilm zist ka guzishtagan se hi hua amal guzishta daur ka misal mein mila mujhe nihaal sabz rang mein jamal jis ka hai 'munir' kisi qadim khwab ke muhaal mein mila mujhe

~ Muneer Niyazi

GhazalRead Full

qurbat bhi nahin dil se utar bhi nahin jata

qurbat bhi nahin dil se utar bhi nahin jaata vo shakhs koi faisla kar bhi nahin jaata ankhen hain ki khali nahin rahti hain lahu se aur zakhm-e-judai hai ki bhar bhi nahin jaata vo rahat-e-jan hai magar is dar-badari men aisa hai ki ab dhyan udhar bhi nahin jaata ham dohri aziyyat ke giraftar musafir paanv bhi hain shal shauq-e-safar bhi nahin jaata dil ko tiri chahat pe bharosa bhi bahut hai aur tujh se bichhad jaane ka dar bhi nahin jaata pagal hue jaate ho 'faraz' us se mile kya itni si khushi se koi mar bhi nahin jaata qurbat bhi nahin dil se utar bhi nahin jata wo shakhs koi faisla kar bhi nahin jata aankhen hain ki khali nahin rahti hain lahu se aur zakhm-e-judai hai ki bhar bhi nahin jata wo rahat-e-jaan hai magar is dar-badari mein aisa hai ki ab dhyan udhar bhi nahin jata hum dohri aziyyat ke giraftar musafir panw bhi hain shal shauq-e-safar bhi nahin jata dil ko teri chahat pe bharosa bhi bahut hai aur tujh se bichhad jaane ka dar bhi nahin jata pagal hue jate ho 'faraaz' us se mile kya itni si khushi se koi mar bhi nahin jata

~ Ahmad Faraz

GhazalRead Full

rukhsat hua to aankh mila kar nahin gaya

rukhsat hua to aankh mila kar nahin gaya vo kyuun gaya hai ye bhi bata kar nahin gaya vo yuun gaya ki bad-e-saba yaad aa gai ehsas tak bhi ham ko dila kar nahin gaya yuun lag raha hai jaise abhi laut aaega jaate hue charaghh bujha kar nahin gaya bas ik lakir khinch gaya darmiyan men divar raste men bana kar nahin gaya shayad vo mil hi jaae magar justuju hai shart vo apne naqsh-e-pa to mita kar nahin gaya ghar men hai aaj tak vahi khushbu basi hui lagta hai yuun ki jaise vo aa kar nahin gaya tab tak to phuul jaisi hi taaza thi us ki yaad jab tak vo pattiyon ko juda kar nahin gaya rahne diya na us ne kisi kaam ka mujhe aur khaak men bhi mujh ko mila kar nahin gaya vaisi hi be-talab hai abhi meri zindagi vo khar-o-khas men aag laga kar nahin gaya 'shahzad' ye gila hi raha us ki zaat se jaate hue vo koi gila kar nahin gaya rukhsat hua to aankh mila kar nahin gaya wo kyun gaya hai ye bhi bata kar nahin gaya wo yun gaya ki baad-e-saba yaad aa gai ehsas tak bhi hum ko dila kar nahin gaya yun lag raha hai jaise abhi laut aaega jate hue charagh bujha kar nahin gaya bas ek lakir khinch gaya darmiyan mein diwar raste mein bana kar nahin gaya shayad wo mil hi jae magar justuju hai shart wo apne naqsh-e-pa to mita kar nahin gaya ghar mein hai aaj tak wahi khushbu basi hui lagta hai yun ki jaise wo aa kar nahin gaya tab tak to phul jaisi hi taza thi us ki yaad jab tak wo pattiyon ko juda kar nahin gaya rahne diya na us ne kisi kaam ka mujhe aur khak mein bhi mujh ko mila kar nahin gaya waisi hi be-talab hai abhi meri zindagi wo khar-o-khas mein aag laga kar nahin gaya 'shahzad' ye gila hi raha us ki zat se jate hue wo koi gila kar nahin gaya

~ Shahzad Ahmad

GhazalRead Full

kamal-e-zabt ko khud bhi to aazmaungi

kamal-e-zabt ko khud bhi to azmaungi main apne haath se us ki dulhan sajaungi supurd kar ke use chandni ke hathon men main apne ghar ke andheron ko laut aungi badan ke karb ko vo bhi samajh na paega main dil men roungi ankhon men muskuraungi vo kya gaya ki rifaqat ke saare lutf gae main kis se ruuth sakungi kise manaungi ab us ka fan to kisi aur se hua mansub main kis ki nazm akele men gungunaungi vo ek rishta-e-benam bhi nahin lekin main ab bhi us ke isharon pe sar jhukaungi bichha diya tha gulabon ke saath apna vajud vo so ke utthe to khvabon ki raakh uthaungi samaaton men ghane jangalon ki sansen hain main ab kabhi tiri avaz sun na paungi javaz dhund raha tha nai mohabbat ka vo kah raha tha ki main us ko bhuul jaungi kamal-e-zabt ko khud bhi to aazmaungi main apne hath se us ki dulhan sajaungi supurd kar ke use chandni ke hathon mein main apne ghar ke andheron ko laut aaungi badan ke karb ko wo bhi samajh na paega main dil mein roungi aankhon mein muskuraungi wo kya gaya ki rifaqat ke sare lutf gae main kis se ruth sakungi kise manaungi ab us ka fan to kisi aur se hua mansub main kis ki nazm akele mein gungunaungi wo ek rishta-e-benam bhi nahin lekin main ab bhi us ke ishaaron pe sar jhukaungi bichha diya tha gulabon ke sath apna wajud wo so ke utthe to khwabon ki rakh uthaungi samaaton mein ghane jangalon ki sansen hain main ab kabhi teri aawaz sun na paungi jawaz dhund raha tha nai mohabbat ka wo kah raha tha ki main us ko bhul jaungi

