Lab

nazuki us ke lab ki kya kahiye pankhudi ek gulab ki si hai the speaker is struck by the beloved’s refined beauty and finds ordinary language inadequate. by comparing the lips to a rose petal, the couplet conveys softness, freshness, and fragile tenderness. the rhetorical question intensifies wonder, suggesting that this beauty is almost beyond expression.

us ke honton pe rakh ke hont apne baat hi hum tamam kar rahe hain

kitne shirin hain tere lab ki raqib galiyan kha ke be-maza na hua how sweet are your honeyed lips, that even though my foe was abused by you, is not, in an unhappy state ghalib uses a clever metaphor to describe the charm of the beloved. usually, insults leave a bitter taste, but the poet suggests that the beloved's voice and lips are so sweet that even her abuses feel pleasurable to the rival. it highlights the intoxicating power of the beloved's speech, regardless of the content.

shauq hai is dil-e-darinda ko aap ke hont kat khane ka

so dekh kar tere rukhsar o lab yaqin aaya ki phul khilte hain gulzar ke alawa bhi

kyun parakhte ho sawalon se jawabon ko 'adim' hont achchhe hon to samjho ki sawal achchha hai

tujh sa koi jahan mein nazuk-badan kahan ye pankhudi se hont ye gul sa badan kahan

sirf us ke hont kaghaz par bana deta hun main khud bana leti hai honton par hansi apni jagah

ek dam us ke hont chum liye ye mujhe baithe baithe kya sujhi

un labon ne na ki masihai hum ne sau sau tarah se mar dekha

khuda ko man ki tujh lab ke chumne ke siwa koi ilaj nahin aaj ki udasi ka

muskurae baghair bhi wo hont nazar aate hain muskurae hue

tere labon ko mili hai shaguftagi gul ki hamari aankh ke hisse mein jharne aae hain

aata hai ji mein saqi-e-mah-wash pe bar bar lab chum lun tera lab-e-paimana chhod kar

bujhe labon pe hai boson ki rakh bikhri hui main is bahaar mein ye rakh bhi uda dunga

kuchh to mil jae lab-e-shirin se zahr khane ki ijazat hi sahi

honton par ek bar saja kar apne hont us ke baad na baaten karna so jaana

kisi ko khwab mein aksar pukarte hain hum 'ata' isi liye sote mein hont hilte hain

kanpte hont bhigti palken baat adhuri hi chhod deta hun

kya karun ai tishnagi tera mudawa bas wo lab jin labon ko chhu ke pani aag banta jae hai

ghurur-e-tishna-dahani teri baqa ki qasam nadi hamare labon ki taraf uchhalti rahi

ashk aankhon se meri nikle musalsal lekin us ne ek harf-e-tasalli na nikala lab se

ye lab-o-rukhsar ye chehra tera pur-nur sa tujh ko kya dekha laga jaise koi dekhi ghazal

muddat ke ba'd 'nur' hansi lab pe aai hai wo apna ham-khayal bana le gaya mujhe

zulm sah ke bhi main ne hont si liye 'ghazi' ek zarf un ka hai ek zarf mera hai

kali chatakh ke labon ke mizaj tak pahunchi gulab tut ke surkhi-e-gal tak aae

mere ashaar hain wo aasmani khwab jin ko meri mitti ke honthon par utara ja raha hai

saqiya muhr-ba-lab kar ke sila kya paya hashr kuchh aur khamoshi ne bapa rakkha hai

koi mojazati sa ek dil-ruba lamha us ke hont khul jaen mere lab pe tala ho

ek bosa sabt karne ka e'lan kar diya honton ka jis ne rakh diya huliya bigad kar