Top 20 Sher by Majrooh Sultanpuri

main akela hi chala tha jaanib-e-manzil magar log sath aate gae aur karwan banta gaya

aise hans hans ke na dekha karo sab ki jaanib log aisi hi adaon pe fida hote hain

dekh zindan se pare rang-e-chaman josh-e-bahaar raqs karna hai to phir panw ki zanjir na dekh

koi ham-dam na raha koi sahaara na raha hum kisi ke na rahe koi hamara na raha

shab-e-intizar ki kashmakash mein na puchh kaise sahar hui kabhi ek charagh jala diya kabhi ek charagh bujha diya

jafa ke zikr pe tum kyun sambhal ke baith gae tumhaari baat nahin baat hai zamane ki

gham-e-hayat ne aawara kar diya warna thi aarzu ki tere dar pe subh o sham karen

bahane aur bhi hote jo zindagi ke liye hum ek bar teri aarzu bhi kho dete

bacha liya mujhe tufan ki mauj ne warna kinare wale safina mera dubo dete

sutun-e-dar pe rakhte chalo saron ke charagh jahan talak ye sitam ki siyah raat chale

zaban hamari na samjha yahan koi 'majruh' hum ajnabi ki tarah apne hi watan mein rahe

alag baithe the phir bhi aankh saqi ki padi hum par agar hai tishnagi kaamil to paimane bhi aaenge

rok sakta hamein zindan-e-bala kya 'majruh' hum to aawaz hain diwar se chhan jate hain

mujh se kaha jibril-e-junun ne ye bhi wahi-e-ilahi hai mazhab to bas mazhab-e-dil hai baqi sab gumrahi hai

hum ko junun kya sikhlate ho hum the pareshan tum se ziyaada chaak kiye hain hum ne azizo chaar gareban tum se ziyaada you teach me passion? i was distressed more than you, o my friends i have torn,my far more collars than you. sagar akbarabadi

mujhe ye fikr sab ki pyas apni pyas hai saqi tujhe ye zid ki khali hai mera paimana barson se

sar par hawa-e-zulm chale sau jatan ke sath apni kulah kaj hai usi bankpan ke sath

ab kargah-e-dahr mein lagta hai bahut dil ai dost kahin ye bhi tera gham to nahin hai

mere hi sang-o-khisht se tamir-e-baam-o-dar mere hi ghar ko shahr mein shamil kaha na jae

para-e-dil hai watan ki sarzamin mushkil ye hai shahr ko viran ya is dil ko virana kahen