~ Parveen Shakir

GhazalRead Full

jab tera hukm mila tark mohabbat kar di

jab tira hukm mila tark mohabbat kar di dil magar is pe vo dhadka ki qayamat kar di tujh se kis tarah main izhar-e-tamanna karta lafz sujha to muani ne baghhavat kar di main to samjha tha ki laut aate hain jaane vaale tu ne ja kar to judai miri qismat kar di tujh ko puuja hai ki asnam-parasti ki hai main ne vahdat ke mafahim ki kasrat kar di mujh ko dushman ke iradon pe bhi pyaar aata hai tiri ulfat ne mohabbat miri aadat kar di puchh baitha huun main tujh se tire kuche ka pata tere halat ne kaisi tiri surat kar di kya tira jism tire husn ki hiddat men jala raakh kis ne tiri sone ki si rangat kar di jab tera hukm mila tark mohabbat kar di dil magar is pe wo dhadka ki qayamat kar di tujh se kis tarah main izhaar-e-tamanna karta lafz sujha to muani ne baghawat kar di main to samjha tha ki laut aate hain jaane wale tu ne ja kar to judai meri qismat kar di tujh ko puja hai ki asnam-parasti ki hai main ne wahdat ke mafahim ki kasrat kar di mujh ko dushman ke iradon pe bhi pyar aata hai teri ulfat ne mohabbat meri aadat kar di puchh baitha hun main tujh se tere kuche ka pata tere haalat ne kaisi teri surat kar di kya tera jism tere husn ki hiddat mein jala rakh kis ne teri sone ki si rangat kar di

~ Ahmad Nadeem Qasmi

GhazalRead Full

ab khushi hai na koi dard rulane wala

ab khushi hai na koi dard rulane vaala ham ne apna liya har rang zamane vaala ek be-chehra si ummid hai chehra chehra jis taraf dekhiye aane ko hai aane vaala us ko rukhsat to kiya tha mujhe maalum na tha saara ghar le gaya ghar chhod ke jaane vaala duur ke chand ko dhundo na kisi anchal men ye ujala nahin angan men samane vaala ik musafir ke safar jaisi hai sab ki duniya koi jaldi men koi der se jaane vaala ab khushi hai na koi dard rulane wala hum ne apna liya har rang zamane wala ek be-chehra si ummid hai chehra chehra jis taraf dekhiye aane ko hai aane wala us ko rukhsat to kiya tha mujhe malum na tha sara ghar le gaya ghar chhod ke jaane wala dur ke chand ko dhundo na kisi aanchal mein ye ujala nahin aangan mein samane wala ek musafir ke safar jaisi hai sab ki duniya koi jaldi mein koi der se jaane wala

~ Nida Fazli

GhazalRead Full

samundar mein utarta hun to aankhen bhig jati hain

samundar men utarta huun to ankhen bhiig jaati hain tiri ankhon ko padhta huun to ankhen bhiig jaati hain tumhara naam likhne ki ijazat chhin gai jab se koi bhi lafz likhta huun to ankhen bhiig jaati hain tiri yadon ki khushbu khidkiyon men raqs karti hai tire ghham men sulagta huun to ankhen bhiig jaati hain na jaane ho gaya huun is qadar hassas main kab se kisi se baat karta huun to ankhen bhiig jaati hain main saara din bahut masruf rahta huun magar junhi qadam chaukhat pe rakhta huun to ankhen bhiig jaati hain har ik muflis ke mathe par alam ki dastanen hain koi chehra bhi padhta huun to ankhen bhiig jaati hain bade logon ke unche bad-numa aur sard mahlon ko ghharib ankhon se takta huun to ankhen bhiig jaati hain tire kuche se ab mera ta'alluq vajibi sa hai magar jab bhi guzarta huun to ankhen bhiig jaati hain hazaron mausamon ki hukmarani hai mire dil par 'vasi' main jab bhi hansta huun to ankhen bhiig jaati hain samundar mein utarta hun to aankhen bhig jati hain teri aankhon ko padhta hun to aankhen bhig jati hain tumhaara nam likhne ki ijazat chhin gai jab se koi bhi lafz likhta hun to aankhen bhig jati hain teri yaadon ki khushbu khidkiyon mein raqs karti hai tere gham mein sulagta hun to aankhen bhig jati hain na jaane ho gaya hun is qadar hassas main kab se kisi se baat karta hun to aankhen bhig jati hain main sara din bahut masruf rahta hun magar junhi qadam chaukhat pe rakhta hun to aankhen bhig jati hain har ek muflis ke mathe par alam ki dastanen hain koi chehra bhi padhta hun to aankhen bhig jati hain bade logon ke unche bad-numa aur sard mahlon ko gharib aankhon se takta hun to aankhen bhig jati hain tere kuche se ab mera ta'alluq wajibi sa hai magar jab bhi guzarta hun to aankhen bhig jati hain hazaron mausamon ki hukmarani hai mere dil par 'wasi' main jab bhi hansta hun to aankhen bhig jati hain

~ Wasi Shah

GhazalRead Full

is qadar musalsal thin shiddaten judai ki

is qadar musalsal thiin shiddaten judai ki aaj pahli baar us se main ne bevafai ki varna ab talak yuun tha khvahishon ki barish men ya to tuut kar roya ya ghhazal-sarai ki taj diya tha kal jin ko ham ne teri chahat men aaj un se majburan taaza ashnai ki ho chala tha jab mujh ko ikhtilaf apne se tu ne kis ghadi zalim meri ham-navai ki tark kar chuke qasid ku-e-na-muradan ko kaun ab khabar laave shahr-e-ashnai ki tanz o taana o tohmat sab hunar hain naseh ke aap se koi puchhe ham ne kya burai ki phir qafas men shor uttha qaidiyon ka aur sayyad dekhna uda dega phir khabar rihai ki dukh hua jab us dar par kal 'faraz' ko dekha laakh aib the us men khu na thi gadai ki is qadar musalsal thin shiddaten judai ki aaj pahli bar us se main ne bewafai ki warna ab talak yun tha khwahishon ki barish mein ya to tut kar roya ya ghazal-sarai ki taj diya tha kal jin ko hum ne teri chahat mein aaj un se majburan taza aashnai ki ho chala tha jab mujh ko ikhtilaf apne se tu ne kis ghadi zalim meri ham-nawai ki tark kar chuke qasid ku-e-na-muradan ko kaun ab khabar lawe shahr-e-ashnai ki tanz o tana o tohmat sab hunar hain naseh ke aap se koi puchhe hum ne kya burai ki phir qafas mein shor uttha qaidiyon ka aur sayyaad dekhna uda dega phir khabar rihai ki dukh hua jab us dar par kal 'faraaz' ko dekha lakh aib the us mein khu na thi gadai ki

~ Ahmad Faraz

GhazalRead Full

rasta bhi kathin dhup mein shiddat bhi bahut thi

rasta bhi kathin dhuup men shiddat bhi bahut thi saae se magar us ko mohabbat bhi bahut thi kheme na koi mere musafir ke jalae zakhmi tha bahut paanv masafat bhi bahut thi sab dost mire muntazir-e-parda-e-shab the din men to safar karne men diqqat bhi bahut thi barish ki duaon men nami aankh ki mil jaae jazbe ki kabhi itni rifaqat bhi bahut thi kuchh to tire mausam hi mujhe raas kam aae aur kuchh miri mitti men baghhavat bhi bahut thi phulon ka bikharna to muqaddar hi tha lekin kuchh is men havaon ki siyasat bhi bahut thi vo bhi sar-e-maqtal hai ki sach jis ka tha shahid aur vaqif-e-ahval-e-adalat bhi bahut thi is tark-e-rifaqat pe pareshan to huun lekin ab tak ke tire saath pe hairat bhi bahut thi khush aae tujhe shahr-e-munafiq ki amiri ham logon ko sach kahne ki aadat bhi bahut thi rasta bhi kathin dhup mein shiddat bhi bahut thi sae se magar us ko mohabbat bhi bahut thi kheme na koi mere musafir ke jalae zakhmi tha bahut panw masafat bhi bahut thi sab dost mere muntazir-e-parda-e-shab the din mein to safar karne mein diqqat bhi bahut thi barish ki duaon mein nami aankh ki mil jae jazbe ki kabhi itni rifaqat bhi bahut thi kuchh to tere mausam hi mujhe ras kam aae aur kuchh meri mitti mein baghawat bhi bahut thi phulon ka bikharna to muqaddar hi tha lekin kuchh is mein hawaon ki siyasat bhi bahut thi wo bhi sar-e-maqtal hai ki sach jis ka tha shahid aur waqif-e-ahwal-e-adalat bhi bahut thi is tark-e-rifaqat pe pareshan to hun lekin ab tak ke tere sath pe hairat bhi bahut thi khush aae tujhe shahr-e-munafiq ki amiri hum logon ko sach kahne ki aadat bhi bahut thi

~ Parveen Shakir

GhazalRead Full

meri tanhai badhate hain chale jate hain

meri tanhai badhate hain chale jaate hain hans talab pe aate hain chale jaate hain is liye ab main kisi ko nahin jaane deta jo mujhe chhod ke jaate hain chale jaate hain meri ankhon se baha karti hai un ki khushbu raftagan khvab men aate hain chale jaate hain shadi-e-marg ka mahaul bana rahta hai aap aate hain rulate hain chale jaate hain kab tumhen ishq pe majbur kiya hai ham ne ham to bas yaad dilate hain chale jaate hain aap ko kaun tamashai samajhta hai yahan aap to aag lagate hain chale jaate hain haath patthar ko badhaun to sagan-e-duniya hairati ban ke dikhate hain chale jaate hain meri tanhai badhate hain chale jate hain hans talab pe aate hain chale jate hain is liye ab main kisi ko nahin jaane deta jo mujhe chhod ke jate hain chale jate hain meri aankhon se baha karti hai un ki khushbu raftagan khwab mein aate hain chale jate hain shadi-e-marg ka mahaul bana rahta hai aap aate hain rulate hain chale jate hain kab tumhein ishq pe majbur kiya hai hum ne hum to bas yaad dilate hain chale jate hain aap ko kaun tamashai samajhta hai yahan aap to aag lagate hain chale jate hain hath patthar ko badhaun to sagan-e-duniya hairati ban ke dikhate hain chale jate hain

~ Abbas Tabish

GhazalRead Full

barbaad-e-mohabbat ki dua sath liye ja

barbad-e-mohabbat ki dua saath liye ja tuuta hua iqrar-e-vafa saath liye ja ik dil tha jo pahle hi tujhe saunp diya tha ye jaan bhi ai jan-e-ada saath liye ja tapti hui rahon se tujhe aanch na pahunche divanon ke ashkon ki ghata saath liye ja shamil hai mira khun-e-jigar teri hina men ye kam ho to ab khun-e-vafa saath liye ja ham jurm-e-mohabbat ki saza paenge tanha jo tujh se hui ho vo khata saath liye ja barbaad-e-mohabbat ki dua sath liye ja tuta hua iqrar-e-wafa sath liye ja ek dil tha jo pahle hi tujhe saunp diya tha ye jaan bhi ai jaan-e-ada sath liye ja tapti hui rahon se tujhe aanch na pahunche diwanon ke ashkon ki ghata sath liye ja shamil hai mera khun-e-jigar teri hina mein ye kam ho to ab khun-e-wafa sath liye ja hum jurm-e-mohabbat ki saza paenge tanha jo tujh se hui ho wo khata sath liye ja

~ Sahir Ludhianvi

GhazalRead Full

jao qarar-e-be-dilan sham-ba-khair shab-ba-khair

jaao qarar-e-be-dilan sham-ba-khair shab-ba-khair sahn hua dhuan dhuan sham-ba-khair shab-ba-khair sham-e-visal hai qarib subh-e-kamal hai qarib phir na rahenge sargiran sham-ba-khair shab-ba-khair vajd karegi zindagi jism-ba-jism jan-ba-jan jism-ba-jism jan-ba-jan sham-ba-khair shab-ba-khair ai mire shauq ki umang mere shabab ki tarang tujh pe shafaq ka saeban sham-ba-khair shab-ba-khair tu miri shaeri men hai rang-e-taraz o gul-fishan teri bahar be-khizan sham-ba-khair shab-ba-khair tera khayal khvab khvab khalvat-e-jan ki ab-o-tab jism-e-jamil-e-o-naujavan sham-ba-khair shab-ba-khair hai mira nam-e-arjumand tera hisar-e-sar-buland bano-e-shahr-e-jism-o-jan sham-ba-khair shab-ba-khair diid se jan-e-did tak dil se rukh-e-umid tak koi nahin hai darmiyan sham-ba-khair shab-ba-khair ho gai der jaao tum mujh ko gale lagao tum tu miri jaan hai meri jaan sham-ba-khair shab-ba-khair sham-ba-khair shab-ba-khair mauj-e-shamim-e-pairahan teri mahak rahegi yaan sham-ba-khair shab-ba-khair jao qarar-e-be-dilan sham-ba-khair shab-ba-khair sahn hua dhuan dhuan sham-ba-khair shab-ba-khair sham-e-visal hai qarib subh-e-kamal hai qarib phir na rahenge sargiran sham-ba-khair shab-ba-khair wajd karegi zindagi jism-ba-jism jaan-ba-jaan jism-ba-jism jaan-ba-jaan sham-ba-khair shab-ba-khair ai mere shauq ki umang mere shabab ki tarang tujh pe shafaq ka saeban sham-ba-khair shab-ba-khair tu meri shaeri mein hai rang-e-taraaz o gul-fishan teri bahaar be-khizan sham-ba-khair shab-ba-khair tera khayal khwab khwab khalwat-e-jaan ki aab-o-tab jism-e-jamil-e-o-naujawan sham-ba-khair shab-ba-khair hai mera nam-e-arjumand tera hisar-e-sar-buland bano-e-shahr-e-jism-o-jaan sham-ba-khair shab-ba-khair did se jaan-e-did tak dil se rukh-e-umid tak koi nahin hai darmiyan sham-ba-khair shab-ba-khair ho gai der jao tum mujh ko gale lagao tum tu meri jaan hai meri jaan sham-ba-khair shab-ba-khair sham-ba-khair shab-ba-khair mauj-e-shamim-e-pairahan teri mahak rahegi yan sham-ba-khair shab-ba-khair

~ Jaun Eliya

GhazalRead Full

socha hai ki ab kar-e-masiha na karenge

socha hai ki ab kar-e-masiha na karenge vo khuun bhi thukega to parva na karenge is baar vo talkhi hai ki ruthe bhi nahin ham ab ke vo ladai hai ki jhagda na karenge yaan us ke saliqe ke hain asar to kya ham is par bhi ye kamra tah-o-bala na karenge ab naghhma-tarazan-e-bar-afrokhta ai shahr vasokht kahenge ghhazal insha na karenge aisa hai ki siine men sulagti hain kharashen ab saans bhi ham lenge to achchha na karenge socha hai ki ab kar-e-masiha na karenge wo khun bhi thukega to parwa na karenge is bar wo talkhi hai ki ruthe bhi nahin hum ab ke wo ladai hai ki jhagda na karenge yan us ke saliqe ke hain aasar to kya hum is par bhi ye kamra tah-o-baala na karenge ab naghma-taraazan-e-bar-afrokhta ai shahr wasokht kahenge ghazal insha na karenge aisa hai ki sine mein sulagti hain kharashen ab sans bhi hum lenge to achchha na karenge

~ Jaun Eliya

GhazalRead Full

ek pal mein zindagi bhar ki udasi de gaya

ek pal men zindagi bhar ki udasi de gaya vo juda hote hue kuchh phuul baasi de gaya noch kar shakhon ke tan se khushk patton ka libas zard mausam banjh-rut ko be-libasi de gaya subh ke taare miri pahli dua tere liye tu dil-e-be-sabr ko taskin zara si de gaya log malbon men dabe saae bhi dafnane lage zalzala ahl-e-zamin ko bad-havasi de gaya tund jhonke ki ragon men ghol kar apna dhuan ik diya andhi hava ko khud-shanasi de gaya le gaya 'mohsin' vo mujh se abr banta asman us ke badle men zamin sadiyon ki pyasi de gaya ek pal mein zindagi bhar ki udasi de gaya wo juda hote hue kuchh phul basi de gaya noch kar shakhon ke tan se khushk patton ka libas zard mausam banjh-rut ko be-libasi de gaya subh ke tare meri pahli dua tere liye tu dil-e-be-sabr ko taskin zara si de gaya log malbon mein dabe sae bhi dafnane lage zalzala ahl-e-zamin ko bad-hawasi de gaya tund jhonke ki ragon mein ghol kar apna dhuan ek diya andhi hawa ko khud-shanasi de gaya le gaya 'mohsin' wo mujh se abr banta aasman us ke badle mein zamin sadiyon ki pyasi de gaya

~ Mohsin Naqvi

GhazalRead Full

tum gul the hum nikhaar abhi kal ki baat hai

tum gul the ham nikhar abhi kal ki baat hai ham se thi sab bahar abhi kal ki baat hai begana samjho ghhair kaho ajnabi kaho apnon men tha shumar abhi kal ki baat hai aaj apne paas se hamen rakhte ho duur duur ham bin na tha qarar abhi kal ki baat hai itra rahe ho aaj pahan kar nai qaba daman tha taar taar abhi kal ki baat hai aaj is qadar ghhurur ye andaz ye mizaj phirte the 'mir' khvar abhi kal ki baat hai anjan ban ke puchhte ho hai ye kab ki baat kal ki hai baat yaar abhi kal ki baat hai tum gul the hum nikhaar abhi kal ki baat hai hum se thi sab bahaar abhi kal ki baat hai begana samjho ghair kaho ajnabi kaho apnon mein tha shumar abhi kal ki baat hai aaj apne pas se hamein rakhte ho dur dur hum bin na tha qarar abhi kal ki baat hai itra rahe ho aaj pahan kar nai qaba daman tha tar tar abhi kal ki baat hai aaj is qadar ghurur ye andaz ye mizaj phirte the 'mir' khwar abhi kal ki baat hai anjaan ban ke puchhte ho hai ye kab ki baat kal ki hai baat yar abhi kal ki baat hai

~ Kaleem Aajiz

GhazalRead Full

bana gulab to kante chubha gaya ek shakhs

bana gulab to kante chubha gaya ik shakhs hua charaghh to ghar hi jala gaya ik shakhs tamam rang mire aur saare khvab mire fasana the ki fasana bana gaya ik shakhs main kis hava men uduun kis faza men lahraun dukhon ke jaal har ik su bichha gaya ik shakhs palat sakun hi na aage hi badh sakun jis par mujhe ye kaun se raste laga gaya ik shakhs mohabbaten bhi ajab us ki nafraten bhi kamal miri hi tarah ka mujh men sama gaya ik shakhs mohabbaton ne kisi ki bhula rakha tha use mile vo zakhm ki phir yaad aa gaya ik shakhs khula ye raaz ki aina-khana hai duniya aur us men mujh ko tamasha bana gaya ik shakhs bana gulab to kante chubha gaya ek shakhs hua charagh to ghar hi jala gaya ek shakhs tamam rang mere aur sare khwab mere fasana the ki fasana bana gaya ek shakhs main kis hawa mein udun kis faza mein lahraun dukhon ke jal har ek su bichha gaya ek shakhs palat sakun hi na aage hi badh sakun jis par mujhe ye kaun se raste laga gaya ek shakhs mohabbaten bhi ajab us ki nafraten bhi kamal meri hi tarah ka mujh mein sama gaya ek shakhs mohabbaton ne kisi ki bhula rakha tha use mile wo zakhm ki phir yaad aa gaya ek shakhs khula ye raaz ki aaina-khana hai duniya aur us mein mujh ko tamasha bana gaya ek shakhs

~ Obaidullah Aleem

GhazalRead Full

yun to pahle bhi hue us se kai bar juda

yuun to pahle bhi hue us se kai baar juda lekin ab ke nazar aate hain kuchh asar juda gar ghham-e-sud-o-ziyan hai to thahar ja ai jaan ki isi mod pe yaron se hue yaar juda do ghadi us se raho duur to yuun lagta hai jis tarah saya-e-divar se divar juda ye judai ki ghadi hai ki jhadi savan ki main juda girya-kunan abr juda yaar juda kaj-kulahon se kahe kaun ki ai be-khabron tauq-e-gardan se nahin turra-e-dastar juda ku-e-janan men bhi khasa tha tarah-dar 'faraz' lekin us shakhs ki saj-dhaj thi sar-e-dar juda yun to pahle bhi hue us se kai bar juda lekin ab ke nazar aate hain kuchh aasar juda gar gham-e-sud-o-ziyan hai to thahar ja ai jaan ki isi mod pe yaron se hue yar juda do ghadi us se raho dur to yun lagta hai jis tarah saya-e-diwar se diwar juda ye judai ki ghadi hai ki jhadi sawan ki main juda girya-kunan abr juda yar juda kaj-kulahon se kahe kaun ki ai be-khabron tauq-e-gardan se nahin turra-e-dastar juda ku-e-jaanan mein bhi khasa tha tarah-dar 'faraaz' lekin us shakhs ki saj-dhaj thi sar-e-dar juda

~ Ahmad Faraz

GhazalRead Full

wo be-wafa hai to kya mat kaho bura usko

vo be-vafa hai to kya mat kaho bura us ko ki jo hua so hua khush rakhe khuda us ko nazar na aae to us ki talash men rahna kahin mile to palat kar na dekhna us ko vo sada-khu tha zamane ke kham samajhta kya hava ke saath chala le udi hava us ko vo apne baare men kitna hai khush-guman dekho jab us ko main bhi na dekhun to dekhna us ko abhi se jaana bhi kya us ki kam-khayali par abhi to aur bahut hoga sochna us ko use ye dhun ki mujhe kam se kam udaas rakhe miri du'a ki khuda de ye hausla us ko panah dhund rahi hai shab-e-girafta-dilan koi batao mire ghar ka rasta us ko ghhazal men tazkira us ka na kar 'nasir' ki ab bhula chuka vo tujhe tu bhi bhuul ja us ko wo be-wafa hai to kya mat kaho bura us ko ki jo hua so hua khush rakhe khuda us ko nazar na aae to us ki talash mein rahna kahin mile to palat kar na dekhna us ko wo sada-khu tha zamane ke kham samajhta kya hawa ke sath chala le udi hawa us ko wo apne bare mein kitna hai khush-guman dekho jab us ko main bhi na dekhun to dekhna us ko abhi se jaana bhi kya us ki kam-khayali par abhi to aur bahut hoga sochna us ko use ye dhun ki mujhe kam se kam udas rakhe meri du'a ki khuda de ye hausla us ko panah dhund rahi hai shab-e-girafta-dilan koi batao mere ghar ka rasta us ko ghazal mein tazkira us ka na kar 'nasir' ki ab bhula chuka wo tujhe tu bhi bhul ja us ko

~ Naseer Turabi

GhazalRead Full

zindagi kawish-e-baatil hai mera sath na chhod

zindagi kavish-e-batil hai mira saath na chhod tu hi ik umr ka hasil hai mira saath na chhod log milte hain sar-e-rah guzar jaate hain tu hi ik ham-safar-e-dil hai mira saath na chhod tu ne socha hai mujhe tu ne sanvara hai mujhe tu mira zehn mira dil hai mira saath na chhod tu na hoga to kahan ja ke jalunga shab bhar tujh se hi garmi-e-mahfil hai mira saath na chhod main ki biphre hue tufan men huun lahron lahron tu ki asuda-e-sahil hai mira saath na chhod is rifaqat ko sipar apni bana len ji len shahr ka shahr hi qatil hai mira saath na chhod ek main ne hi ugaae nahin khvabon ke gulab tu bhi is jurm men shamil hai mira saath na chhod ab kisi raah pe jalte nahin chahat ke charag tu miri akhiri manzil hai mira saath na chhod zindagi kawish-e-baatil hai mera sath na chhod tu hi ek umr ka hasil hai mera sath na chhod log milte hain sar-e-rah guzar jate hain tu hi ek ham-safar-e-dil hai mera sath na chhod tu ne socha hai mujhe tu ne sanwara hai mujhe tu mera zehn mera dil hai mera sath na chhod tu na hoga to kahan ja ke jalunga shab bhar tujh se hi garmi-e-mahfil hai mera sath na chhod main ki biphre hue tufan mein hun lahron lahron tu ki aasuda-e-sahil hai mera sath na chhod is rifaqat ko sipar apni bana len ji len shahr ka shahr hi qatil hai mera sath na chhod ek main ne hi ugae nahin khwabon ke gulab tu bhi is jurm mein shamil hai mera sath na chhod ab kisi rah pe jalte nahin chahat ke charag tu meri aakhiri manzil hai mera sath na chhod

~ Mazhar Imam

GhazalRead Full

raat-bhar chand ki galiyon mein phiraati hai mujhe

rat-bhar chand ki galiyon men phirati hai mujhe zindagi kitne hasin khvab dikhati hai mujhe in dinon ishq ki fursat hi nahin hai varna us dariche ki udasi to bulati hai mujhe tod deta huun ki ye bhi kahin dhoka hi na ho jaam men jab tiri surat nazar aati hai mujhe din isi farq ke jangal men guzar jaata hai raat yadon ka vahi zahr pilati hai mujhe saath jis roz se chhuta hai kisi ka 'azar' jaise kamre ki har ik chiiz darati hai mujhe raat-bhar chand ki galiyon mein phiraati hai mujhe zindagi kitne hasin khwab dikhati hai mujhe in dinon ishq ki fursat hi nahin hai warna us dariche ki udasi to bulati hai mujhe tod deta hun ki ye bhi kahin dhoka hi na ho jam mein jab teri surat nazar aati hai mujhe din isi farq ke jangal mein guzar jata hai raat yaadon ka wahi zahr pilati hai mujhe sath jis roz se chhuta hai kisi ka 'azar' jaise kamre ki har ek chiz daraati hai mujhe

~ Kafeel Aazar Amrohvi

GhazalRead Full

nil-gagan mein tair raha hai ujla ujla pura chand

nil-gagan men tair raha hai ujla ujla puura chand maan ki lori sa bachche ke duudh katore jaisa chand munni ki bholi baton si chatkin taron ki kaliyan pappu ki khamoshi shararat sa chhup chhup kar ubhra chand mujh se puchho kaise kaati main ne parbat jaisi raat tum ne to godi men le kar ghanton chuma hoga chand pardesi suuni ankhon men shoale se lahrate hain bhabi ki chhedon sa badal aapa ki chutki sa chand tum bhi likhna tum ne us shab kitni baar piya paani tum ne bhi to chhajje uupar dekha hoga puura chand nil-gagan mein tair raha hai ujla ujla pura chand man ki lori sa bachche ke dudh katore jaisa chand munni ki bholi baaton si chatkin taron ki kaliyan pappu ki khamoshi shararat sa chhup chhup kar ubhra chand mujh se puchho kaise kati main ne parbat jaisi raat tum ne to godi mein le kar ghanton chuma hoga chand pardesi suni aankhon mein shoale se lahraate hain bhabi ki chhedon sa baadal aapa ki chutki sa chand tum bhi likhna tum ne us shab kitni bar piya pani tum ne bhi to chhajje upar dekha hoga pura chand

~ Nida Fazli

GhazalRead Full

jate jate ye nishani de gaya

jaate jaate ye nishani de gaya vo miri ankhon men paani de gaya jagte lamhon ki chadar odh kar koi khvabon ko javani de gaya mere hathon se khilaune chhin kar mujh ko zakhmon ki kahani de gaya hal na tha mushkil ka koi us ke paas sirf vaade asmani de gaya khud se sharminda mujhe hona pada aaina jab mera saani de gaya mujh ko 'azar' ik fareb-e-arzu khub-surat zindagani de gaya jate jate ye nishani de gaya wo meri aankhon mein pani de gaya jagte lamhon ki chadar odh kar koi khwabon ko jawani de gaya mere hathon se khilaune chhin kar mujh ko zakhmon ki kahani de gaya hal na tha mushkil ka koi us ke pas sirf wade aasmani de gaya khud se sharminda mujhe hona pada aaina jab mera sani de gaya mujh ko 'azar' ek fareb-e-arzu khub-surat zindagani de gaya

~ Kafeel Aazar Amrohvi

GhazalRead Full

jaane wale mujhe kuchh apni nishani de ja

jaane vaale mujhe kuchh apni nishani de ja ruuh pyasi na rahe aankh men paani de ja vaqt ke saath khad-o-khal badal jaate hain jo na badle vahi tasvir purani de ja tire mathe pe mira naam chamakta tha kabhi un dinon ki koi pahchan purani de ja jis ki aghhosh men kat jaaen hazaron raten meri tanhai ko chhu kar vo kahani de ja rakh na mahrum khud apni hi rifaqat se mujhe aaina mujh ko dikha de mira saani de ja jaane wale mujhe kuchh apni nishani de ja ruh pyasi na rahe aankh mein pani de ja waqt ke sath khad-o-khal badal jate hain jo na badle wahi taswir purani de ja tere mathe pe mera nam chamakta tha kabhi un dinon ki koi pahchan purani de ja jis ki aaghosh mein kat jaen hazaron raaten meri tanhai ko chhu kar wo kahani de ja rakh na mahrum khud apni hi rifaqat se mujhe aaina mujh ko dikha de mera sani de ja

~ Midhat-ul-Akhtar

GhazalRead Full

aankhon mein chubh gain teri yaadon ki kirchiyan

ankhon men chubh gaiin tiri yadon ki kirchiyan kandhon pe ghham ki shaal hai aur chand raat hai dil tod ke khamosh nazaron ka kya mila shabnam ka ye saval hai aur chand raat hai campus ki nahr par hai tira haath haath men mausam bhi la-zaval hai aur chand raat hai har ik kali ne odh liya matami libas har phuul pur-malal hai aur chand raat hai chhalka sa pad raha hai 'vasi' vahshaton ka rang har chiiz pe zaval hai aur chand raat hai aankhon mein chubh gain teri yaadon ki kirchiyan kandhon pe gham ki shaal hai aur chand raat hai dil tod ke khamosh nazaron ka kya mila shabnam ka ye sawal hai aur chand raat hai campus ki nahr par hai tera hath hath mein mausam bhi la-zawal hai aur chand raat hai har ek kali ne odh liya matami libas har phul pur-malal hai aur chand raat hai chhalka sa pad raha hai 'wasi' wahshaton ka rang har chiz pe zawal hai aur chand raat hai

~ Wasi Shah

GhazalRead Full

viran sarae ka diya hai

viran sarae ka diya hai jo kaun-o-makan men jal raha hai ye kaisi bichhadne ki saza hai aine men chehra rakh gaya hai khurshid misal shakhs kal shaam mitti ke supurd kar diya hai tum mar gae hausla tumhara zinda huun ye mera hausla hai andar bhi zamin ke raushni ho mitti men charaghh rakh diya hai main kaun sa khvab dekhta huun ye kaun se mulk ki faza hai vo kaun sa haath hai ki jis ne mujh aag ko khaak se likha hai rakkha tha khala men paanv main ne raste men sitara aa gaya hai shayad ki khuda men aur mujh men ik jast ka aur fasla hai gardish men hain kitni kaenaten bachcha mira paanv chal raha hai viran sarae ka diya hai jo kaun-o-makan mein jal raha hai ye kaisi bichhadne ki saza hai aaine mein chehra rakh gaya hai khurshid misal shakhs kal sham mitti ke supurd kar diya hai tum mar gae hausla tumhaara zinda hun ye mera hausla hai andar bhi zamin ke raushni ho mitti mein charagh rakh diya hai main kaun sa khwab dekhta hun ye kaun se mulk ki faza hai wo kaun sa hath hai ki jis ne mujh aag ko khak se likha hai rakkha tha khala mein panw main ne raste mein sitara aa gaya hai shayad ki khuda mein aur mujh mein ek jast ka aur fasla hai gardish mein hain kitni kaenaten bachcha mera panw chal raha hai

~ Obaidullah Aleem

GhazalRead Full

tanhai se hai sohbat din raat judai mein

tanhai se hai sohbat din raat judai men kya khuub guzarti hai auqat judai men rukhsat ho chala tha tab daman na tira thama afsos ki malte hain ab haath judai men kya zikr hai aansu ka zalim miri ankhon se khun-nab hi tapke hai yak zaat judai men jab vasl tha un rozon yak dil hi pe aafat thi ab jaan ka hai sauda haihat judai men ye nala-o-zari ye khastagi o khvari jidhar ko chalun 'joshish' hain saat judai men tanhai se hai sohbat din raat judai mein kya khub guzarti hai auqat judai mein rukhsat ho chala tha tab daman na tera thama afsos ki malte hain ab hath judai mein kya zikr hai aansu ka zalim meri aankhon se khun-nab hi tapke hai yak zat judai mein jab wasl tha un rozon yak dil hi pe aafat thi ab jaan ka hai sauda haihat judai mein ye nala-o-zari ye khastagi o khwari jidhar ko chalun 'joshish' hain sat judai mein

~ Joshish Azimabadi

Explore Similar Collections

Aab Deedah Aab Aabla Aadmi Aagahi Aah Aahat Aajizi

Judai FAQs

Judai collection me kya milega?

Judai se related curated sher, selected ghazal excerpts aur context-friendly reading flow milega.

Kya is page ki links internal hain?

Haan, collection links, writer links aur detail links sab Kuch Alfaaz ke internal routes par map kiye gaye hain.

Collection ko kaise explore karein?

Type filter (Sher/Ghazal/Nazm), featured picks aur similar collections rail use karke fast discovery kar sakte hain.